फीलीप्‍पीपा 1:5 - ॱलोवा

⁵ घीझ्‍येरी ॱनाना मास्‍यीकागी कोरला ताम्‍शाङ दे, खेक्‍यागी गोमा घोरका ङीमाने, धान्‍दा थुक्‍पे दे स्‍येयेला खेक्‍या ङी रोवा झ्‍युहो़क।

फीलीप्‍पीपा 1:5 Cross References

जेपा 2:42

धेनी खुङक्‍या कुछापक्‍याई क्षो़ला ङेन्‍ये धाङ मुला जोम्‍ये धाङ ग्‍याङगा च्‍याक्‍ये धाङ सोवा ग्‍याप्‍ये च्‍योक्‍रे, लेगाक्‍या मुला झ्‍यीदालाक।

रोमापा 11:17

धा क्‍युरुस्‍यीङ शाङागी याक्‍का रीङगा चेदी, रीगागी क्‍युरुस्‍यीङ दोङबोगी याक्‍काक्‍या होदे दोङबो शाङागोला थी़दी श्‍याक्‍ना, होदेक्‍याला होदे दोङबो शाङागी चावाने ची़ शाङागो थोबालाक।

रोमापा 12:13

मास्‍यीकावा पी़नक्‍या नाङ मेगीनगोला, रोक्‍राम झ्‍यी। धेनी डो़न्‍बोक्‍याला फेप्‍सु श्‍यी़।

रोमापा 15:26

घीझ्‍येरी ॱनाना येरुसालेमदु हो़गीन को़न्‍क्षोकगी मी उटेक्‍याई क्षीदु, माकेडोनीया धाङ आकाईयागी क्षो़छोकक्‍याई श्‍यान्‍देप पुयेला ङ्यामो घादुक।

१ कोरीन्‍थुपा 1:9

को़न्‍क्षोक नी ॱलोते छोक्‍पा हो़तालाक। धेनी खोङगीराङ खेक्‍याला राङगी से, होरी चोवो येशु मास्‍यीकामुला ङ्याम्‍ढेल जेयेगी क्षीला भो़ जेपालाक।

२ कोरीन्‍थुपा 8:1

पी़नक्‍याओ, को़न्‍क्षोकगी माकेडोनीयागी क्षो़छोकक्‍याला ॱनाङना थुक्‍जेगी कोरला, खेक्‍याई ॱहाघोकीनगो हेक्‍या दो़दीहो़क।

एफीसुपा 3:6

साङवा दे नी, ताम्‍शाङगी थोक्‍ने याहुदापा मेन्‍गीनक्‍याः ईस्‍राएल्‍पाक्‍यामुला ग्‍युज्‍यीन च्‍यीक्‍पा धाङ ली़ च्‍यीकगी येन्‍लाकक्‍या धाङ मास्‍यीका येशुगी नाङ, धाम्‍चागी कादा थोप्‍गीन लाक।

फीलीप्‍पीपा 1:12

पी़नक्‍याओ, ङाला घी झ्‍युझ्‍यागी़ ॱङोन्‍ने झ्‍यीना, ताम्‍शाङ फेयेला फेन थोक्‍पालाक, ॱनेरी खेक्‍याई स्‍येलाझ्‍यी ॱनेरी ङा दो़दीहो़क।

फीलीप्‍पीपा 1:16

धेनी देक्‍याई झाम्‍पागी थोक्‍ने, क्षो़ स्‍येदालाक घीझ्‍येरी ॱनाना ङा ताम्‍शाङगी ॱरुङक्‍योप झ्‍यीयेगी क्षीला, दुरु हो़गीनगो खुङक्‍याई स्‍येलालाक।

फीलीप्‍पीपा 1:27

खेक्‍याई मीछेगी चो़लामगो, मास्‍यीकागी ताम्‍शाङला थी़न्‍गीन हुङघो़। धेनी ङा होरी खेक्‍याला थुक्‍ना याङना ङा मेनाः, खेक्‍या थुक्‍ङी च्‍यीकला तेन्‍पो ॱनेगीन धाङ धेनी ताम्‍शाङगी धेपागी क्षीला, खेक्‍या सेम्‍ङी च्‍यीक झ्‍युरी काल्‍ले ग्‍याप्‍कीन धाङ

फीलीप्‍पीपा 1:7

खेक्‍या ङी सेम नाङदु झ्‍येरी खेक्‍या घीरीगी कोरला, देरे छोरनाङ केये दे ङी क्षीदु धेन्‍पा दुक। ङा चो़न्‍खाङदु हो़ती घाङला याङना ताम्‍शाङला ॱरुङक्‍योप धाङ धेन्‍पाङ झ्‍यीदी घाङला, खेक्‍या घीरी ङीमुला को़न्‍क्षोकगी थुक्‍जे थोप हो़तालाक।

फीलीप्‍पीपा 2:12

होझ्‍येरी ङी चेवेक्‍याओ, खेक्‍याई च्‍योई ङी खाला ङेन्‍गीन च्‍योक्‍रे, ङा हो़ती घाङला च्‍यीगा मेन्‍दा, हीना देले ल्‍हाक ङा मेताराङ, खेक्‍या जीक्‍नाङ धाङ घुस्‍यापगी थोक्‍ने, राङगी थारपागी क्षीला काल्‍ले ग्‍योप।

फीलीप्‍पीपा 2:22

हीना तीमोथेउ नी मी घारे च्‍यीक ले, ॱनेरी खेक्‍या स्‍येलालाक घीझ्‍येरी ॱनाना भीजा च्‍यीकगी राङगी आकीला श्‍याप्‍ची श्‍युगीन च्‍योक्‍रे, ताम्‍शाङगी लेगाला खी़ ङीमुला श्‍याप्‍ची श्‍यी़वालाक।

फीलीप्‍पीपा 4:3

धेनी ङी धेन्‍पे लेरोक, ख्‍यी़याः दे केमी ॱङीउला रोवा झ्‍यी ॱनेरी, ङा श्‍युवाहीन। घीझ्‍येरी ॱनाना खुङ ॱङीउगीयाः ताम्‍शाङगी लेगाला, ङीमुला कीलेमेस धाङ ङी लेरोक श्‍येम्‍माक्‍यामुला काल्‍ले ग्‍याप हो़तालाक। खुङ घीरीगी मीङ छेसोकगी धेप नाङला छी़ हो़तालाक।

फीलेमोन 1:17

होझ्‍येरी खीकी ङाला राङगी लेरोक चीली हो़ना, खोला ङाला च्‍योक्‍रे खेलेन झ्‍यी।

ईब्‍रीपा 3:14

घीझ्‍येरी ॱनाना होराङगी गोमागी ॱलोतेला, था थुक्‍पे तेन्‍पो झ्‍येरी था ख्‍योला झ्‍यीना, होराङ मास्‍यीकागी लेरोक झ्‍युङालाक।

२ पेटो 1:1

येशु मास्‍यीकागी ढेन्‍योक धाङ कुछाप सीमोन पेटोने, होरी को़न्‍क्षोक धाङ क्‍याम्‍गो़न येशु मास्‍यीकागी ढाङतेनला, हेक्‍याला च्‍योक्‍रे चाक्षे धेपा थोप्‍थाक्‍याला,

१ योहान्‍ना 1:3

खेक्‍याः हीकीमुला थी़न्‍डीलला हुङास्‍योक ॱनेरी, हेक्‍याई थोथा धाङ घोरकागो हेक्‍या खेक्‍याला सेटाक झ्‍यीदाहीन। धेनी हीकी थी़न्‍डीलगो याप धाङ से, येशु मास्‍यीकामुला लाक।

१ योहान्‍ना 1:7

हीना खोङबा हो़क नाङला हो़गीन च्‍योक्‍रे होराङक्‍या हो़क नाङला ग्‍युक्‍ना, होराङक्‍या च्‍यीकगी च्‍यीक नाङदु थी़न्‍डील झ्‍युङालाक धेनी खोङबागी से येशुगी कुठाकगी होराङक्‍याला, धीक्‍पा घीरीने चाङमा जेदालाक।