२ तीमोथेउ 2:3 - ॱलोवा

³ मास्‍यीका येशुगी ॱमाक्‍मी ढाङपो च्‍यीक च्‍योक्‍रे, ङीमुला दुक्‍ङेलगी गेन खुर।

२ तीमोथेउ 2:3 Cross References

जेपा 23:31

धेनी ॱमाक्‍पो़नगी का ॱनाङगीन च्‍योक्‍रे ॱमाक्‍मीक्‍याई पाउलुला, होदे घोमुराङ ठीक्‍ती आन्‍तीपातीरीस ग्‍याजारु ॱलेप्‍पालाक।

१ कोरीन्‍थुपा 13:7

धेनी झाम्‍पागी घीरी शो़पा झ्‍यीदालाक धेनी दो़न घीरीला यीच्‍चे झ्‍यीदालाक धेनी दो़न घीरीला रेवा झ्‍यीये धाङ दो़न घीरीला दुक्‍री़ झ्‍यीदालाक।

१ कोरीन्‍थुपा 9:7

राङगी डोसोङ तारी, ॱमाक्‍मी लेगा सी़ झ्‍यीगीलाक से? घुन्‍डुमगी दुम्‍रा ताप्‍ती होदेगी ढेबुगो सी़ मेशागीलाक से? रा-लुक ख्‍यु चारी, सी़ होदेगी होमा ॱमीथुङगीलाक से?

२ कोरीन्‍थुपा 1:6

हेक्‍याला दुक्‍पु झ्‍युङना, होदेगो खेक्‍याला सेम्‍सो धाङ थारपा थोप्‍येगी क्षीदु लाक। धेनी हेक्‍याला सेम्‍सो थोप्‍हो़ना, खेक्‍याला सेम्‍सो थोप्‍कीलाक। धेनी हीकी ङ्याङङ्या दुक्‍पु च्‍योक्‍रे, खेक्‍याई होदे दुक्‍पुगो शो़पा झ्‍येरी घोमाराङ, खेक्‍यागीयाः होदेराङ सेम्‍सो ङ्यामङ्युङ झ्‍यीगीलाक।

१ तीमोथेउ 1:18

ङी भीजा तीमोथेउ, ख्‍यी़ कोरला एम्‍मा ॱङो़न स्‍येगीन छीकक्‍याला तेरी, ङा ख्‍यो़ला का दे ॱलोकारी कुलाहीन। होदे छीकक्‍याला खाला ङेन्‍दी धाङ राङगी धेपा धाङ स्‍येराप शाङपोला तेन्‍दी, ॱमाक शाङपो टोप।

२ तीमोथेउ 1:1

मास्‍यीका येशुगी नाङ हो़गीन छेगी धाम्‍चा च्‍योक्‍रे, को़न्‍क्षोकगी थुकोङ थोक्‍ने, मास्‍यीका येशुगी कुछाप ङा पाउलुने,

२ तीमोथेउ 1:8

होझ्‍येरी होरी चोवोगी पाङपो तेरये धाङ खोङबागी चो़न्‍पा, ङी क्षीला ङोजा माझ्‍यी। हीना को़न्‍क्षोकगी नी़थुगी थोक्‍ने, ताम्‍शाङगी क्षीला ङीमुला दुक्‍ङेलगी गेनगो खुर।

२ तीमोथेउ 2:10

होझ्‍येरी धाम्‍दा मीक्‍यागी दो़नला ङा घीरी शो़पा घोमीहो़क। देरे झ्‍येरी खुङक्‍याला थामेपे शीजेमुला, मास्‍यीका येशुने थारपा थोप्‍कीलाक।

२ तीमोथेउ 2:9

ताम्‍शाङ दी दो़नला ङा मी नाक्‍चेन च्‍योक्‍रे, च्‍याक्‍डोकगी दाम्‍दी दुक्‍पु ङ्याङी हो़क। हीना को़न्‍क्षोकगी का मादाम हो़तालाक।

२ तीमोथेउ 3:11

धेनी ङी दुक्‍जोङक्‍या धाङ दुक्‍पुक्‍या धेनी आन्‍तीयोक यु धाङ ईकोनीयोन यु धाङ लुस्‍टा ग्‍याजारु, ङाला घी झ्‍युङगीन धाङ ङी दुक्‍पु घी ङ्याङगीनगो ॱङो़न्‍सुमदु थो हो़तालाक हीना चोवोगी ङाला दे घीरीने थारपा जेपालाक।

२ तीमोथेउ 4:5

ख्‍यो़राङ च्‍योई तेन्‍पो धो़क, दुक्‍पुक्‍या शो़पा झ्‍यी धेनी ताम्‍शाङ स्‍यो़क धेनी ख्‍यो़री श्‍याप्‍तोक डुप्‍तु च्‍युक।

फीलेमोन 1:2

धाङ हीकी नुमो आफीया धाङ होरी ॱमाक्‍ढोक आरकीप्‍पो धाङ ख्‍यी़ नाङदु छोक्‍कीन क्षो़छोकला,

ईब्‍रीपा 10:32

एम्‍मागी ङीमाक्‍याला खेक्‍या ढेन्‍सो़ झ्‍यी। को़न्‍क्षोकगी हो़ थोप्‍सारती स्‍याम्‍ने, खेक्‍याई दुक्‍पु माङा ङ्यावालाक हीना खेक्‍याई शो़पा झ्‍येवालाक।

ईब्‍रीपा 11:27

धेपागी गोने खी़ ग्‍यावुगी थुक्‍ठो़ला माजीक्‍वा, एजेप युने थो़न्‍दी सोवालाक। घीझ्‍येरी ॱनाना ॱमीकगी थोङ ॱमीथुक्‍कीन को़न्‍क्षोकला थोथा च्‍योक्‍रे, खो तेन्‍पो झ्‍येरी धेपालाक।

ईब्‍रीपा 6:15

धेनी आब्‍राहामगी शो़पा झ्‍येरी घुक्‍ती, होदे धाम्‍चागो थोप्‍पालाक।

याकोब 1:12

दुक्‍पो ङ्याई घाङला शो़पा झ्‍यीगीन, मी झ्‍यीलाप क्षे लाक घीझ्‍येरी ॱनाना छो़ताने खो थारसारती, को़न्‍क्षोकगी राङला चेवा झ्‍यीगीनक्‍याला धाम्‍चा जेजा मीछेगी चो़पो़नगो, खोला थोप्‍कीलाक।