फीलीप्‍पीपा 1:16 - ॱलोवा

¹⁶ धेनी देक्‍याई झाम्‍पागी थोक्‍ने, क्षो़ स्‍येदालाक घीझ्‍येरी ॱनाना ङा ताम्‍शाङगी ॱरुङक्‍योप झ्‍यीयेगी क्षीला, दुरु हो़गीनगो खुङक्‍याई स्‍येलालाक।

फीलीप्‍पीपा 1:16 Cross References

१ कोरीन्‍थुपा 9:17

घीझ्‍येरी ॱनाना ङा ङारी थेदी ताम्‍शाङ स्‍येना, ङाला ज्‍यागा हो़क। हीना ङी ङारी थेदी मेन्‍नाः, ताम्‍शाङ स्‍येयेगी गेन दे ङाला चोवालाक।

२ कोरीन्‍थुपा 2:17

घीझ्‍येरी ॱनाना मी माङक्षे च्‍योक्‍रे, हेक्‍या को़न्‍क्षोकगी का राङला खेब्‍साङ हुङयेगी क्षीदु ॱमेस्‍येहो़क। हीना को़न्‍क्षोकगी ॱङाक जेजा मी ढाङपोक्‍या च्‍योक्‍रे, हेक्‍या को़न्‍क्षोकगी डुङदु मास्‍यीकागी नाङ ताम्‍शाङ स्‍येदाहीन।

फीलीप्‍पीपा 1:10

खेक्‍याई शाङा घी हीन्‍गीनगो, दाम थुक्‍वा धाङ मास्‍यीकागी ङीमा थुक्‍पे चाङमा धाङ क्‍यो़न मेगीन हुङवास्‍योक।

फीलीप्‍पीपा 1:12

पी़नक्‍याओ, ङाला घी झ्‍युझ्‍यागी़ ॱङोन्‍ने झ्‍यीना, ताम्‍शाङ फेयेला फेन थोक्‍पालाक, ॱनेरी खेक्‍याई स्‍येलाझ्‍यी ॱनेरी ङा दो़दीहो़क।

फीलीप्‍पीपा 1:5

घीझ्‍येरी ॱनाना मास्‍यीकागी कोरला ताम्‍शाङ दे, खेक्‍यागी गोमा घोरका ङीमाने, धान्‍दा थुक्‍पे दे स्‍येयेला खेक्‍या ङी रोवा झ्‍युहो़क।

फीलीप्‍पीपा 1:7

खेक्‍या ङी सेम नाङदु झ्‍येरी खेक्‍या घीरीगी कोरला, देरे छोरनाङ केये दे ङी क्षीदु धेन्‍पा दुक। ङा चो़न्‍खाङदु हो़ती घाङला याङना ताम्‍शाङला ॱरुङक्‍योप धाङ धेन्‍पाङ झ्‍यीदी घाङला, खेक्‍या घीरी ङीमुला को़न्‍क्षोकगी थुक्‍जे थोप हो़तालाक।

फीलीप्‍पीपा 2:22

हीना तीमोथेउ नी मी घारे च्‍यीक ले, ॱनेरी खेक्‍या स्‍येलालाक घीझ्‍येरी ॱनाना भीजा च्‍यीकगी राङगी आकीला श्‍याप्‍ची श्‍युगीन च्‍योक्‍रे, ताम्‍शाङगी लेगाला खी़ ङीमुला श्‍याप्‍ची श्‍यी़वालाक।

फीलीप्‍पीपा 4:15

धेनी खे फीलीप्‍पीपाक्‍याराङ स्‍येलालाक, ङा ताम्‍शाङ स्‍येयेगी गोमा ङीमाक्‍याला माकेडोनीयाने डोवाराङ, तेरये धाङ लेन्‍येगी लेगाला खेक्‍या माना, श्‍येम्‍मा क्षो़छोक सी़याः ङाला रोवा माझ्‍ये।

फीलीप्‍पीपा 4:3

धेनी ङी धेन्‍पे लेरोक, ख्‍यी़याः दे केमी ॱङीउला रोवा झ्‍यी ॱनेरी, ङा श्‍युवाहीन। घीझ्‍येरी ॱनाना खुङ ॱङीउगीयाः ताम्‍शाङगी लेगाला, ङीमुला कीलेमेस धाङ ङी लेरोक श्‍येम्‍माक्‍यामुला काल्‍ले ग्‍याप हो़तालाक। खुङ घीरीगी मीङ छेसोकगी धेप नाङला छी़ हो़तालाक।