फीलीप्‍पीपा 4:9 - ॱलोवा

⁹ खेक्‍याई ङाने घी ज्‍याङगीन धाङ खेलेन झ्‍यीगीन धाङ ङेन्‍गीन धाङ थोङगीन लाबक्‍या, राङगी मीछेला लाक्‍लेन झ्‍यी। धेनी श्‍यीदेगी को़न्‍क्षोक खेक्‍यामुला श्‍युक्‍वा जेगीलाक।

फीलीप्‍पीपा 4:9 Cross References

मेथा 1:23

“तो़दाङ, नाच्‍युङ चाङमा च्‍यीकला टु क्षाक्‍ती, मोने से च्‍यीक ठुङगीलाक धेनी खोङबागी छेन ईम्‍मानुएल ॱनेरी भो़गीलाक” (देगी दो़नगो “को़न्‍क्षोक होराङमुला”)।

मेथा 28:20

धेनी ङी खेक्‍याला ॱलाप्‍कीन का घीरी ॱरुङयेला, खुङक्‍याला ॱलोप। धेनी थागी धी़ थुक्‍पे नाम्‍हीना, ङा खेक्‍यामुला हो़क ॱनेरी ॱहाघोरा झ्‍यी।”

मेथा 7:21

“ङाला ‘चोवो चोवो’ ॱनेरी भो़गीन घीरी, नाम्‍खागी ग्‍यासीला ॱमीछी़गीलाक हीना नाम्‍खे श्‍यीङखामदु श्‍युक्‍कीन, ङी यापगी थुकोङ डुप्‍कीनगो च्‍यीगा, दे नाङदु छी़गीलाक।

लुका 6:46

“ङी ॱनागीनगो मीझ्‍यीना, खेक्‍या घीझ्‍येरी ङाला ‘चोवो, चोवो’ ॱनेरी भो़लाले?

लुका 8:21

हीना खोङबागी होदेक्‍याला सुवालाक, “ङी आमा धाङ नोक्‍या, को़न्‍क्षोकगी का ङेन्‍गीन धाङ होदे चीगीनक्‍या लाक।”

योहान्‍ना 13:17

खेक्‍याई देक्‍याई दो़न ॱहाघोरती, होदे च्‍योक्‍रे झ्‍यीना खेक्‍याला झ्‍यीलाप थोप्‍कीलाक।”

योहान्‍ना 15:14

ङी खेक्‍याला तेरकीन कागो खेक्‍याई ॱरुङना, खेक्‍या ङी छो़ढोक हीन।

योहान्‍ना 2:5

खोङबागी युमगी ॱयोक्‍पोक्‍याला, “खोङबागी घी सुङगीनगो झ्‍यी।” ॱनेरी ॱनेवालाक।

जेपा 9:6

हीना ख्‍यो़ लोङ धेनी ग्‍याजारु सोङ। होदुरु ख्‍यी़ झ्‍यीघोगीनगो, ख्‍यो़ला ॱनागुलाक।”

रोमापा 15:33

श्‍यीदेगी को़न्‍क्षोक खेक्‍या घीरीमुला श्‍युक्‍वास्‍योक। आमेन।

रोमापा 16:20

श्‍यीदेगी को़न्‍क्षोकगी धी़ सातानला ग्‍योक्‍जेराङ, खेक्‍याई काङबी होकला ॱनेम्‍गीलाक। होरी चोवो येशु मास्‍यीकागी थुक्‍जे खेक्‍यामुला हुङास्‍योक।

१ कोरीन्‍थुपा 10:31

होझ्‍येरी खेक्‍या शाना याङना थुङना याङना घी झ्‍यीना घीरी को़न्‍क्षोकगी शीजेगी क्षीदु झ्‍यी।

१ कोरीन्‍थुपा 14:33

घीझ्‍येरी ॱनाना को़न्‍क्षोक नी, गो ठुक्‍तु च्‍युक्‍कीन को़न्‍क्षोक मेन्‍दा श्‍यीदेगी को़न्‍क्षोक लाक। धाम्‍पे मीक्‍याई क्षो़छोक घीरीगी डोताङला तेन्‍दी,

१ कोरीन्‍थुपा 4:16

होझ्‍येरी, ङा खेक्‍याला ङी लेमो झ्‍यी ॱनेरी कुलाहीन।

२ कोरीन्‍थुपा 13:11

थाला पी़नक्‍याओ, टास्‍यीवा स्‍योक। फी़न्‍सुम छोक्‍पा झ्‍युङयेगी क्षीदु ॱमीक्‍यु श्‍योक। धेनी च्‍यीकगी च्‍यीकला सेम्‍सो पोर। फी़न्‍सुममुला थी़न्‍दी सोङ। धेनी श्‍यीदेला धो़क। धेनी झाम्‍पा धाङ श्‍यीदेगी को़न्‍क्षोक, खीकीमुला श्‍युक्‍कीलाक।

फीलीप्‍पीपा 3:17

पी़नक्‍याओ, ङाला पे श्‍याक्‍ती मीछे पी़ धेनी हीकी मीछेला खेक्‍याई थोथा पे च्‍योक्‍रे, मीछे पी़गीनक्‍याला श्‍यीप्‍ता झ्‍यी।

फीलीप्‍पीपा 4:7

धेनी मीक्‍याई साम्‍लोलाराङ मेगीन, को़न्‍क्षोकगी श्‍यीदेगी खेक्‍याई सेम धाङ साम्‍लोला, मास्‍यीका येशुगी नाङ ॱरुङा जेगीलाक।

१ थेसालोनीकेपा 1:6

ॱमीच्‍यीकी दुङा क्षेगी खोकलाः खेक्‍याई धाम्‍पे थुक्‍ङीगी घाटो थोक्‍ने ताम्‍शाङगो खेलेन्‍दी, खेक्‍या हे धाङ चोवोगी लेमो झ्‍यीगीन झ्‍युवालाक।

१ थेसालोनीकेपा 2:14

पी़न्‍दाक्‍याओ, युदेयारु हो़गीन येशु मास्‍यीकाला धेपा झ्‍यीगीन, को़न्‍क्षोकगी क्षो़छोकगी लेमो झ्‍यीगीन, खेक्‍या झ्‍युजुङ घीझ्‍येरी ॱनाना खुङक्‍याला याहुदापाक्‍याई दुक्‍पु ताङगीन च्‍योक्‍रे, खेक्‍यालाः खेरी राङगी मीक्‍याई दुक्‍पु तावालाक।

१ थेसालोनीकेपा 5:23

धा श्‍यीदे को़न्‍क्षोकगीराङ खेक्‍या नाङ हो़गीन घीरी, धाम्‍पा जेदास्‍योक धेनी होरी चोवो येशु मास्‍यीका फेवी घाङला, खेक्‍याई सेम्‍ङी धाङ सेम धाङ ली़ घीरी क्‍यो़न मेगीन ॱरुङवास्‍योक।

२ थेसालोनीकेपा 3:4

हीकी का तेरता च्‍योक्‍रे, खेक्‍या धान्‍दा झ्‍यीदीक धेनी श्‍युक थुक्‍पे झ्‍यीगीलाक ॱनेरी, हेक्‍याला चोवोने ॱलोते हो़क।

२ तीमोथेउ 4:22

चोवो ख्‍यी़ सेम नाङदु श्‍युक्‍वास्‍योक। चोवोगी थुक्‍जे खेक्‍यामुला हुङास्‍योक।

याकोब 1:22

काला ङेन्‍ये च्‍यीगा झ्‍युरी, राङला गोकोर ॱमाताङ हीना काला सुङगीन च्‍योक्‍रे झ्‍यीगीन झ्‍युङ।

२ पेटो 1:10

होझ्‍येरी पी़नक्‍याओ, खेक्‍याला को़न्‍क्षोकगी भो़पा धाङ दाम्‍दागोला, ॱङोन्‍ने हीन्‍गीनगो तो़न्‍ये क्षीदु धोराङा ची़न्‍डी़ झ्‍यी घीझ्‍येरी ॱनाना देरे झ्‍यीना, खेक्‍या खेरी धेपाने ल्‍हीम्‍गीमालाक।

१ योहान्‍ना 3:22

धेनी होरी घी श्‍यी़ना, होदेगो खोङगी थोक्‍ने थोबालाक घीझ्‍येरी ॱनाना होराङ खोङबागी काक्‍या ॱरुङालाक धेनी खोङला थुक्‍ङेउ हुङगीन लेगाक्‍या झ्‍यीदालाक।