फीलीप्‍पीपा 3:15 - ॱलोवा

¹⁵ धा होराङ सेम्‍ङीने ॱनाटो ॱङेङ्याक्‍याई सेम्‍बा च्‍यीक झ्‍युङु। धेनी दो़न रीङगाला खेक्‍याई साम्‍लो श्‍येम्‍मा हो़ना, को़न्‍क्षोकगी होदेगोवाः खेक्‍याला सावो तो़न जेगीलाक।

फीलीप्‍पीपा 3:15 Cross References

मेथा 5:48

होझ्‍येरी नाम्‍खे श्‍यीङखामदु श्‍युक्‍कीन, ख्‍यी़ याप फी़न्‍सुम छोक्‍पा हो़गीन च्‍योक्‍रे, ख्‍यो़याः फी़न्‍सुम छोक्‍पा झ्‍युङघोगुलाक।”

लुका 11:13

धा खेक्‍या ङेन्‍पा झ्‍येरीयाः, खेरी टुवाक्‍याला ॱङेन्‍बा शाङा तेरा स्‍येना, धा नाम्‍खे श्‍यीङखामदु श्‍युक्‍कीन खीकी यापगी खोङबाला श्‍युगीनक्‍याला, घाजो़ माङा धाम्‍पे थुक्‍ङी ॱनाङी हेटु।”

योहान्‍ना 6:45

‘खुङक्‍या घीरीला को़न्‍क्षोकगी ॱलावा जेगीलाक’ ॱनेरी, ॱङो़नस्‍येखेनक्‍याई ढीक हो़तालाक। यापगी का ङेन्‍गीन धाङ ज्‍याङगीन घीरी ङी डुङदु हुङालाक।

योहान्‍ना 7:17

को़न्‍क्षोकगी थुकोङ डुप्‍तु च्‍युक्‍ङी दो़गीनक्‍याई, दे क्षो़ दे को़न्‍क्षोकने झ्‍युङाले याङना ङी थोक्‍ने ले ॱनेरी स्‍येगीलाक।

रोमापा 15:1

होराङ धेपाला तेन्‍पो हो़गीनक्‍याई, धेपाला क्‍योवा हो़गीनक्‍याई थापक्‍योवागोला शो़पा झ्‍यी घोवालाक। होराङ राङला च्‍यीगा ङ्यामो घारु च्‍युक्‍ये मालाक।

१ कोरीन्‍थुपा 14:20

पी़नक्‍याओ, साम्‍लो ताङदाङला टुवा च्‍योक्‍रे माझ्‍युङ। ङेन्‍पे क्षीदु टुवा च्‍योक्‍रे झ्‍युङ हीना साम्‍लो ताङदाङला मी क्षे च्‍योक्‍रे झ्‍युङ।

१ कोरीन्‍थुपा 2:6

धा धेपा तेन्‍पो हो़गीनक्‍याई घुङदु हेक्‍या स्‍येरापगी तामक्‍या स्‍येदाहीन हीना स्‍येराप दे नी, दे धी़राप याङना मेताला डोये हीन्‍गीन, दे धी़रापगी वाङ झ्‍यीगीनक्‍याई स्‍येराप मालाक।

गालातीयापा 5:10

खेक्‍या ङी तावाला माना श्‍येम्‍मा खेलेन्‍गीमालाक ॱनेरी, ङा चोवोला ॱलो कालाहीन। खेक्‍याला टुक्‍कीनगो सु हीन्‍ना, होदेला छेपा फोक्‍कीलाक।

एफीसुपा 1:17

धेनी होरी चोवो येशु मास्‍यीकागी को़न्‍क्षोक, शीजेक्षे यापगी राङगी कोरला, खेक्‍याई घीरी ॱहाघोरयेगी क्षीला, सेम्‍ङीगी स्‍येराप धाङ साल्‍तो़न ॱनाङास्‍योक, ॱनेरी ङा ॱमो़लाम श्‍यी़हो़क।

कोलोसेपा 1:28

होझ्‍येरी खोङबाला हेक्‍या सेटाक झ्‍यीदाहीन। धेनी मी घीरीला मास्‍यीकागी नाङ तेन्‍पो शोयेला, हेक्‍या घीरीला ङेन्‍ता तारी, स्‍येराप घीरीने ॱलापच्‍या ॱलावीहो़क।

कोलोसेपा 4:12

खेक्‍याने च्‍यीक हीन्‍गीन धेनी मास्‍यीका येशुगी श्‍याप्‍ची एपाब्‍रागी, खेक्‍याला छाम्‍डी श्‍यी़क। धेनी खेक्‍या को़न्‍क्षोकगी थुकोङ घीरीला, ॱनाटो ॱङ्येङ्या धाङ छाङवा झ्‍युङवास्‍योक ॱनेरी, खो खीकी क्षीला च्‍योई ची़न्‍डी़ झ्‍येरी ॱमो़लाम ग्‍यावी।

१ थेसालोनीकेपा 4:9

धा पी़न्‍दा च्‍यीकगी च्‍यीकला झाम्‍पा झ्‍यीयेगी कोरला, सी़याः खेक्‍याला ढीक घोगुमालाक घीझ्‍येरी ॱनाना च्‍यीकगी च्‍यीकला झाम्‍पा झ्‍यीयेला को़न्‍क्षोकगी ॱलाप ॱनावालाक।

२ तीमोथेउ 3:17

होझ्‍येरी को़न्‍क्षोकगी मीक्‍या ले शाङा घीरीला, जो़न्‍पो धाङ छाङगीन झ्‍युङगीलाक।

ईब्‍रीपा 5:14

हीना शामा दोक-दोक नी, मी ॱनाटो ॱङ्येङ्याक्‍याई क्षीदु लाक। खुङक्‍याई च्‍योई लाक्‍लेन झ्‍यीगीनगी गोने, शाङा धाङ ङेन्‍पागी ॱयेवा झ्‍यीयेला खेवा झ्‍यु हो़तालाक।

१ योहान्‍ना 2:5

हीना खोङबागी का ॱरुङगीनगी़ नाङ, को़न्‍क्षोकगी झाम्‍पा ॱङोन्‍नेगी फी़न्‍सुम छोक्‍पा हुङालाक। देनेराङ होराङ खोङगी नाङ ॱने हो़गीनगो, होरी ॱहाघोरालाक।