फीलीप्‍पीपा 2:29 - ॱलोवा

²⁹ होझ्‍येरी चोवोगी नाङदु घाटोगी थोक्‍ने, खोला फेप्‍सु श्‍यी़ धेनी खो च्‍योक्‍रे मीक्‍याला चीकुर झ्‍यी।

फीलीप्‍पीपा 2:29 Cross References

लुका 9:5

धेनी खेक्‍याला यु घारु खेमेलेन्‍दी, होदे युने थो़न्‍दी डी़ घाङला खुङक्‍याला पाङपो हुङयेगी क्षीदु खीकी काङबी थालागो ॱरुक।”

योहान्‍ना 13:20

ङा खेक्‍याला धेन्‍पा धेनक्‍याङ ॱनाहीन, ङी झाङगीनगोला खेलेन झ्‍यीगीनगी़ ङाला खेलेन झ्‍यीदालाक धेनी ङाला खेलेन झ्‍यीगीनगी़ ङाला ॱङाक्‍कीनगोला खेलेन झ्‍यीदालाक।”

जेपा 2:46

धेनी ङीमा च्‍योई खुङक्‍या क्षो़खाङदु जोमालाक। धेनी नाङ-नाङदु जोम्‍दी, ङ्यामो घेरी क्षाबोमा झ्‍येरी शामा शालाक।

जेपा 28:10

होदे मीक्‍याई हेक्‍याला घुस्‍याप झ्‍येरी धेनी हेक्‍या डी़ घाङला, हीकी डुला घो़गीन घीरी तेरसुङ।

जेपा 8:8

होझ्‍येरी होदे ग्‍याजारु ॱमीच्‍यीकी घाटो क्षे झ्‍युवालाक।

रोमापा 10:15

धेनी का सेटाक झ्‍यीगीनक्‍याला माझावाला, घाङगी झ्‍येरी का स्‍येगुलाक से? सुङरापला देरे ढीक हो़तालाक, “ताम्‍शाङ सेटाक झ्‍यीगीनक्‍याई काङबा घीन्‍गी जेवाले!”

रोमापा 16:2

को़न्‍क्षोकगी मीक्‍याला थी़न्‍गीन च्‍योक्‍रे, मोला चोवोगी नाङ खेलेन झ्‍यी धेनी मोला घो़गीन घी हो़ना होदेला रोक्‍राम झ्‍यी ॱनेरी, ङा खेक्‍याला श्‍योवा पुलाहीन घीझ्‍येरी ॱनाना मी़ मी माङा धाङ ङालाः रोक्‍राम झ्‍येवालाक।

१ कोरीन्‍थुपा 16:10

धा तीमोथेउ खीकीचारु हुङाराङ, खेक्‍याई खोला जीक्‍नाङ घीया मीझ्‍युङा धेदु च्‍युक घीझ्‍येरी ॱनाना खोवाः ङा च्‍योक्‍रे चोवोगी लेगा झ्‍यीदालाक।

१ कोरीन्‍थुपा 16:18

धेनी खुङक्‍याई खेक्‍याला सेम्‍सो पारकीन च्‍योक्‍रे, ङाला सेम्‍सो पारजुङ। होझ्‍येरी देरे मीक्‍याला चीकुर झ्‍यी।

२ कोरीन्‍थुपा 10:18

घीझ्‍येरी ॱनाना राङगी तो़टा राङ झ्‍यीगीनला, चोवोगी खेलेन मेजेदालाक हीना चोवोगी तो़टा जेगीन मीगोला खेलेन जेदालाक।

२ कोरीन्‍थुपा 7:2

खेक्‍याई सेम नाङदु हेक्‍याला घोक्‍जा तेर। हीकी सुला ॱनो़ ॱमाक्‍या। धेनी हीकी सुला ॱमाली़ धेनी हीकी सुला ॱहाम्‍बा माझ्‍ये।

फीलीप्‍पीपा 2:28

होझ्‍येरी खोला धाब्‍ले थोरी खेक्‍या ङ्यामो घाये धाङ ङी दुङागो ङ्युङदु डोवास्‍योक ॱनेरी, ङा खोला खीकीचारु झाङयेला ॱमीच्‍यीकी दो़दीहो़क।

कोलोसेपा 4:10

चो़न्‍खाङ नाङदु ङी रोवा आरीस्‍तारकु धाङ बारनाबागी छाउ मारकुगीयाः, खेक्‍याला छाम्‍डी श्‍यी़क। (मारकुगी कोरला ङी खेक्‍याला एन्‍दुरु स्‍येसाहो़क। धेनी खो खीकीचारु हुङना खोला नाङला सी़।)

१ थेसालोनीकेपा 5:12

पी़न्‍दाक्‍याओ, खीकी खोक्‍दु काल्‍ले ग्‍याप्‍कीन धाङ चोवोगी क्षीला, खेक्‍याई गोठी झ्‍युरी खेक्‍याला ॱलापच्‍या ॱनाङगीनक्‍याला घुस्‍याप झ्‍यी।

१ तीमोथेउ 5:17

क्षो़छोकगी गेम्‍पा तातोक घा झ्‍यीगीन धेनी ॱमीक्‍सेदु क्षो़ स्‍येये धाङ ॱलापच्‍या ॱलाप्‍कीन, लेगाला काल्‍ले ग्‍याप्‍कीन गेम्‍पाक्‍याला, कुरती दाप ॱङी थोप घोवालाक।

ईब्‍रीपा 13:17

राङगी गोठीक्‍याई काला ङेन धेनी खुङक्‍याई होकला धो़क। घीझ्‍येरी ॱनाना को़न्‍क्षोकला ची पु घोगुलाक ॱनेरी, खुङक्‍याई स्‍येये झ्‍येरी खुङक्‍याई खेक्‍याला तातोक झ्‍यीदालाक। धेनी सेम क्‍योरी मेन्‍दा हीना घाटोगी गोने, खुङक्‍याई दे लेगा दे झ्‍यीघो़। देरे मेन्‍ना होदेने खेक्‍याला घीया फेन्‍थोक मेतालाक।

३ योहान्‍ना 1:10

होझ्‍येरी ङा हुङी घाङला, खी़ घी झ्‍यीगीन लेगाक्‍याई कोरला ङा लाब झ्‍यीयेहीन। खी़ हीकी कोरला, लाब ङेन्‍पाक्‍या स्‍येदीक। धेनी देला च्‍यीगा दो़पा ॱमाखाङा, खी़ श्‍येम्‍मा मास्‍यीकावा पी़नक्‍यालाः ॱनेचाङ ॱमेयारालाक धेनी ॱयारङी दो़गीनक्‍याला खी़ काः लाक धेनी खुङक्‍याला क्षो़छोकने पी़दी जाङालाक।