फीलीप्‍पीपा 1:18 - ॱलोवा

¹⁸ धा घीहीन्‍ना, ढाङपो थोक्‍ने हीन्‍ना लाक याङना मेढाङा थोक्‍ने हीन्‍ना लाक, चोगो घीरीगी थोक्‍ने मास्‍यीकागी क्षो़ स्‍येदुक। होझ्‍येरी देलाराङ ङा ङ्यामो घी। धेनी ङा ङ्यामो घायेहीन,

फीलीप्‍पीपा 1:18 Cross References

मेथा 23:13

“खे शोक्‍पो क्षो़ठीमगी ॱलोपो़न धाङ फारुसीपाक्‍याला, दुक्‍ङेल क्षे हुङास्‍योक। घीझ्‍येरी ॱनाना खेक्‍या नाम्‍खे ग्‍यासीगी घोगो मीक्‍याई दोङला ग्‍याप्‍ती, खेराङक्‍या मीजुलालाक धेनी डोये दो़गीनक्‍याला काः लाक।

मारकु 12:40

खुङक्‍या युक्‍जामाक्‍याई खाङबा तोङबा तो़न्‍दी, मीला तो़न्‍येगी क्षीला ॱमीच्‍यीकी ॱमो़लाम रीङा ग्‍यावालाक। देरेक्‍याला ॱयोल्‍ले क्षे क्षेपा फोक्‍कीलाक।”

लुका 9:45

हीना दी दो़न्‍दाकगो खुङक्‍याई ॱहामाघोरपालाक। धेनी खुङक्‍याई ॱहामाघोरास्‍योक ॱनेरी, दे खुङक्‍याने सारी श्‍याक्‍पालाक। धेनी ङेनेक्‍या दी कोरला खोङबाला श्‍यी़येला जीक्‍पालाक।

लुका 9:50

हीना येशुगी खोला सुवालाक, “खोला ॱमाकाक। घीझ्‍येरी ॱनाना ख्‍यी़ ग्‍यापला मेगीनगो ख्‍यी़ क्षोकला हुङालाक।”

रोमापा 3:9

धा ॱहाना थामे दो़नगो घी ले? हे याहुदापाक्‍या मी श्‍येम्‍माक्‍याने ल्‍हाक शाङा हो़तालाक से? मेतालाक, फुक्‍की मेतालाक। घीझ्‍येरी ॱनाना याहुदापा धाङ याहुदापा मेन्‍गीन, मी घीरी धीक्‍पे वाङ होकदु हो़तालाक ॱनेरी, ङी तो़न्‍साहो़क।

रोमापा 6:15

धा ॱहाना घी? होराङ क्षो़ठीमगी वाङ होकदु मेन्‍दा हीना थुक्‍जेगी वाङ होकदु हो़क ॱनेरी, होराङ धीक्‍पा झ्‍यीगुलाक से? देरे फुक्‍की मालाक।

१ कोरीन्‍थुपा 10:19

धा ॱहाना ङी ॱनागीनगी दो़नगो, कुन्‍डाला पुपा क्षो़पा दे शामाने ल्‍हाक याङना कुन्‍डा खोराङ ॱङोन्‍ने लाक ॱनेरी, ॱनालाक से?

१ कोरीन्‍थुपा 14:15

धा ॱहाना ङा घी झ्‍यीये? ङा सेम्‍ङीगी थोक्‍ने, ॱमो़लाम श्‍युयेहीन धेनी रीक्‍पागीयाः ॱमो़लाम श्‍युयेहीन। धेनी ङा सेम्‍ङीगी थोक्‍ने तो़लु ताङयेहीन धेनी ङी रीक्‍पागीयाः तो़लु ताङयेहीन।

१ कोरीन्‍थुपा 15:11

होझ्‍येरी ङी हीन्‍ना याङना खुङक्‍याने हीन्‍ना, हेक्‍याई ताम्‍शाङ स्‍येवी धेनी खेक्‍याई धेपा झ्‍येवालाक।

फीलीप्‍पीपा 1:19

घीझ्‍येरी ॱनाना खेक्‍याई ॱमो़लाम धाङ येशु मास्‍यीकागी थुक्‍ङीगी रोक्‍रामने, ङाला घी झ्‍युङगीनगो ङी थारपागी क्षीदु झ्‍युङगीलाक ॱनेरी, ङाला स्‍येयेहो़क।