Joshua 2:6 - KITABU KITAKATIFU

⁶ Navuzwa Rahabu yaali navahili kwigulu kwinyumba na vavisi mu mavivi gayaali navungizi ku.

Joshua 2:6 Cross References

2 Samweli 11:2

Lidiku lilala hamugorova ligali, Daudi yavuka kutura mu lisosa lilie nazia kwigulu kwi inyumba yu vwami. Lwa yaali nagenda igulu wene yeyo, yalora mukali niyisinga. Mukali oyo yaali wi ligondo lilahi ligali.

2 Samweli 17:19

Mukali wu mundu zana yavugula kikuniku nafuma ha munwa gwi kidaho ma navagala uvuswage kucho, kunangwa mundu kali mulala avuli kukelora.

1 Avami 18:13

Ukiri kuhulira ndi lwa Jezebeli yaali niyiitanga avaporofeti va Yahova, ndaavisa imia indala kuvo mu zimbangaywa, mu miganda giviri ja vaporofeti amusini sa mulala kandi nimbaha chukulia namazi?

1 Avami 18:4

lwa Jezebeli yitaa vaporofeti va Yahova, Obadia yavugula, imia ndala kuvo, naavavisa mu zimbangaywa mu miganda giviri ja vandu amusini, siavuli muganda kandi navaha chukulia na mazi.

2 Avami 11:2

Navuzwa Jehosheba, mukaana wu mwami Joramu, mbozo Ahazia, yavugula Joashi muyaayi wa Ahazia, namwiiva kutura ku vayaayi vu mwami avaari himbi kwitwa. Yavugula oyo harara nu muleri weve, navaviika mu keng'oze mu litembeli. Nandio, yamuvisa kutura ku Azalia kunangwa avuli kwitwa.

Kutwula 2:2

Mukali oyo yavereka niyivura umwana muyaayi. Lwa yalora ndi mwana uyu aveeye wi ligondo lilahi, yamuvisa ku lwi mieli jivaga.

Jeremia 36:26

Maku umwami yalaga Jerahameeli mwana weve, harara na Senaya mwana wa Abudeeli, vaang'umiri inzi harara na Baruki mung'odi wange. Navuzwa Yahova yaali naakuvisi.

Matayo 24:17

Oyo oveeye ku kcsegese chi inyumba atiika kandi kuvugura ikindu munyumba yeeye kandi mba.

Kwidzulitsa 22:8

“Lwa wumbaka inyumba imbia, olombe lugaga lovodong'ane kwigulu kwinyumba, gase ulaleeta kisaahi kuduuka kunyumba yooyo niiva mundu alaguluka kutura ku ma akuze.

Vakolosai 3:3

Munyi mwamala kukuza na livamwoyo lienyu liaviswa na Kristo mu Nyasaye.

Vahebraina 11:23

Kigira lisuuvira lwa Musa yiivulwa, aviivuli veve vamuvisa ku mieli jivaga kigira valora aveeye Mwana mulahi; sivaatia kuvunaga malago gu Mwami wa Egebeti mba.

Yakobo 2:25

Gaali malala mere na Rahabu uwaali liraya. Yakolwa kuva umulungi imbiri wa Nyasaye kuvitira mu vikolwa vivie, kigira yingiriza avatunyirizi va Isiraeli kandi naavakonya virukiri kunzira yindi?

Joshua 2:5

Lwi iliuva liali niliyeraa, kirivwa nikikiri kuhanwa, avasaza yavo vamanyi ni vazia. Simanyi ni inzira ki ya valondeeye ku mba; navuzwa nimutanga livalondelera vwangu, munyala kuvanyoola.”

Joshua 2:7

Kunangwa avandu vumwami yavo vatanga kolondelera avatunyirizi zana, kunzira izizaa kunyambuku yu mugera gwa Jorodani, kandi nonoho lwa avalondeleri yavo vaali nivakatula ichova wi lidaala, ikirivwa chahaanwa.

Joshua 2:8

Avatunyirizi yavo nivakikiri kogona, Rahabu yazia ku inyumba igulu,

Joshua 6:25

Navuzwa Joshua yahonyia livamwoyo lia Rahabu liraya na aviiko veve vosi harara na viosi via yaali navio, kigira yaavisa avatunyirizi vaviri ava Joshua yaali natumi Jeriko visukululwi vivie vamenya mu Isiraeli kuduuka ku ing'inga ya kalunu.