फीलीप्‍पीपा 3:14 - ॱलोवा

¹⁴ मास्‍यीका येशुगी नाङ को़न्‍क्षोकगी नाम्‍खे श्‍यीङखामने, भो़पा ज्‍यागा थोप्‍येगी क्षीला, ङा ॱमीक्‍यु देला स्‍युक ग्‍याप्‍ती डी़हो़क।

फीलीप्‍पीपा 3:14 Cross References

लुका 16:16

क्षो़ठीम धाङ ॱङो़नस्‍येखेनक्‍या योहान्‍नागी धी़ थुक्‍पे च्‍यीगा सेटाक झ्‍येवालाक। धेनी होदे धी़चो़ने, को़न्‍क्षोकगी ग्‍यासीगी ताम्‍शाङगो सेटाक झ्‍ये हो़तालाक। धेनी मी घीरी होदे नाङदु जुयेला छाङगा ग्‍यालाक।

रोमापा 11:29

घीझ्‍येरी ॱनाना को़न्‍क्षोकगी ॱनाङज्‍यीन धाङ भो़ जेगीनला ग्‍युरये मेतालाक।

१ कोरीन्‍थुपा 9:24

भाङ ताङगीन ढेन्‍दुरला, भाङ ताङगीन घीरी भाङ ताङालाक हीना ज्‍यागागो च्‍यीकला च्‍यीगा थोबालाक ॱनेरी, खेक्‍याला स्‍येये मेते? होझ्‍येरी ज्‍यागा थोप्‍येगी क्षीदु भाङ तोङ।

२ कोरीन्‍थुपा 4:17

घीझ्‍येरी ॱनाना युन तुङागी दुक्‍पो याङा दी, हेक्‍याई क्षीदु दुरये मेगीन, थामेपे शीजेगो डाढीक झ्‍यीदी हो़तालाक।

फीलीप्‍पीपा 3:3

घीझ्‍येरी ॱनाना को़न्‍क्षोकला थुक्‍ङीने ॱङीङकुर झ्‍यीगीन धाङ मास्‍यीका येशुगी नाङ, ङोम्‍सो झ्‍यीगीन धेनी ली़ला क्षा मेश्‍याक्‍कीन होराङक्‍याराङ, धेन्‍पा पाउ चेगीनक्‍या लाक।

कोलोसेपा 2:18

धेनी मी सी़या खेक्‍याला ॱङ्यामच्‍युङ झ्‍युङये धाङ नाम्‍खे भाङछेनला क्षाक्‍क्षो़पा पुयेला उजुक ग्‍याप्‍ती, खीकी ज्‍यागा ठोक्‍तु ॱमाच्‍युक। देरे मीक्‍या राङगी थोङनाङगी कोरला, लाब ॱना माङा ताङालाक धेनी राङगी जीक्‍तेनगी साम्‍लो ताङदाङला, खुङक्‍या दो़न्‍मेदु ङागेलगी खाङालाक।

२ तीमोथेउ 1:9

खोङबागी होराङला थारपा जेदी धेनी धाम्‍पा झ्‍युङयेला होरी लेगागी मेन्‍दा, खोङबाराङगी थुकोङ धाङ थुक्‍जेगी थोक्‍ने होराङला भो़ जेपालाक। थुक्‍जे दे नी एम्‍मा कावा ॱमाचुक एन्‍लाराङ, मास्‍यीका येशुगी गोने होराङला ॱनावालाक।

ईब्‍रीपा 3:1

होझ्‍येरी नाम्‍खे श्‍यीङखामदु मुला भो़पा धाम्‍पे पी़नक्‍याओ, होरी खेलेन्‍ला कुछाप धाङ चो क्षो़पो़न येशुगी कोरला साम्‍लो तोङ।

ईब्‍रीपा 6:1

होझ्‍येरी होराङ मास्‍यीकागी ॱमाङस्‍यीगी ॱलापच्‍याक्‍याला, धाब्‍ले कुल्‍ले ज्‍याङयेला छाम श्‍याक्‍ती हीना ॱलापच्‍या तीङरीङाक्‍या ज्‍याङये स्‍योकला डोउ। छीवाला ठीक्‍कीन लेगाक्‍याला ग्‍यो़पा झ्‍यीये धाङ को़न्‍क्षोकला धेपा झ्‍यीये च्‍योक्‍रे, ॱलापच्‍याक्‍याई ॱमाङस्‍यीगो होराङ धाब्‍ले तीङ घोये मेतालाक।

१ पेटो 1:13

होझ्‍येरी खेक्‍या राङगी सेम डाढीक झ्‍यी धेनी चाङजे झ्‍येरी धो़क। धेनी येशु मास्‍यीका ॱङो़न्‍दी घाङला, खेक्‍याला ॱनाङये हीन्‍गीन थुक्‍जे गोला रेवा छाङगो झ्‍येरी धो़क।

१ पेटो 5:10

धेनी खेक्‍याई धी़ तीते च्‍यीक दुक्‍पु ङ्याङगीन स्‍याम्‍ला, मास्‍यीकागी नाङ थामेपे शीजेला खेक्‍याला भो़ ॱनाङगीन धाङ थुक्‍जे क्षेन्‍बो को़न्‍क्षोकगीराङ, खेक्‍याला ॱलार सोये धाङ तेन्‍पो जेये धाङ तोपस्‍युक ॱनाङये धाङ यीच्‍चेगी ॱमाङस्‍यी तेन्‍पो जेगीलाक।

२ पेटो 1:3

को़न्‍क्षोकगी राङगी नी़थुगी गोने, मीछे धाङ क्षो़सेमगी क्षीला घो़गीन घीरी, खोङगी होराङला ॱनाङ हो़तालाक। दे नी, खोङबा राङगी शीजे धाङ थुक शाङपोगी गोने होराङला भो़ जेगीन, खोङबाला होरी ङोस्‍येस्‍या झ्‍येरी दे घीरी थोप्‍पालाक।

ॱङो़न्‍पा 3:21

धेनी सु ग्‍याली, होदेगोला ङाराङाः ग्‍यारी ङी यापगी श्‍युक्‍ठीला धेगीन च्‍योक्‍रे, होदेला ङी श्‍युक्‍ठीरु ङीमुला धेयेगी आङजा तेरयेहीन।