फीलीप्‍पीपा 4:6 - ॱलोवा

⁶ घीन्‍गी थोकला दुङा माझ्‍यी हीना ॱनेछु घीरीला, काटीन क्षे श्‍यी़री ॱमो़लाम धाङ श्‍योवागी थोक्‍ने, खेक्‍याला घो़गीन घीरी को़न्‍क्षोकला श्‍यी़।

फीलीप्‍पीपा 4:6 Cross References

मेथा 10:19

खुङक्‍याई खेक्‍याला होझ्‍येरी ची ग्‍याई घाङला, घाङ झ्‍येरी घी ॱनाये ॱनेरी, खेक्‍या सेम्‍डा माझ्‍यी घीझ्‍येरी ॱनाना खेक्‍याई घी ॱना घो़गीनगो, होदे धी़लाराङ खेक्‍याला ॱनाङगीलाक।

मेथा 13:22

याङ छेम्‍मागी खोकला थोरथोवा साङागो, को़न्‍क्षोकगी कागो ङेन्‍दी हीना जीक्‍तेनगी दुङा धाङ ग्‍युनोरगी ॱली़टेगी का देला ॱनेम्‍दी, होदे ढेबु ॱमेक्षाक्‍कीन मी च्‍योक्‍रे लाक।

मेथा 6:34

होझ्‍येरी ॱङेटोगी क्षीला दुङा माझ्‍यी, घीझ्‍येरी ॱनाना ॱङेटोला ॱङेटोराङगी दुङा हो़तालाक। धीरीङगी दुङा, धीरीङगी क्षीला ढीक्‍येदुक।”

मेथा 6:8

खुङक्‍या च्‍योक्‍रे माझ्‍यी घीझ्‍येरी ॱनाना ख्‍यो़ला घी घो़गीनगो ख्‍यी़ माश्‍युगीन एन्‍लाराङ, ख्‍यी़ यापगी खेन्‍दालाक।

लुका 10:41

हीना येशुगी मोला लेन जेपालाक, “मारथा, मारथा! ख्‍यो़ लेगा माङागी कोरला सेम्‍डा धाङ खोङडो झ्‍यीदी।

लुका 12:22

धेनी येशुगी राङगी ङेनेक्‍याला सुवालाक, “होझ्‍येरी ङा खेक्‍याला ॱनाहीन, ख्‍यो़री ॱरोकगी क्षीला घी शाये धाङ ख्‍यी़ ली़गी क्षीला घी घो़न्‍ये ॱनेरी दुङा माझ्‍यी।

लुका 12:29

घी शाये याङना घी थुङये ॱनेरी, खेक्‍या चारी माधेक धेनी दुङा माझ्‍यी।

लुका 18:1

धेनी च्‍योई सोवा धेप्‍ये धाङ सेमस्‍युक मेक्षाक्‍येगी क्षीला, येशुगी ङेनेक्‍याला पे च्‍यीक सुवालाक।

लुका 18:7

धेनी को़न्‍क्षोकगी राङगी दाम्‍दा मीक्‍याई ङीन्‍घाङ-छेन्‍घाङ सोवा ग्‍याप्‍ना, खुङक्‍याला ठीम ढाङपो चेदा जेगीमालाक से? खोङबागी खुङक्‍याला रोवा झ्‍यीयेला धाला जेगीलाक से?

१ कोरीन्‍थुपा 7:21

ख्‍यो़ला को़न्‍क्षोकगी भो़ली घाङला ख्‍यो़ ढेन्‍योक हो़ते? दी कोरला सेम्‍डा माझ्‍यी हीना ढेन्‍योकने थार थुक्‍ये हो़ना, होदे घुकाप भेचो़ झ्‍यी।

१ कोरीन्‍थुपा 7:32

खेक्‍या दुङाने थारकीनगो ङा दो़दीहो़क। ॱनामा मालेन्‍ला मीगी चोवोला घाङगी झ्‍येरी थुक्‍घेरु च्‍युक्‍ये ॱनेरी, चोवोगी दो़नला दो़नाङ झ्‍यीदालाक।

२ कोरीन्‍थुपा 1:11

खेक्‍याई ॱमो़लामगी थोक्‍ने, हेक्‍याला रोवा झ्‍येवालाक होझ्‍येरी ॱमो़लाम माङागी थोक्‍ने, हेक्‍याला थोप्‍था झ्‍यीलापक्‍याई क्षीदु, हीकी छापला मी माङागी को़न्‍क्षोकला काटीन्‍क्षे श्‍यी़गीलाक।

एफीसुपा 5:20

धेनी नाम्‍हीना, होरी चोवो येशु मास्‍यीकागी छेन थोक्‍ने घीरीगी क्षीला याप को़न्‍क्षोकला काटीन्‍क्षे श्‍यी़।

एफीसुपा 6:18

धेनी धाम्‍पे थुक्‍ङीला तेन्‍ती धी़ ताक्‍दु ॱमो़लाम धाङ रेभो़ श्‍यी़। दो़न दे सेमला शीम्‍दी थाङ ॱमेक्षेदा शाप-शाप झ्‍येरी, धाम्‍पे मी घीरीगी क्षीदु ॱमो़लाम श्‍यी़।

कोलोसेपा 3:15

मास्‍यीकागी श्‍यीदेगी, खेरी सेमला वाङग्‍युर झ्‍यीदु च्‍युक। घीझ्‍येरी ॱनाना खेक्‍या श्‍यीदे नाङदु ली़ च्‍यीकगी येन्‍लाक च्‍योक्‍रे, ॱनेयेला भो़पाहीन। धेनी को़न्‍क्षोकला काटीन्‍क्षे श्‍यी़।

कोलोसेपा 3:17

धेनी छीक धाङ लेगी थोक्‍ने खेक्‍याई घी झ्‍यीना, घीरी चोवो येशुगी छेनने याप को़न्‍क्षोकला, खोङगी थोक्‍ने काटीन्‍क्षे श्‍यी़री झ्‍यी।

कोलोसेपा 4:2

काटीन्‍क्षे श्‍युरी धेनी च्‍याङजे झ्‍युरी, ॱमो़लाम ॱमेक्षेदा ग्‍योप।

१ तीमोथेउ 2:1

धेनी धाङपोगो, ङी मी घीरी धाङ ग्‍यावुक्‍या धाङ पो़न्‍पोक्‍यागी क्षीला सोवा धाङ ॱमो़लाम धाङ श्‍योवा धाङ काटीन्‍क्षे श्‍यी़ ॱनेरी, कुलाहीन। देरे झ्‍येरी होराङ क्षोक घीरीने क्षो़सेम्‍चेन धाङ यारापचेनगी थोक्‍ने, धेवा धाङ श्‍यीझामगी मीछे पी़ थुक्‍कीलाक।

१ तीमोथेउ 5:5

तातोक झ्‍यीगीन मेगीन ॱङोन्‍ने, युक्‍जामा धाङ मोरोङमा च्‍यीगा लेगीनगी, को़न्‍क्षोकला रेवा श्‍यालाक धेनी ङीन-छेन रेभो़ श्‍युलालाक धेनी सोवा ग्‍यालाक।

१ पेटो 4:7

दो़न घीरीगी थागो ङे ॱलेप्‍दुक। होझ्‍येरी खेक्‍या ॱमो़लाम ग्‍याप्‍येगी क्षीदुराङ, छो़ शीम्‍गीन धाङ शाप-शाप झ्‍युङघो़।

१ पेटो 5:7

धेनी खेक्‍याई सेम्‍डा घीरी खोङबाला फी़ घीझ्‍येरी ॱनाना खोङबागी खेक्‍याई शीक क्‍योङ जेदालाक।