फीलीप्‍पीपा 3:11 - ॱलोवा

¹¹ धेनी घाने ॱहाला झ्‍युङ थुप्‍ये हो़ना, ङा छीवाने ॱलार सो़न्‍पो लाङ थुक्‍वास्‍योक ॱनेरी रेवा हो़क।

फीलीप्‍पीपा 3:11 Cross References

लुका 14:14

धेनी ख्‍यो़ला झ्‍यीलाप थोप्‍कीलाक घीझ्‍येरी ॱनाना खुङक्‍याई ख्‍यी़ छापगो ॱलोक ॱमीथुक्‍कीलाक। हीना ढाङतेनक्‍या कुसो़न्‍पो जेयेगी धी़ला, ख्‍यो़ला होदेगी ढेबुगो थोप्‍कीलाक।”

योहान्‍ना 11:24

मारथागी खोङबाला श्‍यी़वालाक, “थागी ङीनला स्‍यीम्‍पो घीरी सो़न्‍पो ॱलाङी घाङला, खो याङ ॱलार सो़न्‍पो लाङगीलाक ॱनेरी ङी स्‍येलीहो़क।”

जेपा 23:6

धा पाउलुगी होदुरु हो़गीन रीङगा, सादुकीपा धाङ रीङगा फारुसीपा हीन्‍गीनगो ॱहाघोरती केक क्षेला ॱनेवालाक, “पी़नक्‍याओ, ङा फारुसीपा हीन, फारुसीपागी भीजा हीन। ङी रेवागो छीवाने सो़न्‍पो लाङगीन लाबला झ्‍येरी, ङा दुरु ठीम पुयेला लाङाहीन।”

जेपा 26:7

होदे धाम्‍चा राक्‍येगी रेवा झ्‍येरी, होरी मीरीक च्‍युङङीक्‍याई ङीन-छेन को़न्‍क्षोकला क्षाक्‍क्षो़पा पुरी धेपालाक। ग्‍यावु आगारीपा, होदे रेवा देगी झ्‍येरी याहुदापाक्‍याई ङाला क्‍यो़न तो़न्‍दालाक।

जेपा 27:12

धेनी होदे डुखाङ तेन्‍पोला घुङगा धे थुक्‍ये मेगीन झ्‍युरी, माङक्षेगी होदेने फोनीक्‍स ग्‍याजाला डोना घागुलाक ॱनेरी साम्‍लो तावालाक। होदे ग्‍याजा दे ल्‍हो-नुप धाङ झाङ-नुप स्‍योकला, खा लोक्‍ला केरेटगी डुखाङ च्‍यीक लाक।

रोमापा 11:14

देरे झ्‍यीगीनगी ङी रेवा नी, ङाराङगी याहुदापा मीरीकक्‍याला ठादोक लाङदु च्‍युक्‍ये धाङ खुङक्‍याने रीङगाला क्‍योप थुक्‍ये लाक।

१ कोरीन्‍थुपा 15:23

हीना दे नी रेमीला झ्‍युङगीलाक, ढेबु धाङपोगो मास्‍यीका लाक धेनी मास्‍यीका धाब्‍ले फेई घाङला, खोङगी हीन्‍गीनक्‍या छीवाने सो़न्‍गीलाक।

१ कोरीन्‍थुपा 9:22

धेपाला क्‍योवा हो़गीनक्‍याई सेम क्‍योप्‍येगी क्षीदु ङा धेपाला क्‍योवा हो़गीनक्‍यामुला, धेपाला क्‍योवा च्‍योक्‍रे झ्‍युवी। थापस्‍यी घीरीगी थोक्‍ने, मी रीङगागी सेम क्‍योप्‍येगी क्षीदु ङा मी घीरी क्षीदु दे घीरी झ्‍युवी।

१ कोरीन्‍थुपा 9:27

हीना मी श्‍येम्‍माक्‍याला ताम्‍शाङ स्‍येछारती, ङा ङाराङगी ज्‍यागागो मेस्‍योरयेगी क्षीदु, ङा ङारी ली़ला छो़ शीम्‍दी, वाङ होकदु धी़लीहो़क।

२ कोरीन्‍थुपा 11:3

हीना डुगी राङगी च्‍याङग्‍यु थोक्‍ने हाव्‍वाला ॱली़गीन च्‍योक्‍रे, मास्‍यीकागी क्षीदु खेक्‍याई सेम ढाङपो धाङ चाङमे थोक्‍ने दाम्‍छीक हो़गीनगोने, खेक्‍याई साम्‍लोक्‍या ॱली़टोङ ॱनेरी, ङा जीई।

१ थेसालोनीकेपा 3:5

ॱली़गीनगी खेक्‍याला गोवा कोरती, हीकी काल्‍लेगो दो़न्‍दाक मेगीन लाहुङ साम्‍दी, खेक्‍याई धेपागी कोरला स्‍येयेला घुक ॱमाथुक्‍पा, तीमोथेउला ङी झावी।

२ थेसालोनीकेपा 2:3

सी़ च्‍यीया खेक्‍याला घी थोक्‍ने, गो कोरतु ॱमाच्‍युक घीझ्‍येरी ॱनाना धाङपो ङोलोक झ्‍यीगीन धाङ ठीमने डागीन तोरक्‍यो़नगी, मी ॱमातो़न्‍गीन थुक्‍पे, होदे ङीमा दे हुङगीमालाक।

२ तीमोथेउ 4:8

धा देने ॱहाला ङी क्षीला ढाङतेनगी उगेन श्‍याक हो़तालाक धेनी होदे ढाङतेनगी ठीम्‍पो़न, चोवोगी होदे ङीमागोला ङाला ॱनाङगीलाक धेनी ङाला च्‍यीका मेन्‍दा, खोङबागी धाब्‍ले फेप्‍सुला घागीन घीरीला ॱनाङगीलाक।

ईब्‍रीपा 11:35

भोमोक्‍याला राङगी नाङमी स्‍यीस्‍याक्‍या, छीवाने सो़न्‍पो झ्‍युरी थोप्‍पालाक। धेनी श्‍येम्‍माक्‍याई छीवाने ॱलार सो़न्‍दी, छे देने ल्‍हाक शाङा छे थोप्‍येगी क्षीदु, राङवाङगो खेमेलेन्‍दा दुक्‍पुगो ङ्याङवालाक।

ॱङो़न्‍पा 20:5

धेनी श्‍येम्‍मा स्‍यीस्‍याक्‍या लो च्‍यीक तोङगो माजोक्‍कीन थुक्‍पे, सो़न्‍पो माझ्‍युवालाक। दे नी, ॱलार सो़न्‍पो झ्‍युङगीन धाङपोगो लाक।