फीलीप्‍पीपा 1:15 - ॱलोवा

¹⁵ मी रीङगा ठादोक धाङ ढेन्‍दुरगी झ्‍येरी, मास्‍यीकागी कोरला क्षो़ स्‍येदालाक हीना श्‍येम्‍माक्‍या सेम ढाङपोगी थोक्‍ने स्‍येदालाक।

फीलीप्‍पीपा 1:15 Cross References

मेथा 23:5

खुङक्‍या राङगी लेगा घीरी, मी श्‍येम्‍मागी थोङये क्षीला झ्‍यीदालाक। खुङक्‍या राङगी ॱरुङा श्‍याङ क्षे शो़ धेनी घो़गी थाजारक्‍या रीङा शोवालाक।

जेपा 10:36

येशु मास्‍यीकागी थोक्‍ने, को़न्‍क्षोकमुला श्‍यीदे हो़गीन ताम्‍शाङ दे, को़न्‍क्षोकगी ईस्‍राएल्‍पाक्‍याला ॱनाङना का दे, खेराङक्‍याला क्षा हो़तालाक। धेनी येशु मास्‍यीका घीरीगी चोवो लाक।

जेपा 11:20

घीहीन्‍ना साईपुरुस धाङ कुरेनेने आन्‍तीयोकदु ॱलेप्‍ला धेपा-झ्‍यीगीन रीङगाक्‍याई, चोवो येशु कोरला याहुदापा मेन्‍गीनक्‍याला का स्‍येपालाक।

जेपा 5:42

होदे स्‍याम्‍ने खुङक्‍या श्‍याक्‍मो डाङी, क्षो़खाङक्‍या धाङ नाङ-नाङला सोरी येशुराङ मास्‍यीका हीन ॱनागीन ताम्‍शाङगो, ॱलाप्‍ये धाङ स्‍येयेला नामा छाम माश्‍याक्‍पालाक।

जेपा 8:35

धेनी फीलीपगी होदे सुङरापगी छीक्‍छामने गो चुक्‍ती, खोला येशुगी कोरला ताम्‍शाङगो स्‍येपालाक।

जेपा 8:5

फीलीप सामारीयागी ग्‍याजारु सोरी, मास्‍यीकागी कोरला मीक्‍याला स्‍येपालाक।

जेपा 9:20

लाम्‍साङ साउल छोक्‍खाङक्‍याला सोरी, येशुराङ को़न्‍क्षोकगी से लाक ॱनेरी, मीक्‍याला स्‍येपालाक।

रोमापा 2:8

हीना राङदो़ चागीन धाङ धेन्‍पाला ॱमीचीगीन धेनी ङेन्‍पाला घागीनक्‍याई, खाला खोङगी ठीम्‍चो़ थुक्‍ठो़गी गोने फोक्‍कीलाक।

१ कोरीन्‍थुपा 1:23

हीना याहुदापाक्‍याई क्षीदु काक्‍दो धाङ याहुदापा मेन्‍गीनक्‍याई क्षीदु क्षोमेगीन लाब हीन्‍गीन, ग्‍याङस्‍यीङ खाला क्‍याङक्‍या मास्‍यीकाला, होराङ सेटाक झ्‍यीदालाक।

१ कोरीन्‍थुपा 13:3

धेनी ङाला हो़गीन घीरी झ्‍यीम्‍बा ताङना धेनी ङी ली़ राङ सो़न्‍पो ॱराक्‍येला तेरनाः, हीना ङी नाङ झाम्‍पा मेना ङाला फेन्‍थोक्‍ये घीया मेक।

२ कोरीन्‍थुपा 1:19

घीझ्‍येरी ॱनाना खेक्‍याई खोक्‍दु ङा, सीलवानु धाङ तीमोथेउगी ताम्‍शाङ स्‍येस्‍या, को़न्‍क्षोकगी से, येशु मास्‍यीका नी “लाक” धाङ “मालाक” ॱनेरी मालाक हीना खोङगी नाङ च्‍योई “लाक” च्‍यीगा हुङालाक।

२ कोरीन्‍थुपा 11:13

घीझ्‍येरी ॱनाना देरे मीक्‍या कुछाप शोक्‍पोक्‍या धाङ ॱली़टेगी लेगा झ्‍यीगीनक्‍या धाङ मास्‍यीकागी कुछाप हीन्‍दोक-दोक झ्‍यीगीनक्‍या लाक।

२ कोरीन्‍थुपा 12:20

घीझ्‍येरी ॱनाना ङा हुङाराङ ङी दो़गीन च्‍योक्‍रे, खेक्‍या मेगीन धाङ खीकी दो़गीन च्‍योक्‍रे ङा मेगीनगो थुक्‍टु ॱनेरी, ङा जीक्‍ई। च्‍यीक झ्‍यीना होदुरु धुगा धाङ ठादोक धाङ खोङडो धाङ राङदो़ धाङ ॱमेबेप धाङ ठामा धाङ ङागेल धाङ ॱङ्योक्‍टाक्‍या झ्‍युङहुङ।

२ कोरीन्‍थुपा 4:5

घीझ्‍येरी ॱनाना हेक्‍या राङगी कोरला मेन्‍दा, हीना हेक्‍या येशुगी क्षीदु खेक्‍याई श्‍याप्‍चीपा झ्‍युरी, येशु मास्‍यीकाराङ चोवो हीन ॱनेरी सेटाक झ्‍यीदाहीन।

गालातीयापा 2:4

घीझ्‍येरी ॱनाना हेक्‍याई खोकला मास्‍यीकावा शोक्‍पो रीङगा सारी जुरी, मास्‍यीकाने होराङला हो़गीन राङवाङगोला सोवा ग्‍याप्‍तु होरी, होराङला क्षो़ठीमगी वाङला स्‍योरतु च्‍युक्‍ये थापस्‍यी झ्‍यीदीक।

फीलीप्‍पीपा 2:3

राङगी दो़पा काङयेगी ॱमीक्‍यु याङना ङोम्‍सेमगी थोक्‍ने, घीया माझ्‍यी हीना ॱङ्यामच्‍युङ झ्‍युरी च्‍यीकगी च्‍यीकला राङने क्षे ची।

१ तीमोथेउ 3:16

क्षो़सेमगी साङवा ॱमीच्‍यीकी ॱहालेवा दुक ॱनेरी, हेक्‍या खे लेन्‍दाहीन। खोङबा नी ली़ला ॱङो़न, थुक्‍ङीगी ॱनामदाक्‍पा तो़न। नाम्‍खे भाङछेनक्‍याई खोङबाला ज्‍याल, मीरीक नाङला खोङ नी डाक, जीक्‍तेनदु खोङबाला धेपा झ्‍ये, शीजेगी थोक्‍ने नाम्‍खे श्‍यीङखामला फाक।