फीलीप्‍पीपा 1:20 - ॱलोवा

²⁰ ङी सेम नाङगी दो़पा धाङ रेवा नी, ङाला ङोजा पाप्‍कीन घाने मीझ्‍युङवा, हीना ॱङीङक्षे झ्‍युरी सो़न्‍पो याङना छीवा हो़ना, ङी ली़ नाङ च्‍योक्‍ई च्‍योक्‍रे, धान्‍दा मास्‍यीकागी घुस्‍याप झ्‍युङये लाक।

फीलीप्‍पीपा 1:20 Cross References

योहान्‍ना 21:19

पेटोगी छीवा गोने को़न्‍क्षोकला शीजे हुङगीनगी कोरला तो़न्‍येला, खोङबागी दे सुवालाक। दे सुङसारती खोङबागी खोला सुवालाक, “ङी स्‍याबाला डोङ।”

जेपा 20:24

हीना को़न्‍क्षोकगी थुक्‍जेगी कोरला ताम्‍शाङगो स्‍येगीन, चोवो येशुने ङाला थोप्‍था लेगा दे माडुप्‍कीन थुक्‍पे, ङा ङारी मीछे देगी दो़न घीन्‍दा ॱमीची हो़क।

जेपा 21:13

हीना पाउलुगी ॱनेवालाक, “घीझ्‍येरी खेक्‍या ङी़री ङी सेम ॱमीकीदा शोवाले? ङा येरुसालेमदु चो़न्‍खाङदु धाक्‍येला च्‍यीगा मेन्‍दा, ङारी चोवो येशुगी छीला स्‍यीयेला डाढीक हो़क।”

जेपा 4:31

खुङक्‍याई ॱमो़लाम ग्‍याप सारती, स्‍याम्‍ला खुङक्‍या धेजा सागो लीङ-लीङ झ्‍येवालाक। धेनी खुङ घीरी धाम्‍पे थुक्‍ङीगी खावालाक धेनी को़न्‍क्षोकगी का ॱलोगोक क्षे झ्‍येरी स्‍येपालाक।

रोमापा 12:1

होझ्‍येरी पी़नक्‍याओ, को़न्‍क्षोकगी खेक्‍याला ॱङीङजे शीया जेदी, खोङगी डुङदु धाम्‍पा धाङ थुक्‍ङेउ झ्‍युङयेला, राङगी ली़गो क्षो़पा सो़न्‍पो च्‍योक्‍रे फी़ ॱनेरी, ङा खेक्‍याला श्‍योवा पुलाहीन। देराङ खेक्‍याई खोङबाला पु घो़गीन क्षाक्‍क्षो़पा धेन्‍पागो लाक।

रोमापा 5:5

धेनी रेवागी होराङला ॱलो फाम्‍दु ॱमीच्‍युक्‍वालाक घीझ्‍येरी ॱनाना होराङला ॱनाङना धाम्‍पे थुक्‍ङीगी गोने, को़न्‍क्षोकगी झाम्‍पा होरी सेम नाङला ॱलुक हो़तालाक।

रोमापा 6:13

राङगी ली़गी येन्‍लाक च्‍यीया ङेन्‍पे लाक्‍चा च्‍योक्‍रे, धीक्‍पा झ्‍यीयेला ॱमातेर हीना छीवाने सो़न्‍पोला ठीक्‍ती होवा मीक्‍या च्‍योक्‍रे राङला को़न्‍क्षोकगी डुङदु फी़। धेनी राङगी येन्‍लाकक्‍या घीरी, ढाङतेनगी लेगा झ्‍यीगीन लाक्‍चा च्‍योक्‍रे को़न्‍क्षोकला फी़।

रोमापा 6:19

खेक्‍याई ॱहाघोयेगी नी़पा क्‍योवा झ्‍येरी, ङा खेक्‍याला मीछेगी ङीन्‍रेगी पे तो़न्‍दी ॱनाहीन। खेक्‍याई थेङमा च्‍यीक राङला ॱमेचाङा धाङ ॱयोल्‍ले माङदु-माङदु डोगीन ङेन्‍पागी ढेन्‍योक झ्‍यीयेला तेरकीन च्‍योक्‍रे, धा धान्‍दा राङला धाम्‍पाला ग्‍युरयेगी क्षीदु ढाङतेनगी ढेन्‍योक झ्‍यीयेला फी़।

रोमापा 8:19

घीझ्‍येरी ॱनाना को़पा घीरी को़न्‍क्षोकगी सेक्‍या ॱङो़न्‍येला, ॱमीच्‍यीकी रेवा क्षे झ्‍येरी घुक्‍ती धे हो़तालाक।

रोमापा 9:33

दी कोरला सुङरापला देरे ढीक हो़तालाक, “तो़दाङ, ङा सीयोनदु थोक्‍कीन धाङ गेरु च्‍युक्‍कीन, धोगोङ च्‍यीक श्‍याक्‍येहीन। हीना खोङला धेपा झ्‍यीगीन सुवाः ङोछाला ॱमीछी़गीलाक।”

१ कोरीन्‍थुपा 15:31

पी़नक्‍याओ, होरी चोवो मास्‍यीका येशुगी नाङ, ङा खेक्‍याई क्षीदु ङोम्‍सो झ्‍यीदीहो़क ॱनागीन लाब दे, ॱङोन्‍ने धेन्‍पा हीन्‍गीन च्‍योक्‍रे, श्‍याक्‍मो डाई ङा छीवे खाला ॱलेप्‍येगी ङेन्‍का हो़गीन देयाः धेन्‍पा लाक।

१ कोरीन्‍थुपा 6:20

घीझ्‍येरी ॱनाना खेक्‍याला रीङ तेरती ङ्यो़ जेपालाक। होझ्‍येरी खीकी ली़गी थोक्‍ने, को़न्‍क्षोकला कुरती झ्‍यी।

१ कोरीन्‍थुपा 7:34

धेनी खी़ सेम नी छोक ॱङीला घो़लालाक। ॱनामाला ॱमासोसा केमी याङना नाच्‍युङमा नी, ली़ धाङ सेम ॱङीगाराला घाङगी झ्‍येरी धाम्‍पा झ्‍युङये दुओ ॱनेरी, चोवोगी दो़नला दो़नाङ झ्‍यीदालाक। हीना ॱनामाला सोसा केमीगो राङगी ख्‍योवाला घाङगी झ्‍येरी, ङ्यामो घारु च्‍युक्‍ये दुओ ॱनेरी, जीक्‍तेनगी दो़नला दो़नाङ झ्‍यीदालाक।

२ कोरीन्‍थुपा 10:8

घीझ्‍येरी ॱनाना खेक्‍याला ॱनो़ क्‍याये मेन्‍दा, हीना खेक्‍याला यारके ताङयेला चोवोगी हेक्‍याला ॱनाङना आङजागोला, ङी ङोम्‍सो आरुङ माङा झ्‍येहो़ना, ङा देला ङोछाये मेन।

२ कोरीन्‍थुपा 3:12

हीकी रेवा देरे हो़गीन झ्‍येरी, हेक्‍या ॱमीच्‍यीकी ॱलोगोक क्षे झ्‍येरी ॱनीहो़क।

२ कोरीन्‍थुपा 4:10

धेनी येशुगी छेसोक हीकी ली़ला ॱङो़न्‍दास्‍योक ॱनेरी, हेक्‍या च्‍योई खोङबागी छीवागो हेरी ली़ला खेरती ग्‍युक्‍यीहो़क।

२ कोरीन्‍थुपा 5:15

धेनी खोङबा घीरीगी क्षीदु ढोङा जेपालाक। धा सो़न्‍पो ॱनेगीनक्‍या राङगी क्षीदु मेन्‍दा, खुङक्‍याई क्षीदु ढोङा जेगीन धाङ ॱलार सो़न्‍पो श्‍याङा जेगीन, खोङ मास्‍यीकागी क्षीदु सो़न्‍पो ॱनेघो़।

२ कोरीन्‍थुपा 7:14

धेनी खी़ दोङदु ङी खीकी कोरला ङोम्‍सो झ्‍येजागोला, ङा ङोजा घीया माझ्‍युजुङ। हीना हीकी खेक्‍याला स्‍येगीन घीरी धेन्‍पा हीन्‍गीन च्‍योक्‍रे, तीतोसगी दोङदु हीकी ङोम्‍सो झ्‍यीगीनगोवाः धेन्‍पा झ्‍युजुङ।

२ कोरीन्‍थुपा 7:4

खेक्‍याई खाला ङा ॱलोतेक्षे हो़क। धेनी खेक्‍याई क्षीदु, ङा ॱमीच्‍यीकी ङोम्‍सो झ्‍यीदीहो़क। ङा सेम्‍सोगी खाङहो़क। धेनी दुङा घीरीगी खोक्‍दुवाः ङा घाटो क्षे झ्‍यीदीहो़क।

फीलीप्‍पीपा 1:14

धेनी ङा चो़न्‍खाङदु छी़गीनगी झ्‍येरी, पी़न माङक्षे चोवोगी नाङ ॱलोतेक्षे धाङ मीजीया ताम्‍शाङ स्‍येयेला, ॱलोगोक क्षे झ्‍युदुक।

फीलीप्‍पीपा 2:17

हीना खेक्‍याई धेपागी क्षो़पा धाङ ॱङीङकुर डुप्‍येगी क्षीला, ङी ठाक नी सेरकेम च्‍योक्‍रे फी़ घोये हीन्‍ना, ङा ङ्यामो घी धेनी खेक्‍या घीरीमुला घाटो झ्‍यीयेहीन।

कोलोसेपा 1:24

धा ङी खेक्‍याई दो़नला ङ्याङगीन काङेला, ङा घाटो झ्‍यीदीहो़क। मास्‍यीकागी कुसोक हीन्‍गीन क्षो़छोकगी क्षीदु खोङगी दुक्‍ङेल ल्‍हाक्‍मा दे, ङी ली़ला जोक्‍वा झ्‍यीदाहीन।

१ थेसालोनीकेपा 5:23

धा श्‍यीदे को़न्‍क्षोकगीराङ खेक्‍या नाङ हो़गीन घीरी, धाम्‍पा जेदास्‍योक धेनी होरी चोवो येशु मास्‍यीका फेवी घाङला, खेक्‍याई सेम्‍ङी धाङ सेम धाङ ली़ घीरी क्‍यो़न मेगीन ॱरुङवास्‍योक।

१ पेटो 4:16

घीहीन्‍ना, खेक्‍या मास्‍यीकावा झ्‍युरी दुक्‍पु ङ्याङना, खो ङो ॱमाछास्‍योक हीना मास्‍यीकागी छेन देलाराङ, खी़ को़न्‍क्षोकला तो़पा ताङास्‍योक।

१ योहान्‍ना 2:28

धा चेवे टुवाक्‍याओ, मास्‍यीका ॱङो़न्‍ये धी़ला होराङ ॱलोगोक क्षे झ्‍युङये धाङ खोङ फेप्‍यी घाङला, खोङगी डुङदु होराङ ङोजा झ्‍यी मेघोयेगी क्षीदु, खोङगी नाङ ॱनेती धो़क।