फीलीप्‍पीपा 2:15 - ॱलोवा

¹⁵ धेनी खेक्‍या क्‍यो़न मेगीन धाङ चाङमा झ्‍युरी, दे मेढाङा धाङ दुकच्‍याक मीरापगी खोक्‍दु, क्‍यो़न मेगीन को़न्‍क्षोकगी से धाङ सेमो झ्‍युङास्‍योक। धेनी खेक्‍या जीक्‍तेनदु खुङक्‍या खोक्‍दु ॱनामगी कारमाक्‍या च्‍योक्‍रे स्‍यारती,

फीलीप्‍पीपा 2:15 Cross References

मेथा 10:16

“धा ङा खेक्‍याला चुङगुक्‍याई खोकला, लुकक्‍या च्‍योक्‍रे झाङाहीन होझ्‍येरी डुल च्‍योक्‍रे डुङपो धाङ फुक्‍रो़नक्‍या च्‍योक्‍रे झोङा झ्‍युङ च्‍यीक।

मेथा 17:17

धेनी येशुगी सुवालाक, “धेपा मीझ्‍यीगीन धाङ ङेन्‍पा मीरापक्‍याओ, ङा खेक्‍यामुला घाजो़ थुक्‍पे धेगुले? ङा खेक्‍याला नाम थुक्‍पे शो़पा झ्‍यीये? खोला ङाचारु ठीक्‍ती स्‍योक।”

मेथा 5:45

देरे झ्‍यीना खेक्‍या नाम्‍खे श्‍यीङखामदु श्‍युक्‍कीन, खेरी यापगी से धाङ सेमो झ्‍युङगीलाक। घीझ्‍येरी ॱनाना खोङबागी मी ङेन्‍पा धाङ शाङपो ॱङीगाराला, राङगी ङीमा स्‍यारतु च्‍युक्‍वालाक धेनी ढाङपो धाङ मेढाङा ॱङीगारागी खाला क्षावा पावा जेदालाक।

मेथा 5:48

होझ्‍येरी नाम्‍खे श्‍यीङखामदु श्‍युक्‍कीन, ख्‍यी़ याप फी़न्‍सुम छोक्‍पा हो़गीन च्‍योक्‍रे, ख्‍यो़याः फी़न्‍सुम छोक्‍पा झ्‍युङघोगुलाक।”

लुका 1:6

खुङ ॱङीगारा को़न्‍क्षोकगी डुङदु ढाङपो हो़तालाक धेनी को़न्‍क्षोकगी का धाङ ठीम घीरी, नोवा क्षुक्‍वा मीझ्‍यीदा चीलालाक।

लुका 6:35

हीना राङगी डाक्‍याला चेवा झ्‍यी धेनी शाङा झ्‍यी धेनी कीपा लेन्‍येगी रेवा मीझ्‍यीदा मी श्‍येम्‍माला की। धेनी ख्‍यो़ला ज्‍यागा क्षे थोप्‍कीलाक धेनी खेक्‍या ॱलानामेपे को़न्‍क्षोकगी से झ्‍युङगीलाक घीझ्‍येरी ॱनाना को़न्‍क्षोकगी काटीन ॱमेसाम्‍गीन धाङ ङेन्‍पाक्‍याला ॱङीङजे जेदालाक।

योहान्‍ना 5:35

योहान्‍ना नी, बारकीन धाङ हो़ स्‍यारकीन मारमे च्‍योक्‍रे हो़तालाक धेनी खेक्‍या युन तुङा च्‍यीगा, खी़ हो़ला ङ्यामो घाये दो़पालाक।

जेपा 2:40

पेटोगी खुङक्‍याला ॱमीच्‍यीकी माङा लाबक्‍या ॱनेरी पाङपो तेरपालाक। धेनी होदेक्‍याला च्‍याक ग्‍याप्‍ती ॱनेवालाक, “धीक्‍जाङगी मीरीक धुकच्‍यागी खाला हुङगीन क्षेपाने ख्‍यो़ ख्‍यो़राङला क्‍योप।”

जेपा 20:30

खेराङक्‍या खोक्‍नेराङ क्षो़ शोक्‍पो तेरकीन मीक्‍या थो़न्‍दी, चोवोगी ङेनेक्‍याला खोराङक्‍या स्‍योकला ग्‍युरतु च्‍युक्‍कीलाक।

रोमापा 16:19

खेक्‍या खाला ङेन्‍पो हो़गीनगो, मी घीरीला स्‍येये हो़तालाक धेनी खेक्‍याई झ्‍येरी ङा घाटो झ्‍यीदाहीन। हीना खेक्‍या शाङा हीन्‍गीनगोला चाङजे झ्‍यीये धाङ ङेन्‍पा हीन्‍गीनगोला क्‍यो़न मेगीन झ्‍युङगीनगो ङा दो़दीहो़क।

१ कोरीन्‍थुपा 1:8

धेनी होरी चोवो येशु मास्‍यीका धाब्‍ले फेप्‍ये हीन्‍गीन ङीमागोला, खेक्‍या क्‍यो़न मेगीन झ्‍युङयेगी क्षीला, खोङबागी खेक्‍याला था थुक्‍पे तेन्‍पो जेगीलाक।

२ कोरीन्‍थुपा 6:17

होझ्‍येरी चोवोगी सुवालाक, “खुङक्‍याई घुङने थो़न्‍दी स्‍योक, धेनी खुङक्‍याने खेक्‍या खा ढो, ॱमेचाङा घीया माजु, धेनी ङा खेक्‍याला खेलेन झ्‍यीयेहीन।”

एफीसुपा 5:27

देरे जेदी क्षो़छोकगो ॱमेवा धाङ ॱङीमा मेगीन याङना देरे क्‍यो़न घीया मेगीन हीना धाम्‍पा धाङ क्‍यो़न मेता, ॱमीच्‍यीकी शीजेक्षेगी गोने राङगी डुङदु पुयेला लाक।

फीलीप्‍पीपा 1:10

खेक्‍याई शाङा घी हीन्‍गीनगो, दाम थुक्‍वा धाङ मास्‍यीकागी ङीमा थुक्‍पे चाङमा धाङ क्‍यो़न मेगीन हुङवास्‍योक।

फीलीप्‍पीपा 3:6

धेनी क्षो़ला स्‍युक्‍क्षे चीगीनला ताना, ङा नी क्षो़छोकला दुक्‍पु ताङगीन धेनी क्षो़ठीम नाङगी ढाङतेनगी कोरला ॱनाना, ङा क्‍यो़न मेगीन मी च्‍यीक हीन।

१ थेसालोनीकेपा 5:23

धा श्‍यीदे को़न्‍क्षोकगीराङ खेक्‍या नाङ हो़गीन घीरी, धाम्‍पा जेदास्‍योक धेनी होरी चोवो येशु मास्‍यीका फेवी घाङला, खेक्‍याई सेम्‍ङी धाङ सेम धाङ ली़ घीरी क्‍यो़न मेगीन ॱरुङवास्‍योक।

१ तीमोथेउ 3:10

एन्‍ला होदेक्‍याई छो़ता झ्‍यी धेनी क्‍यो़न ॱमाफोक्‍पा थो़न्‍ना, खुङक्‍याला क्षो़छोकगी श्‍याप्‍तोक्‍पा झ्‍येरी लेगा झ्‍यीरु च्‍युक।

१ तीमोथेउ 3:2

होझ्‍येरी क्षो़छोकगी तातोक्‍पागो क्‍यो़न्‍जुक घीया मेगीन धाङ केमी च्‍यीकगी ख्‍योवा, साम्‍लो थोङा, छो़ शीम्‍गीन धाङ याराप शाङा धाङ डो़न्‍बो सुयेला घागीन धेनी ॱलोपो़न झ्‍यीयेला खेवा हो़गीन,

१ तीमोथेउ 5:14

होझ्‍येरी नाच्‍युङमा युक्‍जामाक्‍या ॱनामा लेन्‍दी टुवा के धेनी नाङ शीम्‍दी, डाला ॱना चेयेगी घुकाप ॱमेतेरयेला ङा दो़दीहो़क।

१ तीमोथेउ 5:20

धीक्‍पा झ्‍यीगीनक्‍याला मी घीरीगी, दोङदु आङजी तोङ। देरे झ्‍यीना श्‍येम्‍माक्‍या जीक्‍कीलाक।

१ तीमोथेउ 5:7

सी़या खुङक्‍याला क्‍यो़न्‍जुक ॱमेकायेगी क्षीला, खुङक्‍याला दे ॱलापच्‍याक्‍या ॱलोप।

तीतोस 1:6

गोठीगो क्‍यो़न मेगीन धाङ केमी च्‍यीक हो़गीन, ख्‍योवा हुङघो़गीलाक। धेनी खी़ टुवाक्‍या धेपा झ्‍यीगीन धाङ च्‍यो़पा घा धेनी खाला ङेन्‍गीन हुङघो़गीलाक।

तीतोस 2:10

लाक्‍पा चाङमा धाङ ॱलो का थुप्‍कीन झ्‍युरी, तो़न घो़गीलाक। धेनी होरी क्‍योप्‍खेन को़न्‍क्षोकगी कोरला ॱलापच्‍या तेरतागोला, घारु हीन्‍ना खुङक्‍याई घुस्‍याप झ्‍यीगीलाक।

तीतोस 2:15

दे ॱलापच्‍याक्‍या ॱलोप। खेरी आङजा घीरीने ॱलापच्‍या स्‍युक्‍क्षे तेर धेनी आङजी तोङ। राङला सी़या ॱङाजीन झ्‍यीरु ॱमाच्‍युक।

ईब्‍रीपा 7:26

धेनी धाम्‍पा धाङ क्‍यो़न मेगीन धाङ चाङमा धाङ धीक्‍चेनक्‍याने, खा ढाडा धाङ नाम्‍खे श्‍यीङखामने थोवा जेजा चो क्षो़पो़न च्‍यीक, होराङला हुङ घो़ये हो़तालाक।

१ पेटो 2:12

धेनी धेपा मीझ्‍यीगीनक्‍याई खोक्‍दु चो़पा शाङपो झ्‍यी। घीझ्‍येरी ॱनाना खुङक्‍याई खेक्‍याला ङेन्‍पा झ्‍यीगीन ॱनेरी क्‍यो़न च्‍युई घाङला, खुङक्‍याई खीकी ले शाङाक्‍या थोङास्‍योक धेनी को़न्‍क्षोक फेप्‍ये ङीमाला, खुङक्‍याई खोङबाला तो़पा पुलास्‍योक।

१ पेटो 2:9

हीना खेक्‍या नी दाम्‍दा ग्‍युपा धाङ ग्‍यावु रीकगी क्षो़पो़न धाङ मीरीक धाम्‍पा धाङ को़न्‍क्षोकगी राङगी मीक्‍या लाक। धेनी खोङबागी ॱहाङसागीनगी क्षाक्‍लेक्‍या सेटाक झ्‍यीयेला, मी़नाकने खोङगी ॱहाङसागीनगी हो़क नाङला खेक्‍या भो़वालाक।

२ पेटो 3:14

होझ्‍येरी चेवेक्‍याओ, खेक्‍या दो़न देक्‍याला घुक्‍ती धेगीन झ्‍येरी, को़न्‍क्षोकगी डुङदु ढीमा मेगीन धाङ क्‍यो़न मेगीन धाङ श्‍यीदेला थुक्‍येगी क्षीदु घी थुप-थुप थापस्‍यी झ्‍यी।

ॱङो़न्‍पा 2:5

होझ्‍येरी ख्‍यो़ घाने ॱहाला माला ल्‍हीम्‍गीनगो, ख्‍यो़ घामोमा साम्‍लो तोङ धेनी राङगी धीक्‍पा पारी सेम ग्‍युरवा तोङ। धेनी एम्‍मा ख्‍यी़ घी झ्‍यीगीनगोराङ झ्‍यी। ख्‍यी़ देरे झ्‍येरी राङगी सेम ग्‍युरवा ॱमेताङना, ङा ख्‍यो़चारु हुङाहीन धेनी ख्‍यी़ क्‍युङगोला होदेगी घोक्‍जाने तो़न्‍येहीन।

ॱङो़न्‍पा 3:9

“तो़दाङ धी़ सातानगी छोक्‍खाङगी हीन्‍गीन धेनी राङला याहुदापा मेन्‍दा हीन ॱनेरी ॱनागीन, शोक्‍पोक्‍याला ङा खेक्‍याचारु हुङदु च्‍युक्‍ती, खीकी काङबी दोङदु क्षाक छारु च्‍युक्‍येहीन। धेनी ङी खेक्‍याला चेवा झ्‍यीगीनगो खुङक्‍याई ॱहाघोरकीलाक।