फीलीप्‍पीपा 2:20 - ॱलोवा

²⁰ घीझ्‍येरी ॱनाना खेक्‍याई दो़न्‍दु ॱङोन्‍ने सेम्‍डा झ्‍यीगीन, खो च्‍योक्‍रे ङीमुला श्‍येम्‍मा सुवाः मेक।

फीलीप्‍पीपा 2:20 Cross References

योहान्‍ना 10:13

होदे मी दे ॱलावो झ्‍येरी, खी़ लुकक्‍याला दाक्‍पो मीग्‍याबा डो़री डोवालाक।

योहान्‍ना 12:6

खी़ दे उटेक्‍याला ॱङीङजे केरी ॱनेवामालाक। हीना खो नी कुमा च्‍यीक लाक। ॱङुगी खुमाकगो खी़ ङ्यारालाक। धेनी होदे नाङदु ॱलुक्‍कीनने, खो राङला घो़गीनगो कुवालाक।

रोमापा 15:5

धेनी शो़पा धाङ सेमस्‍युक ॱनाङगीन, को़न्‍क्षोकगी खेक्‍याला मास्‍यीका येशुमुला च्‍यीक झ्‍युरी, फेन्‍छुनक्‍या घुङदु सेम्‍बा च्‍यीक्‍पा जेदी, छोवा केरु च्‍युक्‍वा जेदास्‍योक।

१ कोरीन्‍थुपा 16:10

धा तीमोथेउ खीकीचारु हुङाराङ, खेक्‍याई खोला जीक्‍नाङ घीया मीझ्‍युङा धेदु च्‍युक घीझ्‍येरी ॱनाना खोवाः ङा च्‍योक्‍रे चोवोगी लेगा झ्‍यीदालाक।

फीलीप्‍पीपा 2:2

खेक्‍या साम्‍लो च्‍यीक्‍पा तारी, च्‍यीकगी च्‍यीकला चेवा च्‍यीक्‍पा झ्‍येरी, सेमने साम्‍लो च्‍यीकला थी़न्‍दी, ङी घाटो खाङदु च्‍युक।

फीलीप्‍पीपा 2:22

हीना तीमोथेउ नी मी घारे च्‍यीक ले, ॱनेरी खेक्‍या स्‍येलालाक घीझ्‍येरी ॱनाना भीजा च्‍यीकगी राङगी आकीला श्‍याप्‍ची श्‍युगीन च्‍योक्‍रे, ताम्‍शाङगी लेगाला खी़ ङीमुला श्‍याप्‍ची श्‍यी़वालाक।

कोलोसेपा 4:11

युसीतो ॱनागीन येशुगीया, खेक्‍याला छाम्‍डी श्‍यी़क। को़न्‍क्षोकगी ग्‍यासी क्षीदु, ङी लेरोकक्‍याने खुङक्‍या च्‍यीगा याहुदापा लाक। धेनी खुङक्‍याने ङाला सेम्‍सो थोबी।

१ तीमोथेउ 1:2

धेपाला ङी धेन्‍पा भु तीमोथेउला, याप को़न्‍क्षोक धाङ होरी चोवो मास्‍यीका येशुने, थुक्‍जे धाङ ॱङीङजे धाङ श्‍यीदे भापास्‍योक।

१ तीमोथेउ 4:6

ॱलापच्‍या देक्‍या ख्‍यी़ खेरी पी़नक्‍याई दोङदु तो़न्‍ना, ख्‍यो़ धेपागी का ज्‍यारी होवा धाङ तावा शाङपोला चीरी होवा, मास्‍यीका येशुगी श्‍याप्‍तोक्‍पा शाङपो च्‍यीक झ्‍युङगीलाक।

२ तीमोथेउ 1:5

ख्‍यी़ धेपा ढाङपोगी ढेन्‍सो़ ङाला झ्‍युजुङ। धेपा दे एम्‍मा ख्‍यी़ ईबी लोईस धेनी ख्‍यी़ आमा ईहुनीकेगी नाङदु हो़गीनगो, ख्‍यी़ नाङदुवा दुक ॱनेरी ङाला यीच्‍चे तेन्‍पो हो़क।

२ तीमोथेउ 3:10

हीना ख्‍यी़ ङी क्षो़ तो़न्‍गीन धाङ ङी चो़लाम धाङ ङी मीछेगी ॱमीक्‍यु धाङ धेपा धाङ ङी शो़पा धाङ ङी झाम्‍पा धाङ ङा तेन्‍पो हो़गीन,