फीलीप्‍पीपा 2:30 - ॱलोवा

³⁰ घीझ्‍येरी ॱनाना मास्‍यीकागी लेगागी दो़नला, खो स्‍यीलाक झ्‍येवालाक। खीकी छापला ङाला श्‍याप्‍ची श्‍युयेगी क्षीदु, खी़ खोरी मीछेराङ ङेन्‍काला ताजुङ।

फीलीप्‍पीपा 2:30 Cross References

जेपा 20:24

हीना को़न्‍क्षोकगी थुक्‍जेगी कोरला ताम्‍शाङगो स्‍येगीन, चोवो येशुने ङाला थोप्‍था लेगा दे माडुप्‍कीन थुक्‍पे, ङा ङारी मीछे देगी दो़न घीन्‍दा ॱमीची हो़क।

रोमापा 16:4

खुङक्‍याई ङी क्षीदु राङगी मीछेराङ, ङेन्‍का क्षेला च्‍युक्‍पालाक। धेनी खुङक्‍याला ङा च्‍यीगा मेन्‍दा हीना याहुदापा मेन्‍गीन, क्षो़छोक हो़लेगीयाः काटीन क्षे श्‍युलालाक।

१ कोरीन्‍थुपा 15:53

घीझ्‍येरी ॱनाना मेताला डोगीनगी, मेताला मेडोगीन ली़ला धेनी छीवाला डोये हीन्‍गीन ली़गी, छीवा मेगीन ली़ला ग्‍युर घोगीलाक।

१ कोरीन्‍थुपा 16:10

धा तीमोथेउ खीकीचारु हुङाराङ, खेक्‍याई खोला जीक्‍नाङ घीया मीझ्‍युङा धेदु च्‍युक घीझ्‍येरी ॱनाना खोवाः ङा च्‍योक्‍रे चोवोगी लेगा झ्‍यीदालाक।

१ कोरीन्‍थुपा 16:17

सेतेफान धाङ फोरतोनातो धाङ आकायाकु ॱलेप्‍ती, ङा ॱमीच्‍यीकी ङ्यामो ग्‍येजुङ घीझ्‍येरी ॱनाना खेक्‍या मेती घाङला, खुङक्‍याई ङाला रोवा झ्‍येजुङ।

२ कोरीन्‍थुपा 12:15

धेनी ङा खेक्‍याई क्षीदु घाटोगी गोने ङाला हो़गीन घीरी धाङ ङा राङ-राङला पुयेहीन। ङी खेक्‍याला चेवा माङा झ्‍यीना, ङाला चेवा ङ्युङा थोप्‍कुलाक से?

२ कोरीन्‍थुपा 4:12

होझ्‍येरी छीवागी हीकी मीछेला लेगा झ्‍यीदालाक हीना छे नी, खेक्‍याई मीछेला लेगा झ्‍यीदालाक।

फीलीप्‍पीपा 2:17

हीना खेक्‍याई धेपागी क्षो़पा धाङ ॱङीङकुर डुप्‍येगी क्षीला, ङी ठाक नी सेरकेम च्‍योक्‍रे फी़ घोये हीन्‍ना, ङा ङ्यामो घी धेनी खेक्‍या घीरीमुला घाटो झ्‍यीयेहीन।

फीलीप्‍पीपा 2:27

ॱङोन्‍नेराङ खो नेरी स्‍यीगु झ्‍येवालाक। हीना को़न्‍क्षोकगी खोला थुक्‍जे शीया जेपालाक। खोला च्‍यीगा मालाक हीना ङाला दुङागी खाला दुङा ॱमाफारास्‍योक ॱनेरी, ङाला थुक्‍जे शीक्‍जुङ।

फीलीप्‍पीपा 4:10

धान्‍दा युन्‍रीङा च्‍यीक स्‍याम्‍ने, खेक्‍याई ङी कोरला सेम्‍डा याङदी झ्‍यीगीनगोला, ङा चोवोगी नाङ ॱमीच्‍यीकी ङ्यामो घी हो़क। खेक्‍या ङी क्षीला, ॱङोन्‍नेगी सेम्‍डा झ्‍यीदालाक हीना खेक्‍याला घुकाप माजोरपालाक।

फीलीप्‍पीपा 4:18

ङाला थोप घोगीनने माङा घीरी थोप्‍हो़क। धेनी ईपाप्‍रोदीतोने खेक्‍याई कुरका ॱङेन्‍बागो थोप्‍ती, धा धान्‍दा ङाला घीरी छाङगीन हो़क। धेनी होदे ॱङेन्‍बा नी, ढीस्‍यीमगी क्षो़पा च्‍योक्‍रे को़न्‍क्षोकगी डुङदु थुक्‍ङेउ धाङ थुक ॱनुमा जे थुक्‍कीन दुक।

फीलेमोन 1:13

ङा ताम्‍शाङगी केनगी चो़न्‍खाङदु हो़धी़, ख्‍यी़ छापला खी़ ङाला श्‍याप्‍ची श्‍यी़येला, ङी खोला ङाराङमुला श्‍याक्‍येगी दो़पा हो़क।

ॱङो़न्‍पा 12:11

होरी पी़नक्‍याई लुक्‍टुगी ठाक धाङ, राङगी धेन्‍पाङगी छीकगी झ्‍येरी, होदे क्‍यो़न चुक्‍कीनगी खाला ग्‍यावालाक। धेनी छीवागी खा थुक्‍पे ॱलेप्‍घोना, खुङक्‍याई राङगी ॱरोकला ॱमातेवालाक।