Nehemia 2:1 - KITABU KITAKATIFU

¹ Mu mweli gwa Nisani, mu muhiga gwa sirini gwi liamiiha liu mwami Aritasakises, lwa yaali nalizaa, ndamuhilira iwaini. Ndali ningikiri kuva ku novovereri imbiri weve maziambiri mba.

Nehemia 2:1 Cross References

Litanga 40:11

Ndaali ningumiyi kekombe chu mwami mu makono gange. Maku ndaavugura makuyu gu muzabibu ningamulira mu kekombe ma nimbana ku mwami.”

Litanga 40:21

Yiranyia mulindi wi iwaini muvutumiki vwivwe, ma yavugula iwaini nahaana ku mwami.

Ezara 4:7

Mu liamiiha liu mwami Aritasakises wa Pasia, Bishilamu, Miziredazi, Tabeeli, kandi navache vaavo vang'odera mwami ibarwa. Ibarwa yiyi yang'odwa mu lulimi lwa Vaharabu ma nigirung'anywa lwa yasomwa.

Ezara 7:1

Inyima wi mihiga minyingi, lwa Aritasakises yaali mwami wa Pasia, yaali ho umundu uwalangwa Ezara. Yenyeleriza avaguuga veve kuduuka inyima ku Haruni musaalisi munene kuli ndi: Ezara yaali muyaayi wa Seraya, na Seraya yaali muyaayi wa Hilikia,

Ezara 7:7

Mu muhiga gokolaa saba gwi liamiiha liu mwami Aritasakises, Ezara yazia kutura Babiloni kuduuka Jerusalemi harara numuganda gwa vandu va Isiraeli harara na avasaalisi, vandu va Levi, aviimbi vi zinyimbu mu Litembeli, avalindi vikirivwa, kandi avatumikiri vi Litembeli.

Nehemia 1:1

Yili ni livaala lie vikolwa vilahi via Nehemia muyaayi wa Hakalia yatwekiza: Mu mweli gwa Kisilevu mu muhiga gwa sirini gwa Aritasakises yaali mwami wa Pasia, Inzi, Nehemia ndaali mu Susa, lidaala linene.

Nehemia 1:11

O, Yahova, hulira lisaala liange kandi lisaala lia vatumikiri vovo vosi avenyaa kuhaana luyali ku ivi. Yaanza ungasize kalunu, inzi mutumikiri woovo, okole mwami ambeere zimbavasi.” Mu madiku yago ndaali musingiliri wi iwaini yu mwami.

Esther 3:7

Mu muhiga gwa komi na mbiri gwi liamiiha liu Mwami Ahasuero, mu mweli gwa Nisani, gwukutanga mu muhiga mutakatifu, Hamani yalaga ikura ikubwi iyalangwa Purimu ku vanyoore ing'inga indahi yu kudiviza Avayuda. Kunangwa lidiku lia komi na tatu liu mweli gwa komi na mbiri, mweli gwa Adari, liatovolwa.

Danyeli 9:25

Uhuliri kandi umanye yaga, kutura ing'inga yi lilago liahaanwa liu kwumbaka vuhia lidaala lia Jerusalemi, kuduuka liza liu mwimiliri wa Nyasaye amali kotovola, mihiga 7 haali 7 jilakaviti. Jerusalemi ilakumbakwe uvuhia ni zinzira kandi lugaga lwi zinguru, kandi lilakasingili kumihiga 7 haali 62, navuzwa yiyi ilakave ing'inga yi kivi.