फीलीप्‍पीपा 2:17 - ॱलोवा

¹⁷ हीना खेक्‍याई धेपागी क्षो़पा धाङ ॱङीङकुर डुप्‍येगी क्षीला, ङी ठाक नी सेरकेम च्‍योक्‍रे फी़ घोये हीन्‍ना, ङा ङ्यामो घी धेनी खेक्‍या घीरीमुला घाटो झ्‍यीयेहीन।

फीलीप्‍पीपा 2:17 Cross References

जेपा 20:24

हीना को़न्‍क्षोकगी थुक्‍जेगी कोरला ताम्‍शाङगो स्‍येगीन, चोवो येशुने ङाला थोप्‍था लेगा दे माडुप्‍कीन थुक्‍पे, ङा ङारी मीछे देगी दो़न घीन्‍दा ॱमीची हो़क।

जेपा 21:13

हीना पाउलुगी ॱनेवालाक, “घीझ्‍येरी खेक्‍या ङी़री ङी सेम ॱमीकीदा शोवाले? ङा येरुसालेमदु चो़न्‍खाङदु धाक्‍येला च्‍यीगा मेन्‍दा, ङारी चोवो येशुगी छीला स्‍यीयेला डाढीक हो़क।”

रोमापा 12:1

होझ्‍येरी पी़नक्‍याओ, को़न्‍क्षोकगी खेक्‍याला ॱङीङजे शीया जेदी, खोङगी डुङदु धाम्‍पा धाङ थुक्‍ङेउ झ्‍युङयेला, राङगी ली़गो क्षो़पा सो़न्‍पो च्‍योक्‍रे फी़ ॱनेरी, ङा खेक्‍याला श्‍योवा पुलाहीन। देराङ खेक्‍याई खोङबाला पु घो़गीन क्षाक्‍क्षो़पा धेन्‍पागो लाक।

रोमापा 15:16

याहुदापा मेन्‍गीनक्‍याई क्षीदु मास्‍यीका येशुगी श्‍याप्‍चीपा झ्‍युङयेलाक। धेनी धाम्‍पे थुक्‍ङीगी याहुदापा मेन्‍गीनक्‍याला धाम्‍पा जेदी, खुङक्‍या को़न्‍क्षोकला थुक्‍ङेउ हुङगीन क्षो़पा झ्‍युङयेगी क्षीला, को़न्‍क्षोकगी ताम्‍शाङ स्‍येयेगी क्षो़पो़न च्‍यीकगी लेगेनगो, ङाला ॱनाङ हो़तालाक।

२ कोरीन्‍थुपा 12:15

धेनी ङा खेक्‍याई क्षीदु घाटोगी गोने ङाला हो़गीन घीरी धाङ ङा राङ-राङला पुयेहीन। ङी खेक्‍याला चेवा माङा झ्‍यीना, ङाला चेवा ङ्युङा थोप्‍कुलाक से?

२ कोरीन्‍थुपा 4:12

होझ्‍येरी छीवागी हीकी मीछेला लेगा झ्‍यीदालाक हीना छे नी, खेक्‍याई मीछेला लेगा झ्‍यीदालाक।

२ कोरीन्‍थुपा 6:10

धेनी हेक्‍या सेम क्‍यो़ हो़नाः, च्‍योई घाटोगी खाङहो़क धेनी उटे हो़नाः, माङक्षेला क्षुक्‍पु शो़ थुक हो़क। धेनी घीया मेगीन च्‍योक्‍रे हो़नाः, हेक्‍याला घीरी हो़क।

२ कोरीन्‍थुपा 7:4

खेक्‍याई खाला ङा ॱलोतेक्षे हो़क। धेनी खेक्‍याई क्षीदु, ङा ॱमीच्‍यीकी ङोम्‍सो झ्‍यीदीहो़क। ङा सेम्‍सोगी खाङहो़क। धेनी दुङा घीरीगी खोक्‍दुवाः ङा घाटो क्षे झ्‍यीदीहो़क।

फीलीप्‍पीपा 1:20

ङी सेम नाङगी दो़पा धाङ रेवा नी, ङाला ङोजा पाप्‍कीन घाने मीझ्‍युङवा, हीना ॱङीङक्षे झ्‍युरी सो़न्‍पो याङना छीवा हो़ना, ङी ली़ नाङ च्‍योक्‍ई च्‍योक्‍रे, धान्‍दा मास्‍यीकागी घुस्‍याप झ्‍युङये लाक।

फीलीप्‍पीपा 2:18

होझ्‍येरी खेक्‍याः ङीमुला ङ्यामो घेरी घाटो झ्‍यी।

फीलीप्‍पीपा 2:30

घीझ्‍येरी ॱनाना मास्‍यीकागी लेगागी दो़नला, खो स्‍यीलाक झ्‍येवालाक। खीकी छापला ङाला श्‍याप्‍ची श्‍युयेगी क्षीदु, खी़ खोरी मीछेराङ ङेन्‍काला ताजुङ।

फीलीप्‍पीपा 4:18

ङाला थोप घोगीनने माङा घीरी थोप्‍हो़क। धेनी ईपाप्‍रोदीतोने खेक्‍याई कुरका ॱङेन्‍बागो थोप्‍ती, धा धान्‍दा ङाला घीरी छाङगीन हो़क। धेनी होदे ॱङेन्‍बा नी, ढीस्‍यीमगी क्षो़पा च्‍योक्‍रे को़न्‍क्षोकगी डुङदु थुक्‍ङेउ धाङ थुक ॱनुमा जे थुक्‍कीन दुक।

कोलोसेपा 1:24

धा ङी खेक्‍याई दो़नला ङ्याङगीन काङेला, ङा घाटो झ्‍यीदीहो़क। मास्‍यीकागी कुसोक हीन्‍गीन क्षो़छोकगी क्षीदु खोङगी दुक्‍ङेल ल्‍हाक्‍मा दे, ङी ली़ला जोक्‍वा झ्‍यीदाहीन।

१ थेसालोनीकेपा 2:8

हेक्‍याई खेक्‍याला ॱमीच्‍यीकी चेवा झ्‍येरी, खेक्‍याला को़न्‍क्षोकगी ताम्‍शाङ च्‍यीगा मेन्‍दा राङगी ॱरोकगोवा झ्‍यीम्‍बा ताङयेला डाढीक झ्‍युवी घीझ्‍येरी ॱनाना खेक्‍या हीकी चेवे पी़न झ्‍युवालाक।

२ तीमोथेउ 4:6

ङा नी सेरकेम पुयेला, पु रेन्‍दी ङा दायेगी धी़ बाप्‍सादुक।

१ पेटो 2:5

को़न्‍क्षोकगी खेक्‍यालाः धो सो़न्‍पोक्‍या च्‍योक्‍रे, थुक्‍ङीगी फोडाङ चीक्‍येला भेचो़ जेदु च्‍युक। धेनी खेक्‍या धाम्‍पे क्षो़पो़न झ्‍युरी, मास्‍यीका येशुगी थोक्‍ने को़न्‍क्षोकला थुक्‍ङेउ झ्‍युङगीन सेम्‍ङीगी क्षो़पा खेक्‍याई पु।

१ योहान्‍ना 3:16

येशु मास्‍यीकागी राङगी कुसोक, होरी क्षीला ॱलो़ ताङा जेपालाक। दी गोनेराङ, झाम्‍पा घी हीन्‍गीनगो होरी स्‍येलालाक। धेनी होराङक्‍यागीया राङगी पी़नक्‍याई क्षीला राङगी ॱरोक ॱलो़ ताङघो़।