Joshua 22:29 - KITABU KITAKATIFU

²⁹ Sikwakibaaye ku Yahova ligali mba anoho koleke kumulonda lero ku liumbaka uvwali kusambira ku vihaanwa, anaho kigira vihaanwa viuvuswage anoho visiuviliru mba. Sikwakumbaki uvwali vundi ukuvita uvwali vwa Yahova vusingiyi imbiri wi Lihema liu kuvuganira mu naye.”

Joshua 22:29 Cross References

Litanga 44:17

Josefu yavoola, “Inzi si nyara kokora ndio mba! Oyo we kekombe kenyooleki mu musigo gwigwe niyie uva mutugwa wange. Navuzwa vandi vosi munyala kwirana ku baba winyu ni mirembe.”

Litanga 44:7

Navuzwa vandu yava vamuvolera, “Mwami wiitu, yaga gaveeye kovora ki lwa ovola makuva kuli yaga? Kunyi kwisuhaa ndi, si kwakora kindu kuli yiki mba.

1 Avami 21:3

Nabozi yativura, “Inzi ndanyoora mwandu gwi kizabibu yiki kutura ku vaguuga vange. Yahova angaye mburi koleka ivi ove nacho.”

2 Avami 18:22

Munene wa Asiria, yaazizagilira navoora, “Anoho, munyala kumbolera ndi munyi musuuviraa mu Yahova Nyasaye winyu? Haali hu kusigamira hatakatifu kandi uvwali vwa Hezekia yononyia, lwa yavolera avandu vi Ivuyuda na Jerusalemi vasigamiri vuzwa ha vwali voveeye mu Jerusalemi heng'ine.

2 Kyetsinyinga 32:12

Niyie uwononya hu kusigamira kandi uvwali vwa Yahova. Yavolera avandu vi Ivuyuda kandi Jerusalemi ukusigamira kandi ukuvuyiza kimuli ha vwali vulala vweng'ine.

Varumi 3:6

Si gaveeye ndio mba! Niiva, Nyasaye avula kuva umulungi, yaali unyala kuva ndi mukalagi wi lirova?

Varumi 6:2

Awa! Sigaveeye ndio mba! Kunyi koveeye vavoholore kutura ku vwoni, kunyala kuzizagilira ndi komenya muvwoni?

Varumi 9:14

Kunangwa kovoole ki? Nyasaye siaveeye nuvulungi? Sigaveeye ndio mba!

Kwidzulitsa 12:11

Yahova Nyasaye winyu alatovola havundu harara heng'ine haduukana, ha asigamirwa, kandi ahene yaho, kuduuka muleete ho kuye vindu viosi via inzi mali kumulaga: visiuviliru vienyu viukusambwa kandi visiuviliru vienyu vindi, zizaka zienyu kandi vihaanwa vidukiru via mwalagana na Yahova.

Joshua 22:23

Niiva sikwahulira Yahova kandi nikwiyumbakira uvwali vwitu aveene kuduuki kusambira ku visiuviliru anoho kuvutumikiri kigira vihaanwa viuvuswage anoho vihaanwa vie mirembe, leki Yahova mwene ahaane ku kunyi amageri.

Joshua 22:26

Kunangwa sikwumbaka uvwali kigira kusamba visiuviliru anoho kolomba vihaanwa mba.

Joshua 22:28

Iganagani yitu yaali ndi niiva yaga galekoleka, visukululwi vietu vilakavoole, ‘Heenzi! Avaguuga vetu valomba uvwali vufanaa vuzwa kuli uvwali vwa Yahova Nyasaye. Sivwaali kigira lisaamba vihaanwa anoho kigira visiuviliru, navuzwa kuli kelolero ku vandu viitu kandi avienyu.’

Joshua 22:30

Musaalisi Finiasi, na viimiliri vuluyali likomi avaari nivaazi naye kutura mu zihiiri likomi ziemadioli vahuliriza ku livaala liahaanwa na vandu kutura mu zihiiri zia Rubeni, Gadi, na Ivugwi wa Manase, kandi vigutizwa nalio ligali.

Joshua 24:16

Avandu vaativura, “Sikulaleka Yahova ukutumikira avanyasaye vandi kandi mba.

1 Samweli 12:23

Kolovega lwange si gandukira ngolere Yahova uvwoni ku livula kusaalira munyi. Mu vogono yivwo, ndamwigiza agaveeye malahi kandi malungi ku munyi kokora.