फीलीप्‍पीपा 4:12 - ॱलोवा

¹² ॱमेछाङगीन झ्‍युङगीन धाङ मेछो़ली झ्‍युङगीनगो घारे हुङालाक ॱनेरी, ङाला स्‍येयेहो़क। धेनी ढागीन हो़ना याङना तोक्‍ना धेनी मेछो़ली याङना ॱमेछाङगीनला छोवा क्‍याना, देरे ॱनेछु घारे हीन्‍ना याङना घीरीला सेम्‍बा च्‍यो़येगी साङवागो, ङी ज्‍याङहो़क।

फीलीप्‍पीपा 4:12 Cross References

मेथा 11:29

ङी ॱङ्यास्‍यीङ खुर धेनी ङाने झ्‍योङ घीझ्‍येरी ॱनाना ङा सेमला शाङा धाङ ॱङ्यामच्‍युङ हो़क धेनी खेक्‍याई सेमक्‍याला ङासु थोप्‍कीलाक।

मेथा 13:52

धेनी खोङबागी खुङक्‍याला सुवालाक, “होझ्‍येरी नाम्‍खे ग्‍यासीगी क्षीला ॱलापच्‍या राक्‍कीन, क्षो़ठीमगी ॱलोपो़न घीरी नाङ च्‍यीकगी पो़न्‍पो च्‍योक्‍रे लाक। खी़ खोरी तेरने साबा धाङ ॱङीङबा नोरक्‍या तो़न्‍दालाक।”

२ कोरीन्‍थुपा 10:1

धा ङा पाउलु ङाराङ मास्‍यीकागी ॱङ्यामच्‍युङ धाङ झामगी गोने, खेक्‍याला श्‍योवा पुलाहीन। खेक्‍याई दोङदु ङा ॱङ्यामच्‍युङ धाङ खेक्‍याने थाक्‍रीङा हो़ताराङ ॱलोगोक क्षे हो़क।

२ कोरीन्‍थुपा 10:10

घीझ्‍येरी ॱनाना “खी़ यीकक्‍या ॱमीच्‍यीकी चुवा धाङ स्‍युक्‍क्षे दुक हीना ङो ठेदाराङ खो क्‍योवा दुक धेनी खी़ लाबक्‍या क्षोमेगीन दुक” ॱनेरी रीङगागी ॱनी।

२ कोरीन्‍थुपा 11:27

धेनी ङी काल्‍ले धाङ दुक्‍पु ङ्यावी धेनी थेङ माङा ॱङी मेता धेवी, धेनी ङा तोक्‍ती धाङ कोम्‍दी थेङ माङा शाये मेताला लेजुङ। धेनी ङा ढाङमो धाङ घोलाक घो़न्‍ये मेता लेजुङ।

२ कोरीन्‍थुपा 11:7

ङी राङला ॱमावा शो़री खेक्‍याला याला क्‍याक्‍येला, को़न्‍क्षोकगी ताम्‍शाङ रीङ मेलेन्‍दा स्‍येदी, ङी धीक्‍पा झ्‍येवालाक से?

२ कोरीन्‍थुपा 11:9

ङा खेक्‍यामुला हो़ती घाङला, ङाला खो़चे रे घो़ली घाङला, ङा सी़ क्षीदुवाः घाक्‍वा माझ्‍यु घीझ्‍येरी ॱनाना माकेडोनीयाने होवा पी़नक्‍याई ङाला घो़गीनगो तेरजुङ। होझ्‍येरी घीन्‍गी थोक्‍ने हीन्‍ना, खेक्‍याला काल्‍ले मेशोयेगी क्षीदु, ङी राङला काक्‍पी धेनी माउपारला काक्‍येहीन।