फीलीप्‍पीपा 4:19 - ॱलोवा

¹⁹ धेनी ङी को़न्‍क्षोकगी खेक्‍याई घो़गीन घीरी, मास्‍यीका येशुगी ढाङमेगी शीजे थोक्‍ने ॱनाङा जेगीलाक।

फीलीप्‍पीपा 4:19 Cross References

मेथा 6:32

घीझ्‍येरी ॱनाना धेपा मीझ्‍यीगीनक्‍या, देक्‍या घीरी चालालाक धेनी नाम्‍खे श्‍यीङखामदु श्‍युक्‍कीन खीकी यापगी, खेक्‍याला दे घीरी घोलालाक ॱनेरी खेन्‍दालाक।

योहान्‍ना 20:17

येशुगी मोला सुवालाक, “धान्‍दा थुक्‍पे ङा यापगी डुङदु ॱमाफाक्‍पा, ङाला माशीम। हीना ङी पी़नक्‍याचारु सोरी, खुङक्‍याला, ‘ङा नी ङाराङगी याप धाङ खेक्‍याई याप धेनी ङी को़न्‍क्षोक धाङ खेक्‍याई को़न्‍क्षोक चारु डी़हो़क’ ॱनेरी स्‍यो़क।”

योहान्‍ना 20:27

धेनी खोङबागी थोमाला सुवालाक, “ख्‍यी़ जु दुरु चुक्‍ती, ङी लाक्‍पाक्‍याला तो़। धेनी ख्‍यो़री लाक्‍पा क्‍यारी ङी श्‍योक नाङला चुक। दोक्‍पा ॱमासाक हीना धेपा झ्‍यी।”

रोमापा 1:8

धाङपोगो येशु मास्‍यीकागी थोक्‍ने, ङी को़न्‍क्षोकला ङा खे घीरीगी क्षीदु काटीन्‍क्षे श्‍युवाहीन घीझ्‍येरी ॱनाना जीक्‍तेन घीरीदु, खीकी धेपागी कोरला ख्‍याप्‍दुक।

रोमापा 11:33

आहा! को़न्‍क्षोकगी नोर धाङ स्‍येराप धाङ स्‍येयो़न घीन्‍गी तीङ रीङा। खोङगी ठीम्‍चो़ ढेस्‍ये ग्‍याप ॱमीथुप्‍कीन, धाङ खोङगी लाम ॱहाघो ॱमीथुप्‍कीन दुक।

रोमापा 2:4

याङना को़न्‍क्षोकगी ॱङीङजे नी, ख्‍यो़ला ग्‍यो़पा झ्‍यीदु च्‍युक्‍ती सेम ग्‍युरतु च्‍युक्‍येला हीन्‍गीनगो ॱहामाघोवा, ख्‍यो़ खोङगी ॱङीङजे क्षेन्‍बो धाङ थुकॱरेन धाङ थुक्‍शो़ला थोङछुङ झ्‍यीदाले?

रोमापा 8:18

ङी साम्‍बाला धान्‍दागी दुङाक्‍या माउपारगी धी़ला, होराङला ॱङो़न्‍ये हीन्‍गीन शीजेमुला दुरना घीया मालाक।

रोमापा 9:23

दे नी एम्‍माने शीजेगी क्षीला को़न्‍क्षोकगी डाढीक जेजा, खोङगी ॱङीङजे तो़न्‍जा मीक्‍या खाला, खोङगी ॱलानामेपे शीजे ॱयो़ल्‍ले ठाछाई झ्‍येरी, ॱङो़न्‍येगी क्षीदु खोङबागी जेपालाक।

२ कोरीन्‍थुपा 12:21

ङा याङ हुङी घाङला, खीकी घुङदु ङी को़न्‍क्षोकगी ङाला ॱमावा जेटु ॱनेरी, ङा जीक्‍ई। धेनी मी माङागी एम्‍मा झ्‍येजा धीक्‍पाक्‍या धाङ खुङक्‍याई झ्‍येजा ॱमेचाङा धाङ लोक्‍येम धाङ दो़छाकने ग्‍यो़पा मीझ्‍यीदा मीग्‍युरकीनगोला, ङा सेम क्‍यो घो़टु।

२ कोरीन्‍थुपा 4:17

घीझ्‍येरी ॱनाना युन तुङागी दुक्‍पो याङा दी, हेक्‍याई क्षीदु दुरये मेगीन, थामेपे शीजेगो डाढीक झ्‍यीदी हो़तालाक।

एफीसुपा 1:18

खेक्‍याई सेम्‍ङीगी ॱमीक बेलास्‍योक ॱनेरी, ङा ॱमो़लाम ग्‍यावीहो़क। होझ्‍येरी खेक्‍या रेवा घीन्‍गी क्षीला भो़पा धाङ धेनी धाम्‍पे मीक्‍याला, खोङबागी ढाङमेगी शीजेगी ग्‍युज्‍यीनगो घी हीन्‍गीन धाङ

एफीसुपा 1:7

को़न्‍क्षोकगी ढाङमेगी थुक्‍जेला तेन्‍ती, मास्‍यीकागी कुठाकगी थोक्‍ने होराङला थारपा हो़तालाक धेनी होरी धीक्‍पाक्‍याई घोयाङ हो़तालाक।

एफीसुपा 2:7

दे नी माउपारगी धी़ला खोङबागी मास्‍यीका येशुगी थोक्‍ने, होराङला ॱनाङना ॱङीङजेगी गोने, राङगी ढाङमेगी थुक्‍जे दे, मीक्‍याला तो़न्‍येगी क्षीला लाक।

एफीसुपा 3:16

को़न्‍क्षोकगी ढाङमेगी शीजेला तेन्‍ती, थुक्‍ङीगी थोक्‍ने नी़थु ॱनाङदी, खेक्‍याई सेमला तोपस्‍युक ॱनाङास्‍योक,

एफीसुपा 3:8

ङा को़न्‍क्षोकगी धाम्‍पा मीक्‍याने ॱमास्‍योकगो हीन्‍नाः मास्‍यीकागी ढाङमेगी शीजेक्षेगी ताम्‍शाङगो, याहुदापा मेन्‍गीनक्‍याला स्‍येये धाङ धेनी घीरी को़ ॱनाङगीन, को़न्‍क्षोकगी एम्‍मा धी़रापने बेरी श्‍याक जेजा साङवा दे, मी घीरीला ॱङो़न्‍दु च्‍युक्‍येगी दे थुक्‍जे दे ङाला ॱनावालाक।

फीलीप्‍पीपा 4:7

धेनी मीक्‍याई साम्‍लोलाराङ मेगीन, को़न्‍क्षोकगी श्‍यीदेगी खेक्‍याई सेम धाङ साम्‍लोला, मास्‍यीका येशुगी नाङ ॱरुङा जेगीलाक।

कोलोसेपा 1:27

को़न्‍क्षोकगी ढाङमेगी शीजेगी साङवा दे, याहुदापा मेन्‍गीन मीरीकगी क्षीला ॱमीच्‍यीकी चाक्षे हीन्‍गीनगो, राङगी धाम्‍पे मीक्‍याला ॱङो़न्‍दु जेयेगो, को़न्‍क्षोकगी थुक घेवालाक। साङवा दे नी, मास्‍यीका खेक्‍याई नाङ हो़तालाक धेनी खोङ नी शीजेगी रेवागो लाक।

कोलोसेपा 3:16

मास्‍यीकागी का खेक्‍या नाङ मेछो़ली ॱनेघो़। धेनी स्‍येराप घीरीने च्‍यीकगी च्‍यीकला ॱलोप धेनी ॱलापच्‍या ग्‍योप। धेनी को़न्‍क्षोकला राङगी ॱङीङ थाक्‍पाने, काटीन्‍क्षे श्‍यी़री सुङगुर धाङ तो़याङ धाङ घुरलुक्‍या लेन।

१ तीमोथेउ 6:17

दे जीक्‍तेनगी क्षुक्‍पुक्‍याला ङागेल क्षे माझ्‍युङ धेनी तेन्‍पो मेगीन ग्‍युनोरला मेन्‍दा, होराङला कीदा झ्‍यीयेला घो़गीन घीरी मेछो़ली ॱनाङगीन, को़न्‍क्षोक खाला रेवा झ्‍यीयेला खुङक्‍याला का तेर।

फीलेमोन 1:4

ङी ॱमो़लामला ख्‍यो़ला ढेन्‍दी घाङला, ङा च्‍योई को़न्‍क्षोकला काटीन्‍क्षे श्‍यी़लीहो़क।

१ पेटो 5:1

ङाराङ क्षो़छोकगी गोठी च्‍यीक हीन्‍गीन झ्‍येरी, धेनी मास्‍यीकागी दुक्‍पु ङ्याङगीनगी पाङपो धाङ स्‍याम्‍ला ॱङो़न्‍ये हीन्‍गीन शीजेला मुला थेये हीन्‍गीन च्‍यीक झ्‍येरी, ङा खेक्‍या नाङने गोठीक्‍याला श्‍योवा पुलाहीन,

१ पेटो 5:10

धेनी खेक्‍याई धी़ तीते च्‍यीक दुक्‍पु ङ्याङगीन स्‍याम्‍ला, मास्‍यीकागी नाङ थामेपे शीजेला खेक्‍याला भो़ ॱनाङगीन धाङ थुक्‍जे क्षेन्‍बो को़न्‍क्षोकगीराङ, खेक्‍याला ॱलार सोये धाङ तेन्‍पो जेये धाङ तोपस्‍युक ॱनाङये धाङ यीच्‍चेगी ॱमाङस्‍यी तेन्‍पो जेगीलाक।