ཕི་ལིབ་པཱི་པ། 1:12 - གློ་བ།

¹² སྤུན་ཀྱ་བོ། ང་ལ་གི་བྱུང་བྱ་ཡི་དངོས་གནས་བྱེད་ན། གཏམ་བཟང་འཕེལ་ཡས་ལ་ཕན་ཐོགས་པ་ལགས་སྨྲས་རེ་ཁྱེད་ཀྱ་ཡིས་ཤེས་ལ་བྱེད་སྨྲས་རེ་ང་འདོད་འདིག་འོད།

ཕི་ལིབ་པཱི་པ། 1:12 Cross References

ལུ་ཀ། 21:13

དེ་ནི་ཁྱེད་ཀྱ་ལ་དཔང་པོ་བྱེད་ཡས་ཀྱི་གོ་སྐབས་འབྱུང་གི་ལགས།

མཛད་པ། 8:4

ད་གྲམ་སྟེ་སོང་ས་དད་པ་བྱེད་མཁན་གི་རི་ཡིས་རང་ག་རུ་འགྲོ་ས་རུ་གཏམ་བཟང་བཤད་དེ་བཤད་དེ་སོང་བ་ལགས།

རོ་མཱ་པ། 8:28

དེ་ནས་དཀོན་མཆོག་ལ་བྱམས་པ་བྱེད་མཁན་དང་། ཁོང་གི་ཐུགས་དགོངས་ལ་བརྟེན་ཏེ་བོས་པ་ཀྱ་ཡི་ཆེད་དུ། ཁོང་གིས་དོན་གི་རི་ལ་བཟང་ང་མཛད་ད་ལགས་སྨྲས་རེ་འོ་རང་ལ་ཤེས་ཡས་འོད་ད་ལགས།

རོ་མཱ་པ། 8:37

ཡིན་ནའང་འདི་གནས་ཚུལ་གི་རིའི་ནང་ལའང་། འེ་ལ་བྱམས་པ་མཛད་མཁན་གྱིས་ཐོག་ནས་འེ་ལ་རྒྱལ་ཁ་ཚང་གོ་ཐོབ་འོད་ད་ལགས།

ཕི་ལིབ་པཱི་པ། 1:5

གི་བྱས་རེ་སྨྲ་ན་མཱ་ཤི་ཀའི་སྐོར་ལ་གཏམ་བཟང་དེ། ཁྱེད་ཀྱ་ཡིས་མགོ་མ་གོ་ག་ཉིན་མ་ནས་ད་ལྟ་ཐུག་པའི་འདི་བཤད་ཡས་ལ་ཁྱེད་ཀྱ་ངའི་རོགས་བ་བྱུང་འོད།

ཕི་ལིབ་པཱི་པ། 1:7

ཁྱེད་ཀྱ་ངའི་སེམས་ནང་དུ་བྱས་རེ་ཁྱེད་ཀྱ་གི་རིའི་སྐོར་ལ། དེ་རེ་ཚོར་སྣང་སྐྱེས་ཡས་དེ་ངའི་ཆེད་དུ་བདེན་པ་འདུག། ང་བཙོན་ཁང་དུ་འོད་དེ་གང་ལ་ཡང་ན་གཏམ་བཟང་ལ་སྲུང་སྐྱོབ་དང་བདེན་དཔང་བྱེད་འདིག་གང་ལ། ཁྱེད་ཀྱ་གི་རི་ངའི་མུ་ལ་དཀོན་མཆོག་གི་ཐུགས་རྗེ་འཐོབ་འོད་ད་ལགས།

ཕི་ལིབ་པཱི་པ། 2:22

ཡིན་ནའང་ཏི་མོ་ཐེའུ་ནི་མི་ག་རེ་གཅིག་ལེ་སྨྲས་རེ་ཁྱེད་ཀྱ་ཤེས་ལ་ལགས། གི་བྱས་རེ་སྨྲ་ན་བི་ཛ་གཅིག་གི་རང་གི་ཨ་རྒས་ལ་ཞབས་ཕྱི་ཞུ་གིན་ཅོག་རེ། གཏམ་བཟང་གི་ལས་ཀ་ལ་ཁོས་ངའི་མུ་ལ་ཞབས་ཕྱི་ཞུས་བ་ལགས།

ཕི་ལིབ་པཱི་པ། 4:15

དེ་ནས་ཁྱེད་ཕི་ལིབ་པཱི་པ་ཀྱ་རང་ཤེས་ལ་ལགས། ང་གཏམ་བཟང་བཤད་ཡས་ཀྱི་འགོ་མ་ཉིན་མ་ཀྱ་ལ་མ་ཀེ་དོན་ཡཱ་ནས་འགྲོ་བ་རང་། སྟེར་ཡས་དང་ལེན་ཡས་ཀྱི་ལས་ཀ་ལ་ཁྱེད་ཀྱ་མ་ན། གཞན་མ་ཆོས་ཚོགས་སུའང་ང་ལ་རོགས་བ་མ་བྱས།

ཕི་ལིབ་པཱི་པ། 4:3

དེ་ནས་ངའི་བདེན་པའི་ལས་རོགས་ཁྱོས་འང་། དེ་སྐྱེས་དམན་གཉིས་བོ་ལ་རོགས་བྱེད་སྨྲས་རེ་ང་ཞུ་བ་ཡིན། གི་བྱས་རེ་སྨྲ་ན་ཁོང་གཉིས་བོ་ཡིས་འང་གཏམ་བཟང་གི་ལས་ཀ་ལ། ངའི་མུ་ལ་ཀི་ལེ་མེ་སི་དང་ངའི་ལས་རོགས་གཞན་མ་ཀྱ་མུ་ལ་དཀའ་ལས་བརྒྱབ་འོད་ད་ལགས། ཁོང་གི་རིའི་མིང་ཚེ་སྲོག་གི་དེབ་ནང་ལ་ཆུད་འོད་ད་ལགས།

༡ ཏི་མོ་ཐེའུ། 2:8

ས་ཆ་གི་རི་རུ་སྐྱེས་བའི་ཕོ་ཀྱ་ཡི་ཞེ་སྡང་དང་། རྩོད་པ་མ་བསླངས་ང་ལག་པ་གཙང་མ་ཡར་ལ་བརྐྱངས་རེ་སྨོན་ལམ་འདེབས་ཡས་ལ་ང་འདོད་འདིག་འོད།

༢ ཏི་མོ་ཐེའུ། 2:9

གཏམ་བཟང་འདིའི་དོན་ལ་ང་མི་ནག་ཅན་ཅོག་རེ་ལྕགས་སྒྲོག་གིས་བསྡམས་ཏེ་སྡུག་པོ་མྱངས་བའི་འོད། ཡིན་ནའང་དཀོན་མཆོག་གི་བཀའ་མ་བསྡམས་འོད་ད་ལགས།

༢ ཏི་མོ་ཐེའུ། 4:17

ཡིན་ནའང་ངའི་ཐོག་ནས་གཏམ་བཟང་ཚང་པོ་བཤད་ཡས་ལ། དེ་ནས་ཡ་ཧུ་དཱ་པ་མིན་གྱིན་མི་རིགས་གི་རི་ཡིས་ཧ་གོ་ཡས་ཀྱི་ཕྱིར་ལ། གཙོ་བོ་ངའི་མུ་ལ་བཞུགས་ཏེ་ང་ལ་ཤུགས་གནང་སོང་། དེ་ནས་འཆི་བའི་ཁ་ནས་ང་ལ་སྐྱོབ་མཛད་སོང་།