फीलीप्‍पीपा 4:17 - ॱलोवा

¹⁷ ङा खीकी ॱङेन्‍बागी रेवा झ्‍यीदामेन हीना खीकी तेरकीनगोला, झ्‍यीलाप माङा रास्‍योक ॱनेरी, ङा दो़दीहो़क।

फीलीप्‍पीपा 4:17 Cross References

योहान्‍ना 15:16

खेक्‍याई ङाला दाम्‍बामेन हीना ङी खेक्‍याला दाम्‍बाहीन। धेनी खेक्‍या सोरी ढेबु क्षाक्‍ये धाङ ढेबु दे ताक्‍दु ॱनेयेला, ङी खेक्‍याला को़वाहीन। होझ्‍येरी खेक्‍याई ङी मीङगी थोक्‍ने यापला घी श्‍यी़ना, खोङबागी खेक्‍याला ॱनाङगीलाक।

योहान्‍ना 15:8

खेक्‍याला ढेबु माङा क्षाक्‍ती, ङी ङेने हीन्‍गीनगो पाङपो झ्‍यीना, दी गोनेराङ ङी यापगी शीजे झ्‍युङगीलाक।

रोमापा 15:28

होझ्‍येरी दे लेगा दे शीम्‍दी, खुङक्‍याई क्षीदु धी़दा श्‍यान्‍देप दे लाक्‍पाला ची ग्‍याप सारती, ङा खेक्‍याचारु थुक्‍ती स्‍पेनला डोयेहीन।

२ कोरीन्‍थुपा 11:16

ङा याङदा ॱनाहीन, सी़या ङाला ॱलेन्‍दा ॱमाचीलास्‍योक। हीना खेक्‍याई ङाला हुरे सामी हो़ना, ङाः च्‍यीमे ङोम्‍सो झ्‍यीयेला, ङाला ॱलेन्‍दाराङ चीरी खेलेन झ्‍यी।

२ कोरीन्‍थुपा 9:5

होझ्‍येरी खेक्‍याई क्षो़ताम झ्‍येजा श्‍यान्‍देप एन्‍लाराङ, डाढीक झ्‍यीयेगी क्षीदु, ङाने एन्‍ला पी़नक्‍या खीकीचारु ताङ घोयेगो ङी साम्‍जुङ। धेनी दे नी खेक्‍याई हुदुक्‍ती मेन्‍दा, हीना खेरी दो़पागी डाढीक झ्‍येजा ॱङेन्‍बा झ्‍युङगीलाक।

फीलीप्‍पीपा 1:11

धेनी को़न्‍क्षोकगी शीजे धाङ तो़पागी क्षीदु, येशु मास्‍यीकागी थोक्‍ने थोप्‍कीन ढाङतेनगी ढेबुगी, खेक्‍या खाङास्‍योक।

फीलीप्‍पीपा 4:11

ङाला ॱमेछाङगीन झ्‍युरी, ङा देरे ॱनामेन घीझ्‍येरी ॱनाना ॱनेछु घारे हीन्‍ना, होदेला सेम्‍बा च्‍यो़री धेयेगो ङी ज्‍याङहो़क।

१ थेसालोनीकेपा 2:5

हेक्‍याई खेक्‍याला नामा गो कोरकीन लाबक्‍या ॱमाता, धेनी घीन्‍गी थोक्‍ने दो़ङाम माझ्‍ये ॱनेरी, खेक्‍या स्‍येलालाक। को़न्‍क्षोकराङ पाङपो हीन।

१ तीमोथेउ 3:3

धेनी क्षाङदुवा मेगीन, चुक्‍वा मेगीन हीना श्‍यीवा हो़गीन धेनी चो़पा मेग्‍याप्‍कीन धाङ ॱङुला ॱमेक्षाक्‍कीन हुङ घो़गुलाक।

१ तीमोथेउ 6:10

घीझ्‍येरी ॱनाना ॱङुला क्षाक्‍कीनगो ङेन्‍पा ॱनाछोक घीरीगी चावा लाक। ॱङुला दो़ङाम झ्‍यीगीन रीङगा, राङगी धेपा पारी राङगी सेम दुङागी काङदुक।

तीतोस 1:7

क्षो़छोकगी गोठीगो को़न्‍क्षोकगी श्‍याप्‍ची झ्‍येरी, क्‍यो़न मेगीन हुङ घोगीलाक। खो दो़पा क्षे धाङ ॱना तुङा धाङ क्षाङदुवा धाङ ठुक्‍चारा धाङ आलेला, मेढाङा हुङये मेतालाक।

तीतोस 3:14

ॱहाताक्‍पाला घो़गीनक्‍याला रोवा झ्‍यी थुक्‍येला, होरी मीक्‍या ले शाङा झ्‍यीयेला राङ-राङगी धी़चो़गो लाक्‍लेन झ्‍यी घो़गीलाक। धेनी खुङक्‍या फेन ॱमेथोक्‍कीन झ्‍युङगीमालाक।

ईब्‍रीपा 6:10

घीझ्‍येरी ॱनाना को़न्‍क्षोक नी, मेढाङा मेतालाक। खेक्‍याई झ्‍यीगीन ले शाङाक्‍या धाङ खेक्‍याई खोङबाला चेवा झ्‍यीगीन झ्‍येरी, एम्‍मा धाम्‍पे मीक्‍याला श्‍याप्‍तोक पुपा धाङ धेनी धान्‍दा झ्‍यीगीन देला को़न्‍क्षोकगी ज्‍येदा जेगीमालाक।

१ पेटो 5:2

खेक्‍यागी लेगेनला ॱनाङना को़न्‍क्षोकगी लुकख्‍युला छोक्‍योङ झ्‍यी, मीगी उजुक झ्‍येरी मेन्‍दा हीना को़न्‍क्षोकगी थुकोङला तेन्‍ती राङगी थेती झ्‍यी। धेनी ग्‍युनोरला ङोम्‍दी मेन्‍दा हीना श्‍याप्‍तोक पुयेला, दो़पा झ्‍येरी छोक्‍योङ झ्‍यी।

२ पेटो 2:15

खुङक्‍याई ढाङतेनगी लाम पारी, लाम नोरती बेओरगी भीजा बालामगी स्‍याबाला डाङ हो़तालाक। खो नी मेढाङा झ्‍येरी, थोप्‍कीन ॱलाज्‍याला घालालाक।

२ पेटो 2:3

धेनी खुङक्‍याई ॱहाम्‍बा झ्‍येरी, खेक्‍याला शोक्‍पो तामक्‍या चोम्‍दी गोकोर ताङगीलाक। खुङक्‍याला फोक्‍ये हीन्‍गीन ठीमगो, एम्‍माने थाक्‍चो़सा हो़तालाक धेनी खुङक्‍याला मेताला ताङगीनगो, ॱङीला ॱमास्‍योर हो़तालाक।

युदा 1:11

देक्‍या ॱङ्यावाली! घीझ्‍येरी ॱनाना खुङक्‍या कायीनगी लामला डाङालाक धेनी ग्‍युनोर थोप्‍ये क्षीला, बालामगी नोन्‍डुला छी़दालाक। धेनी कोरागी ङोलोकला च्‍योक्‍रे, मेताला डुगीलाक।