फीलीप्‍पीपा 3:3 - ॱलोवा

³ घीझ्‍येरी ॱनाना को़न्‍क्षोकला थुक्‍ङीने ॱङीङकुर झ्‍यीगीन धाङ मास्‍यीका येशुगी नाङ, ङोम्‍सो झ्‍यीगीन धेनी ली़ला क्षा मेश्‍याक्‍कीन होराङक्‍याराङ, धेन्‍पा पाउ चेगीनक्‍या लाक।

फीलीप्‍पीपा 3:3 Cross References

रोमापा 1:9

धेनी ङी सेम तीङने, को़न्‍क्षोकगी सेगी ताम्‍शाङ सेटाक झ्‍यीदीहो़क धेनी खोङ को़न्‍क्षोकराङ, ङी खेक्‍याई कोरला ॱमेक्षेदा च्‍योई ॱमो़लाम ग्‍याप्‍कीनगी पाङपो लाक। ङी ॱमो़लामला, को़न्‍क्षोकगी थुकोङ थोक्‍ने झ्‍युङ थुक्‍ये हीन्‍ना, थामाला ङा खीकीचारु हुङये रास्‍योक ॱनेरी श्‍यी़लीहो़क।

रोमापा 15:17

होझ्‍येरी को़न्‍क्षोकगी क्षीदु ङी श्‍याप्‍ची श्‍युगीनगोला, ङा मास्‍यीका येशुगी नाङ ङोम्‍सो झ्‍यीयेगी दो़न हो़क।

रोमापा 7:6

हीना धान्‍दा होराङ क्षो़ठीमने थार हो़तालाक घीझ्‍येरी ॱनाना होराङ क्षो़ठीमगी थोक्‍ने स्‍यीवालाक धेनी धा होदेगी वाङ होकला मेतालाक। धा होराङ ॱरो ॱङीङबा च्‍योक्‍रे क्षो़ठीमगी छीकला चीरी मेन्‍दा, हीना ॱरो साबा च्‍योक्‍रे थुक्‍ङीगी थोक्‍ने छोवा क्‍यारी, को़न्‍क्षोकला श्‍याप्‍ची श्‍यु थुक्‍कीलाक।

रोमापा 8:15

याङ जीक्‍नाङगी नाङ छी़येला, खेक्‍याला ढेन्‍योकगी सेम थोप्‍पा मालाक हीना खेक्‍याला को़न्‍क्षोकगी से धाङ सेमो झ्‍युङयेगी थुक्‍ङी थोप हो़तालाक। धेनी खोङगी थोक्‍ने होराङ “आब्‍बा, याप।” ॱनेरी भो़ली घाङला,

रोमापा 9:6

हीना को़न्‍क्षोकगी धाम्‍चा जेजागो माडुप्‍कीन मालाक। घीझ्‍येरी ॱनाना ईस्‍राएलने केक्‍या घीरी को़न्‍क्षोकगी मी मालाक।

२ कोरीन्‍थुपा 11:18

मी माङक्षेगी जीक्‍तेनगी लुक्‍सो़ला तेन्‍ती राङतो़ झ्‍यीगीन झ्‍येरी, ङाः राङतो़ झ्‍यीयेहीन।

गालातीयापा 5:25

धा होराङ धाम्‍पे थुक्‍ङी थोक्‍ने मीछे क्‍याना, धाम्‍पे थुक्‍ङीला थी़न्‍दी डो घो़गुलाक।

गालातीयापा 6:16

धा दे ठीमला चीरी ग्‍युक्‍कीन घीरी धाङ को़न्‍क्षोकगी मीरीक ईस्‍राएलला श्‍यीदे धाङ ॱङीङजे भापास्‍योक।

एफीसुपा 6:18

धेनी धाम्‍पे थुक्‍ङीला तेन्‍ती धी़ ताक्‍दु ॱमो़लाम धाङ रेभो़ श्‍यी़। दो़न दे सेमला शीम्‍दी थाङ ॱमेक्षेदा शाप-शाप झ्‍येरी, धाम्‍पे मी घीरीगी क्षीदु ॱमो़लाम श्‍यी़।

फीलीप्‍पीपा 1:1

मास्‍यीका येशुगी ढेन्‍योक, पाउलु धाङ तीमोथेउने फीलीप्‍पीरु हो़गीन, मास्‍यीका येशुगी नाङ धाम्‍पे मीक्‍या धाङ क्षो़छोकगी तातोक्‍पाक्‍या धाङ श्‍याप्‍तोक्‍पाक्‍यामुला घीरीला,

फीलीप्‍पीपा 3:12

ङी दे घीरी एन्‍दुरु थोप्‍साहो़क याङना ङा याङदाक्‍पा झ्‍युसाहो़क ॱनेरी, ॱनामेन हीना दो़न घीन्‍गी क्षीला मास्‍यीकागी ङाला शीमा जेपाले, होदे शीम्‍येला राङ ङा काल्‍ले ग्‍याप्‍ती डी़हो़क।

फीलीप्‍पीपा 3:14

मास्‍यीका येशुगी नाङ को़न्‍क्षोकगी नाम्‍खे श्‍यीङखामने, भो़पा ज्‍यागा थोप्‍येगी क्षीला, ङा ॱमीक्‍यु देला स्‍युक ग्‍याप्‍ती डी़हो़क।

कोलोसेपा 2:11

मास्‍यीकागी नाङ खेक्‍यागीयाः पाउ चेबालाक। दे नी, मी लाक्‍पी झ्‍येजा पाउ चेगीन ॱरो मालाक हीना खेरी स्‍यारी़गी दो़क्षाकक्‍या मास्‍यीकागी सेदी, खेक्‍याई पाउ चेबालाक।

युदा 1:20

हीना चेवे पी़नक्‍याओ, खेक्‍यागो राङगी ॱमीच्‍यीकी धाम्‍पे धेपाला यारके तारी सोङ धेनी धाम्‍पे थुक्‍ङीगी गोने ॱमो़लाम ग्‍योप।