फीलीप्‍पीपा 1:6 - ॱलोवा

⁶ धेनी खीकी नाङ ले शाङा गो चुक्‍कीन, को़न्‍क्षोक खोङगीराङ मास्‍यीका येशु फेप्‍कीन ङीमा थुक्‍पे, दी लेगा दे डुप्‍पा जेगीलाक ॱनेरी, ङा ॱलोते हो़क।

फीलीप्‍पीपा 1:6 Cross References

योहान्‍ना 6:29

येशुगी खुङक्‍याला सुङा जेपालाक, “को़न्‍क्षोकगी ॱङाक्‍कीनगोला धेपा झ्‍यीयेगो राङ, को़न्‍क्षोकगी क्षाक्‍ले लाक।”

जेपा 11:18

धेनी दे ॱहाघोरती खुङक्‍याई पेटोला क्‍यो़न चुक्‍ये भोरती, को़न्‍क्षोकला तो़पा देरे पुवालाक, “धा ॱहाना को़न्‍क्षोकगी याहुदापा मेन्‍गीनक्‍यालाः खोरी धीक्‍पा पारी सेम ग्‍युरये धाङ थामेपे छेसोक थोप्‍येगी घुकाप ॱनाङदुक।”

जेपा 16:14

हीकी लाब ङेन्‍गीनक्‍याने, लीडीया मीङ हो़गीन भोमो च्‍यीक दुक। मो थीयातीरा ॱनागीन साजाने होरी फीलीप्‍पीदु घोङ क्षे झ्‍यीगीन, छो़ ॱमुक्‍पे घोनामगी छोङ ग्‍यालाक। लीडीया याहुदापा मेन्‍गीन मीरीक हीन्‍ना को़न्‍क्षोकला चीगीन केमी लाक। पाउलुगी ॱनागीन लाबला ङेन्‍येला, चोवोगी मी़ सेम डाढीक झ्‍येवालाक।

१ कोरीन्‍थुपा 1:8

धेनी होरी चोवो येशु मास्‍यीका धाब्‍ले फेप्‍ये हीन्‍गीन ङीमागोला, खेक्‍या क्‍यो़न मेगीन झ्‍युङयेगी क्षीला, खोङबागी खेक्‍याला था थुक्‍पे तेन्‍पो जेगीलाक।

२ कोरीन्‍थुपा 1:15

दे लाब दे ङाला तेन्‍देन स्‍येये झ्‍येरी, खेक्‍याला धाब्‍ले झ्‍यीलाप थोप्‍पास्‍योक ॱनेरी, ङा एन्‍ला खीकीचारु हुङयेगी दो़पा झ्‍येवी।

२ कोरीन्‍थुपा 2:3

ङा खेक्‍याचारु हुङी घाङला, ङी सेम घारु च्‍युक घोये हीन्‍गीन, खेक्‍याई ङी सेम क्‍योरु ॱमीच्‍युक्‍येगी क्षीदु, ङी होदे लाबक्‍या ढीक्‍पी। धेनी ङी घाटो नी, खेक्‍या घीरीगी घाटो झ्‍युङगीलाक ॱनेरी, खेक्‍या घीरी खाला ङी यीच्‍चे तेन्‍पो हो़क।

२ कोरीन्‍थुपा 7:16

धेनी ङा ॱमीच्‍यीकी ङ्यामो घी घीझ्‍येरी ॱनाना खेक्‍याई खाला, ङा ॱलोते छोक्‍पा हो़क।

२ कोरीन्‍थुपा 9:4

धेनी माकेडोनीयागी मी रे, ङीमुला होरी खेक्‍याला डाढीक मेगीनगो ॱङेना, हेक्‍या ङोछा घोवालाक धेनी खेक्‍याः ङोछागुलाक घीझ्‍येरी ॱनाना हेक्‍याई खेक्‍या खाला ॱमीच्‍यीकी यीच्‍चे झ्‍येवालाक।

गालातीयापा 5:10

खेक्‍या ङी तावाला माना श्‍येम्‍मा खेलेन्‍गीमालाक ॱनेरी, ङा चोवोला ॱलो कालाहीन। खेक्‍याला टुक्‍कीनगो सु हीन्‍ना, होदेला छेपा फोक्‍कीलाक।

एफीसुपा 4:12

मास्‍यीकागी क्षो़छोक यारके ताङयेगी क्षीला श्‍याप्‍ची श्‍युयेगी लेगाक्‍याला, मी धाम्‍पाक्‍या डाढीक झ्‍यीयेला लाक।

फीलीप्‍पीपा 1:10

खेक्‍याई शाङा घी हीन्‍गीनगो, दाम थुक्‍वा धाङ मास्‍यीकागी ङीमा थुक्‍पे चाङमा धाङ क्‍यो़न मेगीन हुङवास्‍योक।

फीलीप्‍पीपा 1:29

घीझ्‍येरी ॱनाना खेक्‍याला मास्‍यीकाला धेपा झ्‍यीये च्‍यीगा मेन्‍दा, खोङगी दो़नला दुक्‍पु ङ्याङयेगी थोप्‍ताङगोवाः ॱनाङ हो़तालाक।

फीलीप्‍पीपा 2:12

होझ्‍येरी ङी चेवेक्‍याओ, खेक्‍याई च्‍योई ङी खाला ङेन्‍गीन च्‍योक्‍रे, ङा हो़ती घाङला च्‍यीगा मेन्‍दा, हीना देले ल्‍हाक ङा मेताराङ, खेक्‍या जीक्‍नाङ धाङ घुस्‍यापगी थोक्‍ने, राङगी थारपागी क्षीला काल्‍ले ग्‍योप।

फीलीप्‍पीपा 2:13

घीझ्‍येरी ॱनाना को़न्‍क्षोकगी थुकोङ शाङागी क्षीला, खेक्‍या दो़पा धाङ लेगा ॱङीगारा झ्‍यीयेला, को़न्‍क्षोकगीराङ, खेक्‍या नाङ क्षाक्‍ले जेदालाक।

फीलीप्‍पीपा 2:16

छेसोकगी काला तेन्‍पो झ्‍येरी, शीम्‍दी धो़क। धेनी ङा ॱहाला-छुला ग्‍युक्‍कीन धाङ काल्‍ले ग्‍याप्‍कीनगो दो़न्‍मेदु ॱमासोजुङ, ॱनेरी ङा मास्‍यीकागी ङीमाला ङोम्‍सो झ्‍यीये राक्‍कीलाक।

कोलोसेपा 2:12

धेनी ठी़सो़ श्‍यी़ घाङला, खेक्‍या खोङबामुला धी़ठोदु बेवालाक धेनी खोङबाला छीवाने ॱलार सो़न्‍पो जेगीन को़न्‍क्षोकगी नी़थुला, खेक्‍याई धेपा झ्‍येरी खेक्‍यालाः खोङमुला सो़न्‍पो जेपालाक।

१ थेसालोनीकेपा 1:3

होरी याप को़न्‍क्षोकगी डुङदु, खेक्‍याई धेपागी लेगा धाङ झाम्‍पागी काल्‍ले धाङ होरी चोवो येशु मास्‍यीकागी खाला रेवा तेन्‍पोगोला, हेक्‍याई ॱमो़लामला ॱमेक्षेता ढेन्‍दी हो़क।

२ थेसालोनीकेपा 1:11

होझ्‍येरी को़न्‍क्षोकगी भो़ जेजा मीछेगो, खोङबागी खेक्‍याला पी़ थुक्‍कीन झ्‍युङये जेये धाङ ॱमीक्‍यु शाङपो घीरी धाङ धेपागी लेगा, खोङबागी स्‍युकने डुप्‍पास्‍योक ॱनेरी, हे खेक्‍या क्षीला च्‍योई ॱमो़लाम श्‍यी़हो़क।

२ थेसालोनीकेपा 3:4

हीकी का तेरता च्‍योक्‍रे, खेक्‍या धान्‍दा झ्‍यीदीक धेनी श्‍युक थुक्‍पे झ्‍यीगीलाक ॱनेरी, हेक्‍याला चोवोने ॱलोते हो़क।

फीलेमोन 1:21

ख्‍यी़ ङी खाला ङेन्‍गीलाक ॱनेरी, ङाला यीच्‍चे तेन्‍पो हो़क। ख्‍यी़ ङी श्‍यी़गीनने ल्‍हाक झ्‍यीगीलाक ॱनेरी, स्‍येरी ख्‍यो़ला यीक दे ढीक्‍वाहीन।

ईब्‍रीपा 10:35

होझ्‍येरी खेक्‍याई ॱङीङतोपगो ङ्याम्‍दु ॱमाच्‍युक घीझ्‍येरी ॱनाना खेक्‍याला ज्‍यागा क्षे थोप्‍कीलाक।

ईब्‍रीपा 12:2

होरी धेपागी गोचुक जेगीन धाङ था ख्‍यो़ला जेगीन, येशुला होराङ ताघो़। खोङबागी राङगी दोङदु श्‍याकश्‍या घाटोगी क्षीदु, ग्‍याङस्‍यीङगी दुक्‍पुगो शो़पा झ्‍येरी, खुरा जेपालाक धेनी क्षालेला थोङच्‍युङ जेपालाक। धेनी खोङ को़न्‍क्षोकगी श्‍युक्‍ठीगी ॱये स्‍योकला श्‍युक हो़तालाक।

१ पेटो 5:10

धेनी खेक्‍याई धी़ तीते च्‍यीक दुक्‍पु ङ्याङगीन स्‍याम्‍ला, मास्‍यीकागी नाङ थामेपे शीजेला खेक्‍याला भो़ ॱनाङगीन धाङ थुक्‍जे क्षेन्‍बो को़न्‍क्षोकगीराङ, खेक्‍याला ॱलार सोये धाङ तेन्‍पो जेये धाङ तोपस्‍युक ॱनाङये धाङ यीच्‍चेगी ॱमाङस्‍यी तेन्‍पो जेगीलाक।

२ पेटो 3:10

हीना चोवो फेप्‍कीन ङीमागो कुमु हुङगीन च्‍योक्‍रे हुङगीलाक। होदे ङीमाला नाम्‍खा नी, हुरडा क्षे ग्‍याप्‍ती येरी डुगीलाक धेनी झ्‍युङवा श्‍यी नी, मेगी तोरस्‍यीक ताङगीलाक धेनी साश्‍यी धाङ दी नाङ हो़गीन घीरी, को़न्‍क्षोकगी मेताला जेदु च्‍युक्‍कीलाक।