फीलीप्‍पीपा 1:14 - ॱलोवा

¹⁴ धेनी ङा चो़न्‍खाङदु छी़गीनगी झ्‍येरी, पी़न माङक्षे चोवोगी नाङ ॱलोतेक्षे धाङ मीजीया ताम्‍शाङ स्‍येयेला, ॱलोगोक क्षे झ्‍युदुक।

फीलीप्‍पीपा 1:14 Cross References

मारकु 3:3

येशुगी होदे लाक्‍पा काम्‍गा मीला “लारी दुरु स्‍योक।” ॱनेरी सुवालाक।

लुका 1:74

होदेगो होराङला, होरी डाक्‍याई लागाने क्‍योप्‍ये, धाङ होरी मीजी घाङजाङ, धाम्‍पा धाङ ढाङपो झ्‍युरी, खोङबागी कुम्‍दीनदु होराङ जीक्‍टा मीझ्‍यीदा, खोङबाला श्‍याप्‍ची श्‍युये लाक।”

२ कोरीन्‍थुपा 3:12

हीकी रेवा देरे हो़गीन झ्‍येरी, हेक्‍या ॱमीच्‍यीकी ॱलोगोक क्षे झ्‍येरी ॱनीहो़क।

२ कोरीन्‍थुपा 7:4

खेक्‍याई खाला ङा ॱलोतेक्षे हो़क। धेनी खेक्‍याई क्षीदु, ङा ॱमीच्‍यीकी ङोम्‍सो झ्‍यीदीहो़क। ङा सेम्‍सोगी खाङहो़क। धेनी दुङा घीरीगी खोक्‍दुवाः ङा घाटो क्षे झ्‍यीदीहो़क।

एफीसुपा 3:13

खीकी क्षीला ङी ङ्याङगीन दुक्‍पु दे, खेक्‍याला फेन्‍येला लाक। होझ्‍येरी खेक्‍या सेमस्‍युक ॱमाक्षाक ॱनेरी, ङा श्‍योवा पुलाहीन।

फीलीप्‍पीपा 1:20

ङी सेम नाङगी दो़पा धाङ रेवा नी, ङाला ङोजा पाप्‍कीन घाने मीझ्‍युङवा, हीना ॱङीङक्षे झ्‍युरी सो़न्‍पो याङना छीवा हो़ना, ङी ली़ नाङ च्‍योक्‍ई च्‍योक्‍रे, धान्‍दा मास्‍यीकागी घुस्‍याप झ्‍युङये लाक।

फीलीप्‍पीपा 1:7

खेक्‍या ङी सेम नाङदु झ्‍येरी खेक्‍या घीरीगी कोरला, देरे छोरनाङ केये दे ङी क्षीदु धेन्‍पा दुक। ङा चो़न्‍खाङदु हो़ती घाङला याङना ताम्‍शाङला ॱरुङक्‍योप धाङ धेन्‍पाङ झ्‍यीदी घाङला, खेक्‍या घीरी ङीमुला को़न्‍क्षोकगी थुक्‍जे थोप हो़तालाक।

फीलीप्‍पीपा 4:1

होझ्‍येरी ङी पी़नक्‍याओ, ङा खेक्‍याला चीदुङ झ्‍यीदीहो़क धेनी खेक्‍याला ढेन्‍दी हो़क। खेक्‍या ङी घाटो धाङ चो़पेन च्‍योक्‍रे हीन। धेनी चेवे रोवाक्‍याओ, देरेराङ झ्‍येरी चोवोगी नाङ तेन्‍पो ॱनेती धो़क।

कोलोसेपा 4:4

ङी स्‍येघोगीन साङवागो सावो झ्‍येरी, सेटाक झ्‍यी थुप्‍येला ॱमो़लाम ग्‍योप।

कोलोसेपा 4:7

ङी ॱनेछु घीरी, खेक्‍याला तुखीकोसगी स्‍येगीलाक। खो नी, चेवे पी़न धाङ ॱलो का थुप्‍कीन श्‍याप्‍तोक्‍पा धाङ चोवोगी नाङ लेरोक च्‍यीक्‍पा लाक।

१ थेसालोनीकेपा 2:2

हेक्‍याई फीलीप्‍पीरु दुक्‍पु धाङ ॱमेटा ङ्याङगीनगो, खेक्‍याला स्‍येये हो़तालाक हीना ङोलोक स्‍युक्‍क्षेगी खोक्‍ने, को़न्‍क्षोकगी ताम्‍शाङ खेक्‍याला ख्‍याप्‍टाक झ्‍यीयेला, को़न्‍क्षोकने हेक्‍याला ॱङीङतोप जोरजुङ।

२ तीमोथेउ 2:9

ताम्‍शाङ दी दो़नला ङा मी नाक्‍चेन च्‍योक्‍रे, च्‍याक्‍डोकगी दाम्‍दी दुक्‍पु ङ्याङी हो़क। हीना को़न्‍क्षोकगी का मादाम हो़तालाक।