Nehemia 4:7 - KITABU KITAKATIFU

⁷ Sanibalati, Tobia, kandi avandu va Arebia, Amoni, na Ashidodi vahulira ndi kwaali nikuzizagilira vulahi niliumbaka vuhia lidigi lia Jerusalemi, ma kandi mwi lidigi liasasuguka kandi vaali nu vutima vonene ligali.

Nehemia 4:7 Cross References

Litanga 3:15

Ndaviika uvusigu hagati hoho nu mukali, kandi ndaleta uvusigu hagati hi visukululwi vienyu, visukululwi viu mukali vilasionolanyia mutwi gugwo, na ivi ulaluma visukululwi viu mukali lichi.”

2 Avami 24:2

Yahova yatuma miganda ji liihi lia vandu va Babiloni, Vasiria, Vamoabu, Vamoni kuzia kulwaana Jehoyakimu nu kudiviza kivala chi Ivuyuda, kuli Yahova yaali navooye kuvitira mu vatumikiri veve avaporofeti, gayenyaa kokora.

2 Kyetsinyinga 20:1

Ing'inga yaduuka lwa mahi ga Moabu na valina va Amoni, harara na vandu va Ameuni vingilira Mwami Jehoshafati wi kivala chi Ivuyuda.

Ezara 5:8

“Ivi mwami wuluyali, kwakayaanzi kukumanyia ndi, kwazia kuduuka mu kivala chi Ivuyuda. Kwanyoora ndi Litembeli lia Nyasaye munene liumbakwa uvuhia na magina manene ligali, kandi zimbaho ziavikwa mu madigi galio. Miyinzi jikolekaa nilimanyiriza kandi jizizagilira vulahi ligali.

Nehemia 2:10

Navuzwa Sanibalati, kutura mu lidaala lia Bezi-horoni, na Tobia, munene mu kivala cha Amoni, vahulira ndi mundu umali kuuza kuyinzilira avandu va Isiraeli vaduuki kugasizwa, vavihilirwa ligali kuvita kegero.

Nehemia 2:19

Lwa Sanibalati, Tobia nu Muarabu walangwa Geshemu, vahulira aga kwaali nikolohizaa kokora, vakosekeliza kandi vakolegeliza nivavoora, “Munyi muganaganaa mukolaaki? Munyi muzizaa kwibaala ku Mwami?”

Nehemia 4:1

Lwa Sanibalati yahulira ndi kunyi Avayuda kumali kutanga uvwumbaki vwi lidigi, yaali nu vutima vonene ligali, kandi natanga kukokolera kehenyahenye.

Nehemia 4:6

Kunangwa kwazizagilira kwumbaka lidigi, na nonoho, lidigi zana liali inusu yuvutambi vwalio vwosi kigira avandu vaali nuvuha ukwumbaka.

Nehemia 4:8

Kunangwa vosi valohiza makiriri ukuuza kwingilira Jerusalemi kandi valeta iligoyana mu lidaala.

Nehemia 6:16

Lwa avasigu viitu vi zihiiri ziakukumbiriza vahulira makuva yaga, vaali nuvuti vonene ligali kandi liegingira liavo liagehizwa, ligali kigira vamanyiriza ndi miyinzi yiji jikoleywi novokonyi kutura ku Nyasaye wiitu.

Jeremia 25:20

kandi na avageni vosi avaari mukivala cha Egebeti; Avami vosi vi kivala cha Uzi kandi na avami vosi vi kivala cha Filisitia mu madaala manene ga Ashikeloni, Gaza, Ekironi kandi na avandu vaatigara Ashidodi,

Jeremia 41:10

Maku Ishimaeli yamanya nagumira avakaana vu mwami harara na avandu vandi vosi mu Mizipa, ava Nebuzaradani munene wi liihi yaali naviiki mu vulindi vwa Gedalia. Ishimaeli yavavugula naavakola kuva avahambe, kandi yatura nazia mu kivala cha Amoni.

Amosi 1:13

Yahova avoora, “Avandu va Amoni vamali kokora uvwoni haali kanyingi, na kigira yaga ndavaha amageri ligali. Vatanyia zinda avakali vaali ni vavereka mu Gileadi muvulwani nivenya okomeeda zinzako ziekivala chavo.

Amosi 1:8

Ndatuliza ho avamihi va amadara manene ga Ashidodi na Ashikeloni. Ndahaana amageri ku lidaala linene lia Ekironi, na Avafilisitia vosi avatigara valakuza.”

Amosi 3:9

Mwilwaze ku zimbinga zio vwami mu kivala cha vandu va Siria, na ku zimbinga zio vwami mu kivala cha Egebeti, na muvoore: “Muvugane harara ku vigulu via Samaria na mulole ligoyana linene ni lidambizwa liayavo avaaveeye hagati havio.”

Vikolwa 5:33

Lwa avandu vosi avaari mu kiyaalo vahulira yaga, vavihilirwa ligali kali nivenya viiti vatumwa.

Likunula 12:17

Ogoyoka gonene yigwo gwavihilirwa mukali uyu ligali niguzia kulwaana ni ivisukulurwi viu mukali viatigala, yavo avagumira amalago ga Nyasaye, kandi vaveeye avasuuvirifu ku lilolekiza lia agiligali agavuulwa na Yeso. Ogoyoka yigwo gwasingira ku lujinga lwi inyanza.

1 Samweli 11:2

Navuzwa Nahashi yativura, “Ndalomba lilagana ni munyi niiva muvugiliraa mbuduli emoni yu mundu woosi yu mukono mulungi nandio ndaleta zisoni ku vandu va Isiraeli vosi.”