फीलीप्‍पीपा 1:17 - ॱलोवा

¹⁷ हीना ङाला चो़न्‍खाङदु दुक्‍पु ताङयेगी साम्‍लो तारी, ढेन्‍दुर झ्‍यीगीनक्‍याई सेम ढाङपोगी थोक्‍ने मेन्‍दा, राङगी दो़पा काङयेगी क्षीदु क्षो़ स्‍येदालाक।

फीलीप्‍पीपा 1:17 Cross References

लुका 21:14

होझ्‍येरी होदे घाङला, लेन घी तेरये ॱनेरी एन्‍दुरु दुङा मीझ्‍यीयेला, राङगी सेम डाढीक झ्‍यी।

जेपा 22:1

“पी़नक्‍या धाङ गेम्‍पाक्‍याओ, ङारी स्‍योकने ङी कोरला ॱनाघोगीन लाब खेराङक्‍या ङेन्‍रोनाङ।”

जेपा 26:1

होदे स्‍याम्‍ने आगारीपागी पाउलुला ॱनेवालाक, “धा ख्‍यो़ ख्‍यो़री क्षीला लाब तोङ।” धेनी पाउलु खोरी लाक्‍पा क्‍याङदी देरे झ्‍येरी ॱनेवालाक,

जेपा 26:24

दे लाबक्‍या घोरती फेस्‍तुगी फेरा ग्‍याप्‍ती ॱनेवालाक, “पाउलु, ख्‍यो़ ॱङ्योदुक! क्षो़ माङा ॱलाप्‍ती, ख्‍यो़ ॱङ्योम्‍बा झ्‍युदुक।”

रोमापा 2:8

हीना राङदो़ चागीन धाङ धेन्‍पाला ॱमीचीगीन धेनी ङेन्‍पाला घागीनक्‍याई, खाला खोङगी ठीम्‍चो़ थुक्‍ठो़गी गोने फोक्‍कीलाक।

फीलीप्‍पीपा 1:18

धा घीहीन्‍ना, ढाङपो थोक्‍ने हीन्‍ना लाक याङना मेढाङा थोक्‍ने हीन्‍ना लाक, चोगो घीरीगी थोक्‍ने मास्‍यीकागी क्षो़ स्‍येदुक। होझ्‍येरी देलाराङ ङा ङ्यामो घी। धेनी ङा ङ्यामो घायेहीन,

फीलीप्‍पीपा 1:7

खेक्‍या ङी सेम नाङदु झ्‍येरी खेक्‍या घीरीगी कोरला, देरे छोरनाङ केये दे ङी क्षीदु धेन्‍पा दुक। ङा चो़न्‍खाङदु हो़ती घाङला याङना ताम्‍शाङला ॱरुङक्‍योप धाङ धेन्‍पाङ झ्‍यीदी घाङला, खेक्‍या घीरी ङीमुला को़न्‍क्षोकगी थुक्‍जे थोप हो़तालाक।

फीलीप्‍पीपा 2:3

राङगी दो़पा काङयेगी ॱमीक्‍यु याङना ङोम्‍सेमगी थोक्‍ने, घीया माझ्‍यी हीना ॱङ्यामच्‍युङ झ्‍युरी च्‍यीकगी च्‍यीकला राङने क्षे ची।

१ तीमोथेउ 2:7

देगी क्षीलाराङ, ङा धेपा धाङ धेन्‍पाला याहुदापा मेन्‍गीन मीरीकक्‍याई ॱलो का थुप्‍कीन ॱलोपो़न, धेनी क्षो़ स्‍येगीन च्‍यीक धाङ कुछाप ॱनेरी को़वालाक। (ङा शोक ॱमेस्‍येदा, धेन्‍पाराङ ॱनाहीन।)

२ तीमोथेउ 2:9

ताम्‍शाङ दी दो़नला ङा मी नाक्‍चेन च्‍योक्‍रे, च्‍याक्‍डोकगी दाम्‍दी दुक्‍पु ङ्याङी हो़क। हीना को़न्‍क्षोकगी का मादाम हो़तालाक।

२ तीमोथेउ 4:16

ठीम्‍पो़नगी दोङदु ङा थेङ धाङपो ठीम श्‍यी़ घाङला, घीरीगी ङाला पारी, ङा स्‍योकला सुवा लाङगी मीदुक। दी लेनगो, खुङक्‍या खाला ॱमाफोक्‍वास्‍योक।