फीलीप्‍पीपा 2:22 - ॱलोवा

²² हीना तीमोथेउ नी मी घारे च्‍यीक ले, ॱनेरी खेक्‍या स्‍येलालाक घीझ्‍येरी ॱनाना भीजा च्‍यीकगी राङगी आकीला श्‍याप्‍ची श्‍युगीन च्‍योक्‍रे, ताम्‍शाङगी लेगाला खी़ ङीमुला श्‍याप्‍ची श्‍यी़वालाक।

फीलीप्‍पीपा 2:22 Cross References

जेपा 16:2

लुस्‍टा धाङ ईकोनीयोनला हो़गीन धेपा-झ्‍यीगीनक्‍याई तीमोथेउला, मी ढाङपो लाक ॱनेरी चीलालाक।

रोमापा 5:4

धाङ शो़पागी चो़पा शाङपो धाङ चो़पा शाङपोगी रेवा केगीनगो, होरी स्‍येलालाक।

१ कोरीन्‍थुपा 16:10

धा तीमोथेउ खीकीचारु हुङाराङ, खेक्‍याई खोला जीक्‍नाङ घीया मीझ्‍युङा धेदु च्‍युक घीझ्‍येरी ॱनाना खोवाः ङा च्‍योक्‍रे चोवोगी लेगा झ्‍यीदालाक।

१ कोरीन्‍थुपा 4:17

धेनी होझ्‍येरीराङ चोवोगी नाङ ॱलो का थुप्‍कीन, ङी चेवे भु तीमोथेला, ङी खीकीचारु झाहो़क। धेनी साजा हो़लेदु क्षो़छोक घीरीला ङी क्षो़ स्‍येस्‍या च्‍योक्‍रे थी़न्‍गीन, मास्‍यीका येशुगी नाङ ङी मीछे घारे हो़गीनगो, खी़ खेक्‍याला ढेन्‍सो ॱलाङगीलाक।

२ कोरीन्‍थुपा 2:9

खेक्‍याला ताक्‍चा झ्‍यीये धाङ ॱनेछु घीरीला, खेक्‍या ङी खाला ङेन्‍दी-मेङेन्‍दी ॱनेरी छो़ झ्‍यीये, ङी खेक्‍याला यीक ढीक्‍पी।

२ कोरीन्‍थुपा 8:22

हेक्‍याई थेङ माङा छो़ता झ्‍येरी, दो़न माङक्षेला हुरा थोथा पी़नगोला हेक्‍या खुङक्‍याईमुला झाङाहीन। धेनी खो खेक्‍याला ॱमीच्‍यीकी यीच्‍चे झ्‍यीगीन झ्‍येरी, खो खेक्‍याला रोवा झ्‍यीयेला ॱयोल्‍ले दो़पा क्षे झ्‍युदुक।

२ कोरीन्‍थुपा 8:24

होझ्‍येरी खेक्‍याई चेवा धाङ खेक्‍याई कोरला, हीकी झ्‍येजा ङोम्‍सोगी दो़नगो क्षो़छोकक्‍याई दोङदु तो़न।

२ कोरीन्‍थुपा 8:8

ङा खेक्‍याला का तेरामेन हीना मी श्‍येम्‍माक्‍याई हुरा झ्‍येरी रोक्‍राम झ्‍यीगीनमुला दुरती, खेक्‍याई चेवागोवाः धेन्‍पा लाक ॱनेरी पाङपो झ्‍यीयेला, ङा देक्‍या ॱनाहीन।

फीलीप्‍पीपा 1:12

पी़नक्‍याओ, ङाला घी झ्‍युझ्‍यागी़ ॱङोन्‍ने झ्‍यीना, ताम्‍शाङ फेयेला फेन थोक्‍पालाक, ॱनेरी खेक्‍याई स्‍येलाझ्‍यी ॱनेरी ङा दो़दीहो़क।

फीलीप्‍पीपा 1:16

धेनी देक्‍याई झाम्‍पागी थोक्‍ने, क्षो़ स्‍येदालाक घीझ्‍येरी ॱनाना ङा ताम्‍शाङगी ॱरुङक्‍योप झ्‍यीयेगी क्षीला, दुरु हो़गीनगो खुङक्‍याई स्‍येलालाक।

फीलीप्‍पीपा 1:5

घीझ्‍येरी ॱनाना मास्‍यीकागी कोरला ताम्‍शाङ दे, खेक्‍यागी गोमा घोरका ङीमाने, धान्‍दा थुक्‍पे दे स्‍येयेला खेक्‍या ङी रोवा झ्‍युहो़क।

फीलीप्‍पीपा 1:7

खेक्‍या ङी सेम नाङदु झ्‍येरी खेक्‍या घीरीगी कोरला, देरे छोरनाङ केये दे ङी क्षीदु धेन्‍पा दुक। ङा चो़न्‍खाङदु हो़ती घाङला याङना ताम्‍शाङला ॱरुङक्‍योप धाङ धेन्‍पाङ झ्‍यीदी घाङला, खेक्‍या घीरी ङीमुला को़न्‍क्षोकगी थुक्‍जे थोप हो़तालाक।

फीलीप्‍पीपा 2:20

घीझ्‍येरी ॱनाना खेक्‍याई दो़न्‍दु ॱङोन्‍ने सेम्‍डा झ्‍यीगीन, खो च्‍योक्‍रे ङीमुला श्‍येम्‍मा सुवाः मेक।

१ तीमोथेउ 1:18

ङी भीजा तीमोथेउ, ख्‍यी़ कोरला एम्‍मा ॱङो़न स्‍येगीन छीकक्‍याला तेरी, ङा ख्‍यो़ला का दे ॱलोकारी कुलाहीन। होदे छीकक्‍याला खाला ङेन्‍दी धाङ राङगी धेपा धाङ स्‍येराप शाङपोला तेन्‍दी, ॱमाक शाङपो टोप।

१ तीमोथेउ 1:2

धेपाला ङी धेन्‍पा भु तीमोथेउला, याप को़न्‍क्षोक धाङ होरी चोवो मास्‍यीका येशुने, थुक्‍जे धाङ ॱङीङजे धाङ श्‍यीदे भापास्‍योक।

१ तीमोथेउ 4:6

ॱलापच्‍या देक्‍या ख्‍यी़ खेरी पी़नक्‍याई दोङदु तो़न्‍ना, ख्‍यो़ धेपागी का ज्‍यारी होवा धाङ तावा शाङपोला चीरी होवा, मास्‍यीका येशुगी श्‍याप्‍तोक्‍पा शाङपो च्‍यीक झ्‍युङगीलाक।

२ तीमोथेउ 1:2

ङी चेवे भु तीमोथेउला, याप को़न्‍क्षोक धाङ होरी चोवो मास्‍यीका येशुने, थुक्‍जे धाङ ॱङीङजे धाङ श्‍यीदे भाबास्‍योक।

२ तीमोथेउ 3:10

हीना ख्‍यी़ ङी क्षो़ तो़न्‍गीन धाङ ङी चो़लाम धाङ ङी मीछेगी ॱमीक्‍यु धाङ धेपा धाङ ङी शो़पा धाङ ङी झाम्‍पा धाङ ङा तेन्‍पो हो़गीन,

तीतोस 1:4

ङीमुला धेपा च्‍यीक्‍पा हो़गीन, ङी ॱङोन्‍नेगी भीजा तीतोसला, दे यीक ढीयाहीन। याप को़न्‍क्षोक धाङ होराङला थारपा ॱनाङगीन येशु मास्‍यीकागी, ख्‍यो़ला थुक्‍जे धाङ श्‍यीदे ॱनाङास्‍योक।