Joshua 4:13 - KITABU KITAKATIFU

¹³ Imbiri wa Yahova ahimbi vasaza zielefu arubaini avaari nivetegeki ku vulwani, vaambuka ni vazia kuduuka mu kereremo cha Jeriko.

Joshua 4:13 Cross References

2 Avami 25:5

Navuzwa iliihe lia vandu va Babiloni lialonda mwami Zedekia, ni limugumilira mu kereremo ahimbi na Jeriko, na vasikari veve vosi viruka ni vamuleka.

Kutwula 13:18

Mu vogono yivwo, yaavahilira munzira evodong'ana kuvitira mwigendanyama nivahenzi munzira izizaa kunyanza Inzakanyu. Avandu va Isiraeli vaali ni vetegeki ku liihi.

Jeremia 39:5

Navuzwa Liihi lia Babiloni liavalondelera ma nivagumira Zedekia mu vireremo via Jeriko. Maku vaamuvugura nivamuhila ku mwami Nebukadineza, uwaali mu lidaala linene lia Ribula mu kivala cha Hamazi. Mwami Nebukadineza yaamukalagira.

Jeremia 52:8

Navuzwa iliihi lia avandu va Babiloni valonda mwami Zedekia, nivamugumilira mu kereremo ahimbi na Jeriko, na avasikari veve vosi viiruka nivamuleka.

Livalidza 32:17

Maku kunyi kulava vetegeke na vache viitu, avandu va Isiraeli kuzia navo muvulwani ni kwimilira vulwani kuduuka lwakuvidikiliza mu kivala kiliva chavo. Mu ing'inga yiyi, vandu vi zinyumba zietu vilatanga komenya hano mu madaala gaveeye nimbinga, yu kwikinga kutura ku vandu vi kivala yiki.

Vafeso 6:11

Mwiviki viuma viosi via Nyasaye amuhezaa, kunangwa muduuki kuhingira ku vudamanu vwa Setani.

Kwidzulitsa 3:18

“Ku ing'inga ndala nzere yeyo, ndaavaha amalago yaga; ‘Yahova Nyasaye wiitu umali kumuha kivala keveeye ivugwi wu mugera gwa Jorodani, mukivuguli. Kalunu, avasaza vinyu vizingulu kandi vi liihi vatumi vaambuki mugera gwa Jorodani imbiri wa wi zihiiri zindi zia Isiraeli, kunangwa vavakonye kuvugura kivala chavo.

Joshua 4:12

Avasaza vihiiri ya Rubeni na Gadi kandi inusu yi ihiiri ya Manase, nivetegeki kulwaani, vimila kwambuka imbiri wa vandu va Isiraeli, kuli Musa yaali niyavavoolera vakole.

Joshua 4:14

Ku lidiku yilio Yahova yanenehiza Joshua imbiri wi zimoni zia vandu va Isiraeli. Vamuha uluyali madiku gi livamwoyo lilie liosi, kuli yahaana ku Musa uluyali.

Joshua 5:10

Lwa avandu va Isiraeli vaali nivakemenyi mu hokososa ha Giligali, mu kereremo ahimbi Jeriko, vaali ni lilia lie Lipasaka hamugorova gwi lidiku lia komi na ine liu mweli.

Vakalagi 20:1

Avandu vosi va Isiraeli kutura Dani kolovega lwi ivaale kuduuka Beerisheba kolovega lwi savaalu, kandi kutura mu kivala cha Gileadi kolovega lwi vugwi vahulira umulango. Viivungikizana harara ha Mizipa.