फीलीप्‍पीपा 2:19 - ॱलोवा

¹⁹ खेक्‍याई ॱनेछु घोरती, ङाः ङ्यामो घायेगी क्षीदु, ङा तीमोथेउला खेक्‍याचारु ग्‍योक्‍जे ताङयेगी रेवा दे, चोवो येशुला झ्‍यीदीहो़क।

फीलीप्‍पीपा 2:19 Cross References

मेथा 12:21

धेनी खोङगी छेनला मीरीक घीरीगी रेवा झ्‍यीगीलाक।”

जेपा 16:1

पाउलु धेरबे धाङ लुस्‍टारु फेप्‍ती, होदुरु तीमोथेउ ॱनागीन ङेने च्‍यीक हो़तालाक। खी़ आमागो चोवो येशुला धेपा-झ्‍यीगीन याहुदापा लाक धेनी आकीगो गीरीक लाक।

रोमापा 15:12

धेनी याङ यस्‍यायागी सुङालाक, “येस्‍सेगी ग्‍युपाने मी च्‍यीक फेप्‍कीलाक, खोङगी याहुदापा मेन्‍गीनक्‍याई खाला वाङ जेगीलाक, धेनी खुङक्‍याई खोङबा खाला रेवा श्‍याक्‍कीलाक।”

रोमापा 16:21

ङी लेरोक तीमोथेउ धाङ ङी पी़न्‍दा लुकीया धाङ यासोन धाङ सोसीपातोगी खेक्‍याला छाम्‍डी श्‍यी़क।

१ कोरीन्‍थुपा 4:17

धेनी होझ्‍येरीराङ चोवोगी नाङ ॱलो का थुप्‍कीन, ङी चेवे भु तीमोथेला, ङी खीकीचारु झाहो़क। धेनी साजा हो़लेदु क्षो़छोक घीरीला ङी क्षो़ स्‍येस्‍या च्‍योक्‍रे थी़न्‍गीन, मास्‍यीका येशुगी नाङ ङी मीछे घारे हो़गीनगो, खी़ खेक्‍याला ढेन्‍सो ॱलाङगीलाक।

एफीसुपा 1:13

थारपागी ताम्‍शाङ, धेन्‍पे का ङेन्‍दी मास्‍यीकाला धेपा झ्‍यीगीन, खेक्‍याला को़न्‍क्षोकनेराङ धाम्‍चा जेजा धाम्‍पे थुक्‍ङीगी थेचे ग्‍याप हो़तालाक।

फीलीप्‍पीपा 1:1

मास्‍यीका येशुगी ढेन्‍योक, पाउलु धाङ तीमोथेउने फीलीप्‍पीरु हो़गीन, मास्‍यीका येशुगी नाङ धाम्‍पे मीक्‍या धाङ क्षो़छोकगी तातोक्‍पाक्‍या धाङ श्‍याप्‍तोक्‍पाक्‍यामुला घीरीला,

फीलीप्‍पीपा 2:18

होझ्‍येरी खेक्‍याः ङीमुला ङ्यामो घेरी घाटो झ्‍यी।

फीलीप्‍पीपा 2:28

होझ्‍येरी खोला धाब्‍ले थोरी खेक्‍या ङ्यामो घाये धाङ ङी दुङागो ङ्युङदु डोवास्‍योक ॱनेरी, ङा खोला खीकीचारु झाङयेला ॱमीच्‍यीकी दो़दीहो़क।

१ थेसालोनीकेपा 3:2

खेक्‍याई धेपा तेन्‍पो शोये धाङ सेमस्‍युक पारयेला धेनी मास्‍यीकागी ताम्‍शाङ स्‍येयेला, को़न्‍क्षोकगी को़का लेजेपा धाङ हीकी पी़न तीमोथेउला खेक्‍याचारु झावी।

१ थेसालोनीकेपा 3:5

ॱली़गीनगी खेक्‍याला गोवा कोरती, हीकी काल्‍लेगो दो़न्‍दाक मेगीन लाहुङ साम्‍दी, खेक्‍याई धेपागी कोरला स्‍येयेला घुक ॱमाथुक्‍पा, तीमोथेउला ङी झावी।

२ थेसालोनीकेपा 1:3

पी़न्‍दाक्‍याओ, खेक्‍याई क्षीला हेक्‍या च्‍योई को़न्‍क्षोकला काटीन्‍क्षे श्‍यु घोली धेनी दे श्‍यु घोयेदुक घीझ्‍येरी ॱनाना खेक्‍याई धेपा ॱमीच्‍यीकी फेदुक धेनी फेन्‍छुनक्‍या नाङदुवा चेवा क्षेरु डी़।

२ तीमोथेउ 1:12

दी झ्‍येरी ङा हुरे दुक्‍पु ङ्याङाहीन। हीना ङी सी़ खाला धेपा झ्‍यीगीनगो, ङाला स्‍येये झ्‍येरी ङा ङोमेछा। याङ ङाला च्‍योगीनगो होदे ङीमा थुक्‍पे खोङबा राङगी ॱरुङगीलाक ॱनेरी, ङाला दुङा घीया मीदुक।

याकोब 4:15

दी छापला खेक्‍या “चोवोगी थुकोङ हो़ना, होराङक्‍या सो़न्‍पो धेतु धेनी देरे-हुरे झ्‍यीदु।” ॱनेरी ॱनाघो़।

१ पेटो 1:21

धेनी खेक्‍या खोङबागी गोनेराङ, को़न्‍क्षोकला धेपा केवालाक। को़न्‍क्षोकगी खोङला छीवाने सो़न्‍पो जेदी, खोङला शीजे जेपालाक। होझ्‍येरी खेक्‍या को़न्‍क्षोकला धेपा झ्‍येरी रेवा झ्‍यीदालाक।