Joshua 3:7 - KITABU KITAKATIFU

⁷ Yahova yavolera Joshua, “Aga ngola kalunu galakola avandu vosi va Isiraeli vatange kuhaana luyali ku ivi kuli musaza munene, kandi valamanya ndi Inzi mbeeye harara niivi kuli ndaali harara na Musa.

Joshua 3:7 Cross References

1 Kyetsinyinga 29:25

Yahova yanenehiza Solomoni ligali imbiri wi ihiiri yoosi ya Isiraeli, nu kumuha uvukumi vwu vwami, uvwavula kuva ho ku mwami wundi woosi mu Isiraeli.

2 Kyetsinyinga 1:1

Mwami Solomoni, muyaayi wa Daudi yavugula uvwamihi vwu vwami vwa Isiraeli ni zinguru, na Yahova Nyasaye weve yamugasiza kandi naamukora kuva mwami wi zinguru ligali.

Ayubu 7:17

Kigira ki mundu siaveeye kindu ku ivi? Kigira ki uhulirizi ku agakolaa?

Zaburi 18:35

Ivi ombeeye inguva yo vohonyi vuvwo, kandi zinguru zizio ziniindi.

Yohana 17:1

Lwa Yeso yaali ni yakamala kovora yaga, yahenza mwigulu navoora, “Baba, ing'inga iduuki! Ukuminyi Mwana woovo kunangwa Mwana aduuki kukukuminya ivi.

Vafilipi 1:20

Ilikayirwa ni lisuuvirizwa liange linene liveeye ndi, inzi mburi kwononya miyinzi jange, navuzwa vuli kazozo mbitilira kalunu ndakave nu vuluviliri ligali, kunangwa mu liiva liange liosi ndakaleete uvukumi ku Kristo, kali niiva ndava mwoyo anoho nguzi.

Joshua 1:17

Kulahulira ivi, kuli vuzwa kwahulira Musa kazozo, kandi Yahova Nyasaye woovo ave harara nivi kuli yaali na Musa!

Joshua 1:5

Joshua, mundu kali mulala sialakakuguuti mu livamwoyo liilio liosi mba. Ndava harara niivi kuli ndaali na Musa. Ndava niivi kazozo; sindakoleka kali hakuzu mba.

Joshua 1:9

Wizulizi ndi inzi mali kukulaga ove mugulu kandi muluviliri! Utatia kandi utakuza mwoyo mba, kigira Inzi, Yahova Nyasaye woovo, mbeeye harara nivi hoosi aha uzia.”

Joshua 3:6

Maku yavolera avasaalisi, “Mugiingi lisandugu lia malago mutange kwambuka imbiri wa vandu.” Vaavugura Lisandugu lia malago ni vakora ndio.

Joshua 3:8

Volera avasaalisi vaginga Lisandugu lia malago ndi lwa vaduuka ku lujinga lwa mazi ga Jorodani, vazie kusingira mu mugera.”

Joshua 4:14

Ku lidiku yilio Yahova yanenehiza Joshua imbiri wi zimoni zia vandu va Isiraeli. Vamuha uluyali madiku gi livamwoyo lilie liosi, kuli yahaana ku Musa uluyali.