फीलीप्‍पीपा 1:28 - ॱलोवा

²⁸ खीकी ग्‍याप्‍केलला मेगीनक्‍यामुला घीन्‍गी थोक्‍नेयाः, मीजीक्‍कीनगो ङी घोरास्‍योक। दे नी, खुङक्‍याला खोराङक्‍याई तोरस्‍यीक धाङ खेक्‍याला खेरी थारपागी ताक लाक धेनी दे ताक दे को़न्‍क्षोकने लाक।

फीलीप्‍पीपा 1:28 Cross References

मेथा 10:28

धेनी सेम से ॱमीथुप्‍कीन हीना ली़ सेगीनक्‍याला माजीक। हीना ली़ धाङ सेम ॱङीगारा ॱङ्यावादु मेताला जे थुप्‍कीनगोला जीक।

मारकु 3:3

येशुगी होदे लाक्‍पा काम्‍गा मीला “लारी दुरु स्‍योक।” ॱनेरी सुवालाक।

लुका 3:6

धेनी मी घीरीगी को़न्‍क्षोकगी थारपागो थोङगीलाक।’”

योहान्‍ना 16:8

धेनी खोङबा फेई घाङला, खोङगी जीक्‍तेनगी मीक्‍याला धीक्‍पा धाङ ढाङतेन धाङ ठीम्‍चो़गी कोरला, खुङक्‍याई सामस्‍यीगी क्‍यो़नगो तो़न्‍दा जेगीलाक।

जेपा 28:28

“होझ्‍येरी को़न्‍क्षोकने थोप्‍कीन थारपा दे, याहुदापा मेन्‍गीन मीरीकक्‍याला ॱनाङ हो़तालाक धेनी खुङक्‍याई होदे ङेन्‍गीलाक ॱनेरी, खेक्‍याई स्‍येलाझ्‍यी ॱनेरी ङा दो़दीहो़क।”

रोमापा 8:17

धेनी होराङ से धाङ सेमो हीन्‍ना, होराङ ग्‍युज्‍यीनगोवाः लाक। होराङ को़न्‍क्षोकगी ग्‍युज्‍यीन धाङ मास्‍यीकामुला ग्‍युज्‍यीनगी रोवा लाक। धेनी होराङ मास्‍यीकामुला दुक्‍पु ङ्याङना, खोङगी शीजेगोवाः मुला घो़ये राक्‍कीलाक।

१ थेसालोनीकेपा 2:2

हेक्‍याई फीलीप्‍पीरु दुक्‍पु धाङ ॱमेटा ङ्याङगीनगो, खेक्‍याला स्‍येये हो़तालाक हीना ङोलोक स्‍युक्‍क्षेगी खोक्‍ने, को़न्‍क्षोकगी ताम्‍शाङ खेक्‍याला ख्‍याप्‍टाक झ्‍यीयेला, को़न्‍क्षोकने हेक्‍याला ॱङीङतोप जोरजुङ।

ईब्‍रीपा 13:6

होझ्‍येरी होराङक्‍या ॱलोते झ्‍येरी ॱनालाक, “ङाला रोवा झ्‍यीगीन नी चोवो लाक, ङा जीक्‍येमेन। मीगी ङाला घी झ्‍यी थुक्‍कीलाक से?”

ॱङो़न्‍पा 2:10

धा ख्‍यी़ ङ्याङये हीन्‍गीन दुक्‍पुक्‍याने माजीक। तो़दाङ, खेक्‍याला छो़ता झ्‍यीयेगी क्षीदु, धी़कगी खेक्‍याने रीङगाला चो़न्‍खाङदु च्‍युक्‍कीलाक धेनी श्‍याक्‍मो च्‍यु थुक्‍पे, ख्‍यो़ला दुक्‍पु झ्‍युङगीलाक। ख्‍यो़ स्‍यीघो़ना धेपाला तेन्‍पो धो़क धेनी ङी ख्‍यो़ला छेसोकगी चो़पेन तेरु।