फीलीप्‍पीपा 1:11 - ॱलोवा

¹¹ धेनी को़न्‍क्षोकगी शीजे धाङ तो़पागी क्षीदु, येशु मास्‍यीकागी थोक्‍ने थोप्‍कीन ढाङतेनगी ढेबुगी, खेक्‍या खाङास्‍योक।

फीलीप्‍पीपा 1:11 Cross References

मेथा 5:16

देरे झ्‍येरीराङ खेक्‍याई ले शाङागो मीक्‍याई थोरी, नाम्‍खे श्‍यीङखामदु श्‍युक्‍कीन खीकी यापला तो़पा पुयेला, खेक्‍याई हो़ मीक्‍याई दोङदु स्‍यारतु च्‍युक।

योहान्‍ना 15:16

खेक्‍याई ङाला दाम्‍बामेन हीना ङी खेक्‍याला दाम्‍बाहीन। धेनी खेक्‍या सोरी ढेबु क्षाक्‍ये धाङ ढेबु दे ताक्‍दु ॱनेयेला, ङी खेक्‍याला को़वाहीन। होझ्‍येरी खेक्‍याई ङी मीङगी थोक्‍ने यापला घी श्‍यी़ना, खोङबागी खेक्‍याला ॱनाङगीलाक।

योहान्‍ना 15:2

ङी नाङ हो़गीन याक्‍का घीरीने ढेबु ॱमेक्षाक्‍कीन याक्‍काक्‍या, खोङबागी च्‍ये जेदालाक धेनी ढेबु क्षाक्‍कीन याक्‍का घीरी देले ल्‍हाक ढेबु क्षाक्‍येला, खोङबागी होदे घीरी ढेक्‍चो़ जेदालाक।

योहान्‍ना 15:8

खेक्‍याला ढेबु माङा क्षाक्‍ती, ङी ङेने हीन्‍गीनगो पाङपो झ्‍यीना, दी गोनेराङ ङी यापगी शीजे झ्‍युङगीलाक।

रोमापा 15:28

होझ्‍येरी दे लेगा दे शीम्‍दी, खुङक्‍याई क्षीदु धी़दा श्‍यान्‍देप दे लाक्‍पाला ची ग्‍याप सारती, ङा खेक्‍याचारु थुक्‍ती स्‍पेनला डोयेहीन।

रोमापा 6:22

हीना धान्‍दा खेक्‍या धीक्‍पागी वाङने थारपा थोप्‍ती, को़न्‍क्षोकगी ढेन्‍योक झ्‍युङ हो़तालाक। होझ्‍येरी दी फेन्‍थोक नी, खेक्‍या धाम्‍पाला ग्‍युरी हो़तालाक धेनी ढेबुगो थामेपे छेसोक लाक।

१ कोरीन्‍थुपा 10:31

होझ्‍येरी खेक्‍या शाना याङना थुङना याङना घी झ्‍यीना घीरी को़न्‍क्षोकगी शीजेगी क्षीदु झ्‍यी।

२ कोरीन्‍थुपा 9:10

साङा ताप्‍कीनला साङा धाङ शायेला शामा ॱनाङा जेगीन, खोङगी खेक्‍याला ताप्‍येला साङा ॱनाङा जेदी, होदेला फेरु च्‍युक्‍वा जेगीलाक धेनी खीकी ढाङतेनगी लोदोकगो माङा जेगीलाक।

एफीसुपा 1:12

दे नी मास्‍यीकाला रेवा झ्‍यीगीन हे धाङस्‍योकक्‍याई को़न्‍क्षोकगी शीजेला, तो़पा हुङयेगी क्षीला लाक।

एफीसुपा 1:14

धेनी को़न्‍क्षोकगी राङगी मीक्‍याला थारपा ॱमानाङगीन थुक्‍पे, धाम्‍पे थुक्‍ङी नी होराङला थोप घोये हीन्‍गीन ग्‍युज्‍यीनगी गेलेनगो लाक। दे नी, को़न्‍क्षोकगी शीजेगी तो़पा हुङयेगी क्षीदु लाक।

एफीसुपा 2:10

घीझ्‍येरी ॱनाना होराङ ले शाङाक्‍याई क्षीला, मास्‍यीका येशु नाङ को़का को़न्‍क्षोकगी क्षाक्‍शो़ लाक। धेनी देरे झ्‍यीयेला खोङबागी होराङला एम्‍मानेराङ डाढीक जेपालाक।

एफीसुपा 5:9

(घीझ्‍येरी ॱनाना हो़गी ढेबुक्‍या नी, शाङा धाङ ढाङा धाङ धेन्‍पा हीन्‍गीन घीरी नाङ थोवालाक।)

फीलीप्‍पीपा 4:17

ङा खीकी ॱङेन्‍बागी रेवा झ्‍यीदामेन हीना खीकी तेरकीनगोला, झ्‍यीलाप माङा रास्‍योक ॱनेरी, ङा दो़दीहो़क।

कोलोसेपा 1:10

धेनी चोवोला कुरती हुङगीन मीछे पी़ये धाङ खोङबाला घीरीने थुक घेरु च्‍युक्‍ये धेनी ले शाङा घीरीला, ढेबु केये धाङ को़न्‍क्षोकगी स्‍येयो़नला, खेक्‍या छारती डोयेगी क्षीला, हेक्‍या ॱमो़लाम ग्‍यावीहो़क।

कोलोसेपा 1:6

ताम्‍शाङ दे खीकी घुङदु ॱलेप्‍सालाक धेनी जीक्‍तेन घीरीदु ढेबु केरी फेली। होझ्‍येरीराङ खीकी घुङदुवाः खेक्‍याई ताम्‍शाङ घोरकीन धाङ को़न्‍क्षोकगी थुक्‍जेगी कोरला ॱङोन्‍ने ॱहाघोरकीन, ङीमानेराङ दे फेरी डी़।

२ थेसालोनीकेपा 1:12

देरे झ्‍येरी होरी को़न्‍क्षोक धाङ चोवो येशु मास्‍यीकागी थुक्‍जेगी थोक्‍ने, होरी चोवो येशुगी छेन खेक्‍याई नाङ धेनी खेक्‍या खोङबागी नाङ तो़पार हुङास्‍योक।

तीतोस 3:14

ॱहाताक्‍पाला घो़गीनक्‍याला रोवा झ्‍यी थुक्‍येला, होरी मीक्‍या ले शाङा झ्‍यीयेला राङ-राङगी धी़चो़गो लाक्‍लेन झ्‍यी घो़गीलाक। धेनी खुङक्‍या फेन ॱमेथोक्‍कीन झ्‍युङगीमालाक।

ईब्‍रीपा 12:11

ॱलापच्‍या घीरी गोमागोला कीदाने दुक्‍पु माङा हुङालाक हीना स्‍याम्‍ला होदे ङ्याङ ङ्युङगीनक्‍याला, ढाङतेन धाङ श्‍यीदेगी ढेबु थोवालाक।

१ पेटो 2:12

धेनी धेपा मीझ्‍यीगीनक्‍याई खोक्‍दु चो़पा शाङपो झ्‍यी। घीझ्‍येरी ॱनाना खुङक्‍याई खेक्‍याला ङेन्‍पा झ्‍यीगीन ॱनेरी क्‍यो़न च्‍युई घाङला, खुङक्‍याई खीकी ले शाङाक्‍या थोङास्‍योक धेनी को़न्‍क्षोक फेप्‍ये ङीमाला, खुङक्‍याई खोङबाला तो़पा पुलास्‍योक।

१ पेटो 2:5

को़न्‍क्षोकगी खेक्‍यालाः धो सो़न्‍पोक्‍या च्‍योक्‍रे, थुक्‍ङीगी फोडाङ चीक्‍येला भेचो़ जेदु च्‍युक। धेनी खेक्‍या धाम्‍पे क्षो़पो़न झ्‍युरी, मास्‍यीका येशुगी थोक्‍ने को़न्‍क्षोकला थुक्‍ङेउ झ्‍युङगीन सेम्‍ङीगी क्षो़पा खेक्‍याई पु।

१ पेटो 2:9

हीना खेक्‍या नी दाम्‍दा ग्‍युपा धाङ ग्‍यावु रीकगी क्षो़पो़न धाङ मीरीक धाम्‍पा धाङ को़न्‍क्षोकगी राङगी मीक्‍या लाक। धेनी खोङबागी ॱहाङसागीनगी क्षाक्‍लेक्‍या सेटाक झ्‍यीयेला, मी़नाकने खोङगी ॱहाङसागीनगी हो़क नाङला खेक्‍या भो़वालाक।

१ पेटो 4:14

धेनी मास्‍यीकागी छेनगी झ्‍येरी खेक्‍याला ॱमेटा फोक्‍ना, खेक्‍या झ्‍यीलाप क्षे लाक घीझ्‍येरी ॱनाना शीजे धाङ को़न्‍क्षोकगी थुक्‍ङी खेक्‍या नाङ ॱने हो़तालाक।