फीलीप्‍पीपा 2:14 - ॱलोवा

¹⁴ हुदुक याङना चो़लीङ मीझ्‍यीदा लेगा घीरी झ्‍यी।

फीलीप्‍पीपा 2:14 Cross References

मेथा 20:11

धेनी होदे जोरती, खुङक्‍या खीमगी दाक्‍पोगोला खा तारी

मारकु 14:5

दे नी, ॱङुगी टाङगा सुमग्‍याने माङाला चोरी, होदे ॱङु उटेक्‍याला तेरये हो़तालाक।” धेनी खुङक्‍याई मोला आङजी तावालाक।

मारकु 9:14

धेनी खोङबाक्‍या ङेने श्‍येम्‍माक्‍याचारु फेई घाङला, मीछोक क्षे च्‍यीकगी घुङदु क्षो़ठीमगी ॱलोपो़नक्‍याई ङेनेक्‍यामुला चो़ ग्‍याप्‍कीनगो शीक्‍पालाक।

लुका 5:30

धेनी फारुसीपाक्‍या धाङ खुङक्‍याई छोखाकगी क्षो़ठीमगी ॱलोपो़नक्‍या, येशुगी ङेनेक्‍याला देरे ॱनेरी ॱङेतोक स्‍येपालाक, “ठा धुगीनक्‍या धाङ धीक्‍चेनक्‍यामुला खेक्‍या घीझ्‍येरी शा-थुङ झ्‍यीदाले?”

जेपा 15:2

देरे ॱलापच्‍या ॱहाघोरती, पाउलु धाङ बारनाबागी होदेक्‍यामुला ॱमीच्‍यीकी लाब झ्‍येवालाक। धेनी पाउलु धाङ बारनाबा धाङ धेपा झ्‍यीगीन रीङगाला, येरुसालेमदु दी कोरला कुछापक्‍या धाङ क्षो़छोकगी गोठीक्‍यामुला लाब झ्‍यीरु डोयेला को़वालाक।

जेपा 15:39

होदे लाबला पाउलु धाङ बारनाबा ॱमाथी़न्‍पालाक धेनी खुङक्‍या खा ढावालाक। बारनाबागो मारकुला ठीक्‍ती, ग्‍याछोगी लाम्‍गा झ्‍युरी साईपुरुसला सोवालाक।

जेपा 15:7

धेनी खुङक्‍याई ढो़ झ्‍येसारती पेटो लारी, खुङक्‍याला ॱनेवालाक, “पी़न्‍दाक्‍याओ, को़न्‍क्षोकगी खेराङक्‍या नाङने याहुदापा मेन्‍गीन मीरीकक्‍याला ताम्‍शाङ ङी खाने ॱनेरी, धेनी खुङक्‍याई ङेन्‍दी धेपा झ्‍यीयेला ङाला दाम्‍बालाक ॱनेरी, खेराङक्‍याला क्षा हो़तालाक।

जेपा 6:1

धा होदे ङीमाक्‍याला, येशुला धेपा-झ्‍यीगीन मी माङदु-माङदु सोवालाक। हीना होदे घाङलाराङ गीरीक केक ग्‍याप्‍कीन, याहुदापाक्‍याई ईब्‍रीपा केक ग्‍याप्‍कीन याहुदापाक्‍याला ॱङ्योक्‍टा स्‍येबालाक घीझ्‍येरी ॱनाना खुङक्‍याई युक्‍जामाक्‍याला, ङीन्‍रेगी शामागी कादागो घामोमा माराक हो़तालाक।

रोमापा 12:18

झ्‍युङ थुक्‍ये हो़ना, घी थुप-थुप राङला रा ली़गीन थुक्‍पे, घीरीमुला श्‍यीदेला धो़क।

रोमापा 14:1

धेपाला क्‍योवा हो़गीन, मीला खेलेन झ्‍यी हीना खी़ साम्‍जुक्‍याई खाला चो़लीङ झ्‍यीये मालाक।

रोमापा 16:17

पी़नक्‍याओ, खेक्‍याला ॱलाप्‍ला क्षो़गी तावाने श्‍येम्‍मा ॱलाप्‍ती, खेक्‍या घुङदु टुक्‍कीन धाङ काल्‍ले घाक्‍वा शोगीन, मीक्‍याने शाप-शाप झ्‍यी धेनी खुङक्‍याने डारी धो़क ॱनेरी, ङा खेक्‍याला श्‍योवा पुलाहीन।

१ कोरीन्‍थुपा 10:10

धेनी खुङक्‍या च्‍योक्‍रे होराङक्‍या दुकेक ग्‍याप्‍ये मेतालाक। खुङक्‍याने रीङगागी दुकेक ग्‍याप्‍ती, खुङक्‍याला ॱरोक चेगीन भाङछेनगी मेताला जेपालाक।

२ कोरीन्‍थुपा 12:20

घीझ्‍येरी ॱनाना ङा हुङाराङ ङी दो़गीन च्‍योक्‍रे, खेक्‍या मेगीन धाङ खीकी दो़गीन च्‍योक्‍रे ङा मेगीनगो थुक्‍टु ॱनेरी, ङा जीक्‍ई। च्‍यीक झ्‍यीना होदुरु धुगा धाङ ठादोक धाङ खोङडो धाङ राङदो़ धाङ ॱमेबेप धाङ ठामा धाङ ङागेल धाङ ॱङ्योक्‍टाक्‍या झ्‍युङहुङ।

गालातीयापा 5:15

हीना खेक्‍या सेम्‍चेन च्‍योक्‍रे च्‍यीकगी च्‍यीकला क्‍यो़न तारी दुक्‍पु तेरना, खेक्‍या खेराङक्‍यानेराङ मेताला डो माघोवास्‍योक ॱनेरी शाप-शाप झ्‍यी।

गालातीयापा 5:26

होराङक्‍या राङथोङ धाङ श्‍येम्‍माला टुक्‍कीन धाङ च्‍यीकगी च्‍यीकला, ठादोक झ्‍यीगीन लेगा झ्‍यीये मेतालाक।

फीलीप्‍पीपा 2:3

राङगी दो़पा काङयेगी ॱमीक्‍यु याङना ङोम्‍सेमगी थोक्‍ने, घीया माझ्‍यी हीना ॱङ्यामच्‍युङ झ्‍युरी च्‍यीकगी च्‍यीकला राङने क्षे ची।

१ थेसालोनीकेपा 5:13

धेनी खुङक्‍याई लेगागी झ्‍येरी, खुङक्‍याला झाम्‍पागी थोक्‍ने ॱमीच्‍यीकी घुस्‍याप झ्‍यी। खेराङक्‍या नाङदु क्षाम्‍बोमा झ्‍येरी धो़क।

१ थेसालोनीकेपा 5:15

सी़याः ङेन्‍पागी छापला ङेन्‍पा माझ्‍यी हीना च्‍यीकगी च्‍यीक धाङ घीरीमुला नाम्‍हीना, शाङपो झ्‍यीयेला थापस्‍यी झ्‍यी।

ईब्‍रीपा 12:14

मी घीरीमुला थी़न्‍दी धेये धाङ धाम्‍पा झ्‍युङयेला, थापस्‍यी झ्‍यी। धेनी धाम्‍पा मेना मी सी़या चोवोला ज्‍या ॱमीथुक्‍कीलाक।

याकोब 1:20

घीझ्‍येरी ॱनाना मीगी खोङडोगी, को़न्‍क्षोकगी ढाङतेनगी ज्‍यावा मीडुपालाक।

याकोब 3:14

हीना खीकी सेम नाङदु ठादोक खाक्‍तीया धाङ राङदो़गी दो़क्षाक हो़ना, खेक्‍या खेवा हो़क ॱनेरी खाप्‍ले स्‍येदी, धेन्‍पाला शोक ॱमास्‍ये।

याकोब 5:9

पी़नक्‍याओ, खेराङक्‍याला ठीम ॱमेफोक्‍येगी क्षीला, खेराङक्‍या घुङदु फाक्‍तुङ मादुङ। तो़दाङ, ठीम्‍पो़न नी घो डामदु श्‍याङदुक।

१ पेटो 3:11

ङेन्‍पा पाङदी शाङा झ्‍यीघो़, धेनी श्‍यीदे चारी होदे स्‍याम्‍ला डाघो़,

१ पेटो 4:9

धेनी दुकेक माग्‍यावा च्‍यीकगी च्‍यीकला डो़न्‍बो सी़।

युदा 1:16

दे मीक्‍या दुकेक ग्‍याप्‍कीन धाङ श्‍येम्‍माला क्‍यो़न चुक्‍कीन धेनी राङगी दो़छाकला चो़गीन धाङ राङ-राङला तो़पा ताङगीन धेनी राङगी फेन्‍थोकगी क्षीला, श्‍येम्‍माला खा जेवे तो़टा ताङगीनक्‍या लाक।