फीलीप्‍पीपा 1:29 - ॱलोवा

²⁹ घीझ्‍येरी ॱनाना खेक्‍याला मास्‍यीकाला धेपा झ्‍यीये च्‍यीगा मेन्‍दा, खोङगी दो़नला दुक्‍पु ङ्याङयेगी थोप्‍ताङगोवाः ॱनाङ हो़तालाक।

फीलीप्‍पीपा 1:29 Cross References

मेथा 16:17

धेनी येशुगी खोला सुवालाक, “योनागी भु सीमोन, ख्‍यो़ला झ्‍यीलाप थोप्‍पास्‍योक। घीझ्‍येरी ॱनाना मीने मेन्‍दा, नाम्‍खे श्‍यीङखामदु श्‍युक्‍कीन, ङी यापगीराङ ख्‍यो़ला दे तो़न जेपालाक।

जेपा 13:39

येशुला धेपा-झ्‍यीगीनक्‍या घीरी धीक्‍पाने थारपा थोप्‍ती, को़न्‍क्षोकगी डुङदु ढाङपो झ्‍युङगीलाक। दे लेगा मोशेगी ॱनाङना क्षो़ठीमगी डुप ॱमाथुक्‍पालाक।

जेपा 14:22

खुङक्‍याई होदे साजाक्‍याला हो़गीन चोवोगी ङेनेक्‍याला स्‍युक्‍क्षे शो़री, धेपाला धेयेला सेमस्‍युक तेरपालाक। “को़न्‍क्षोकगी ग्‍याखापला ॱलेप्‍ये एन्‍ला, होराङगी ॱमीच्‍यीकी माङा दुक्‍पु शो़पा झ्‍येरी धे घोगीलाक” ॱनागीन लाब ॱलाप्‍पालाक।

जेपा 14:27

आन्‍तीयोकदु लोक्‍ती होसारती, पाउलु धाङ बारनाबा धेपा-झ्‍यीगीन क्षो़छोकगी मी घीरीला केक तावालाक। को़न्‍क्षोकगी खुङक्‍या थोक्‍ने, लेगा घारे-घारे जेसुङ धेनी घारे झ्‍येरी याहुदापा मेन्‍गीन मीरीकगी मीक्‍याला, धेपा झ्‍यीयेगी लाम तो़न जेसुङ ॱनेरी खुङक्‍याई होदेक्‍याला ॱनेवालाक।

जेपा 5:41

येशुगी छेनगी क्षीला दुक्‍पु ङ्याङरीन खाये हो़गीन, को़न्‍क्षोकगी खुङक्‍याला ॱनाङजुङ ॱनेरी ङ्यामो घी-घी, खुङक्‍या होदे छोक्‍पा क्षेने लोक्‍ती सोवालाक।

रोमापा 5:3

देचो़ च्‍यीगा मेन्‍दा, होराङ होरी दुक्‍ङेलला घाटो झ्‍यीदालाक घीझ्‍येरी ॱनाना दुक्‍ङेलगी शो़पा

एफीसुपा 2:8

घीझ्‍येरी ॱनाना को़न्‍क्षोकगी थुक्‍जेने धेपागी थोक्‍ने, खेक्‍याला थारपा थोप हो़तालाक। धेनी दे खेक्‍या राङला तेन्‍ती झ्‍युवामालाक हीना को़न्‍क्षोकगी ॱनाङज्‍यीन लाक।

कोलोसेपा 2:12

धेनी ठी़सो़ श्‍यी़ घाङला, खेक्‍या खोङबामुला धी़ठोदु बेवालाक धेनी खोङबाला छीवाने ॱलार सो़न्‍पो जेगीन को़न्‍क्षोकगी नी़थुला, खेक्‍याई धेपा झ्‍येरी खेक्‍यालाः खोङमुला सो़न्‍पो जेपालाक।

याकोब 1:2

ङी पी़नक्‍याओ, खेक्‍याला काङे ॱनाछोक ठेदी घाङला, होदेला घाटो क्षे ची च्‍यीक।

१ पेटो 4:13

हीना मास्‍यीका शीजेला ॱङो़न्‍दी घाङला, खेक्‍या ॱमीच्‍यीकी ङ्यामो घा धाङ घाटो केयेगी क्षीला, धान्‍दा खेक्‍या मास्‍यीकागी दुक्‍पुमुला खुरी घाङला ङ्यामो घा झ्‍यी।