फीलीप्‍पीपा 2:2 - ॱलोवा

² खेक्‍या साम्‍लो च्‍यीक्‍पा तारी, च्‍यीकगी च्‍यीकला चेवा च्‍यीक्‍पा झ्‍येरी, सेमने साम्‍लो च्‍यीकला थी़न्‍दी, ङी घाटो खाङदु च्‍युक।

फीलीप्‍पीपा 2:2 Cross References

योहान्‍ना 3:29

ॱनामा नी माक्‍पागी हीन। धेनी माक्‍पामुला लाङगीन धाङ खोला ङेन्‍गीन रोवागो माक्‍पागी़ केक घोरती, ॱमीच्‍यीकी ङ्यामो घालालाक। होझ्‍येरी धा ङी घाटो दे डुप्‍सुङ।

जेपा 1:14

खुङक्‍या घीरी ईजी नुमुक्‍या धाङ येशुगी युम मीरीयाम धाङ खोङबागी नोक्‍यामुला जोम्‍दी, सोवा ग्‍याप्‍ती धे हो़तालाक।

जेपा 2:1

याहुदापाक्‍याई ङीमा ॱङापच्‍युपा धी़छेन ॱलेप्‍कीन ङीमाला, चोवो येशुला धेपा-झ्‍यीगीन मीक्‍या घीरी साजा च्‍यीकला रुप्‍ती, धे हो़तालाक।

जेपा 2:46

धेनी ङीमा च्‍योई खुङक्‍या क्षो़खाङदु जोमालाक। धेनी नाङ-नाङदु जोम्‍दी, ङ्यामो घेरी क्षाबोमा झ्‍येरी शामा शालाक।

जेपा 5:12

धा मीक्‍याई खोक्‍दु ॱमीच्‍यीकी ॱहाङसागीन लेगाक्‍या धाङ ताकक्‍या, कुछापक्‍याने झ्‍युङी हो़तालाक। धेनी धेपा-झ्‍यीगीन घीरी सोलोमोनगी ॱयाक्‍कुरु जोमालाक।

रोमापा 12:16

च्‍यीकगी च्‍यीकमुला थी़न्‍दी धो़क। राङतो़ माझ्‍यी हीना ॱङ्यामच्‍युङक्‍यामुला ढेवा झ्‍यी। धेनी हो़लेगो ख्‍यो़ला स्‍येये हो़गीन च्‍योक्‍रे माझ्‍यी।

१ कोरीन्‍थुपा 1:10

धा पी़नक्‍याओ, खेक्‍या घीरी खेरी नाङदु थी़न्‍दी धेनी खेरी नाङदु ॱयेवा भेरी मेन्‍दा, हीना सेम्‍बा च्‍यीक्‍पा धाङ साम्‍लो च्‍यीक्‍पा झ्‍येरी धो़क ॱनेरी, ङा होरी चोवो येशु मास्‍यीकागी छेनने खेक्‍याला श्‍योवा पुलाहीन।

२ कोरीन्‍थुपा 13:11

थाला पी़नक्‍याओ, टास्‍यीवा स्‍योक। फी़न्‍सुम छोक्‍पा झ्‍युङयेगी क्षीदु ॱमीक्‍यु श्‍योक। धेनी च्‍यीकगी च्‍यीकला सेम्‍सो पोर। फी़न्‍सुममुला थी़न्‍दी सोङ। धेनी श्‍यीदेला धो़क। धेनी झाम्‍पा धाङ श्‍यीदेगी को़न्‍क्षोक, खीकीमुला श्‍युक्‍कीलाक।

२ कोरीन्‍थुपा 2:3

ङा खेक्‍याचारु हुङी घाङला, ङी सेम घारु च्‍युक घोये हीन्‍गीन, खेक्‍याई ङी सेम क्‍योरु ॱमीच्‍युक्‍येगी क्षीदु, ङी होदे लाबक्‍या ढीक्‍पी। धेनी ङी घाटो नी, खेक्‍या घीरीगी घाटो झ्‍युङगीलाक ॱनेरी, खेक्‍या घीरी खाला ङी यीच्‍चे तेन्‍पो हो़क।

२ कोरीन्‍थुपा 7:7

खो ॱलेप्‍कीनगी च्‍यीका मालाक हीना खेक्‍याने खोला थोप्‍था सेम्‍सोगी थोक्‍ने, हेक्‍याला सेम्‍सो थोप्‍जुङ। ङाला थुक्‍येला खेक्‍याई ॱमीच्‍यीकी दो़पा झ्‍यीगीन धाङ ङी क्षीला, खेक्‍याई सेम क्‍योगीन धाङ दुङा झ्‍यीगीनगी कोरला, खी़ हेक्‍याला स्‍येजुङ। होझ्‍येरी ङी घाटो ॱयोल्‍ले फारजुङ।

फीलीप्‍पीपा 1:4

ङी ॱमो़लाम घीरीला, खेक्‍या घीरीगी क्षीदु ङा घाटोगी थोक्‍ने ॱमो़लाम ग्‍यावीहो़क।

फीलीप्‍पीपा 2:16

छेसोकगी काला तेन्‍पो झ्‍येरी, शीम्‍दी धो़क। धेनी ङा ॱहाला-छुला ग्‍युक्‍कीन धाङ काल्‍ले ग्‍याप्‍कीनगो दो़न्‍मेदु ॱमासोजुङ, ॱनेरी ङा मास्‍यीकागी ङीमाला ङोम्‍सो झ्‍यीये राक्‍कीलाक।

फीलीप्‍पीपा 2:20

घीझ्‍येरी ॱनाना खेक्‍याई दो़न्‍दु ॱङोन्‍ने सेम्‍डा झ्‍यीगीन, खो च्‍योक्‍रे ङीमुला श्‍येम्‍मा सुवाः मेक।

फीलीप्‍पीपा 4:2

ङा युओदीया धाङ सीन्‍तीके ॱङीउला, चोवोगी नाङ सेम्‍बा थी़न्‍दी धो़क, ॱनेरी श्‍योवा पुलाहीन।

कोलोसेपा 2:5

घीझ्‍येरी ॱनाना ङा ली़गी थोक्‍ने खीकी घुङदु मेनाः, सेम्‍ङीगी थोक्‍ने खीकीमुला हो़क। धेनी खेक्‍याई थी़न्‍डील धाङ मास्‍यीकागी खाला खीकी धेपा तेन्‍पो हो़गीनगो ॱहाघोरती, ङा ङ्यामो घी हो़क।

२ थेसालोनीकेपा 2:13

चोवोगी चेवे पी़न्‍दाक्‍याओ, खीकी दो़नला हेक्‍या च्‍योई को़न्‍क्षोकला काटीन्‍क्षे श्‍यु घोली घीझ्‍येरी ॱनाना थारपा थोप्‍येगी क्षीला, को़न्‍क्षोकगी खेक्‍याला एम्‍माने दाम जेपालाक। थारपा दे नी, खेक्‍याला राप्‍ने जेगीन धाम्‍पे थुक्‍ङी धाङ धेन्‍पाला यीच्‍चे झ्‍यीगीनगी थोक्‍ने झ्‍युवालाक।

२ तीमोथेउ 1:4

ख्‍यी़ छीमाक ढेन्‍दी घाङला, ङा घाटोगी खाङयेगी क्षीला, ङा ख्‍यो़ला थुक्‍येला ॱमीच्‍यीकी दो़दीहो़क।

फीलेमोन 1:20

ङी पी़न, ङी क्षीदु दे लेगा दे झ्‍यीरोझ्‍यी ॱनेरी, ङा चोवोगी थोक्‍ने श्‍युवाहीन। मास्‍यीकागी नाङ ङी सेम घारु च्‍युक।

२ योहान्‍ना 1:4

ख्‍यी़ टुवाक्‍याने रीङगा यापगी होराङला ॱनाङना का च्‍योक्‍रे, धेन्‍पे लामला ग्‍युक्‍कीनगो थोरी, ङा ॱमीच्‍यीकी ङ्यामो ग्‍येजुङ।

३ योहान्‍ना 1:4

ङी टुवाक्‍या धेन्‍पाला तेन्‍ती मीजी क्‍यागीन, लाब दे घोरयेने ल्‍हाक, घाटो क्षे ङाला श्‍येम्‍मा घीया मेक।