Joshua 19:51 - KITABU KITAKATIFU

⁵¹ Musaalisi Elieza, Joshua muyaayi wa Nuni, na aviimiliri va vandu vi zihiiri zia Isiraeli vagavulana vidonye vie kivala yiki ku likuba ikura koteeva Yahova ha Shilo, ha vwingiliru vwi Lihema liukuvuganira mu na Yahova. Munzira yiyi, vamala ligavula kivala.

Joshua 19:51 Cross References

Litanga 49:10

Yuda alava ni imbimbu yu vwami, visukululwi vivie vilamiiha kazozo. Zihiiri zilaleta uvusuru kuye, kandi zihiiri zilinama imbiri weve.

Zaburi 78:60

Yaleka lihema lilie ha Shilo, hango ha yaali namenyi hagati hiitu.

Matayo 20:23

Yeso yavavolera, “Agiligali mulanwera mu kekombe change, navuzwa kwikala ku mukono mulungi anoho ku mukono mumosi gwange, siaveeye inzi uhaanaa mba. Navuzwa vwiyangu yivwo voveeye ku yavo, ava Baba wange yalombera.”

Matayo 25:34

Ma Mwami alakavoolere avaveeye ku mukono gwigwe umulungi, ‘Hambi munyi avaagasizwa na Baba wange munyore miandu ju vwami vwa mwalomberwa kutura lwi lirova liatanga.

Yohana 17:2

Kigira waha Mwana woovo uvunyali ku avandu vosi aduuki kuhaana livamwoyo litahera mba ku yavo vosi vawamuha.

Vikolwa 13:19

Yadiviza zihiiri saba zie kivala cha Kanaani, nahaana ku avandu veve kivala yicho keve umwandu gwaavo.

Joshua 14:1

Yili ni ligavulwa lie kivala cha Kanaani ekeveeye imadioli wa Jorodani chagavulwa hagati ha vandu va Isiraeli. Musaalisi Elieza, Joshua muyaayi wa Nuni, harara na aviimiliri vi zihiiri zia vandu va Isiraeli vagavulana kivala yiki hagati ha vandu vosi.

Joshua 18:1

Inyima wa vandu va Isiraeli vaali nivakaguuta kivala, avandu vosi vavunga ha Shilo, kandi vumbakayo Lihema liukuvuganira mu na Yahova.

Joshua 18:10

Joshua yakuba ikura kwenya kumanya kuli Yahova yenya kivala zana kigavulwi, kandi yaaha kivala chatigaraa ku vuli ihiiri yaatigaraa ya Isiraeli.

Joshua 20:1

Yahova yavolera Joshua

Vakalagi 21:19

Maku vavoola, “Lilia lia vuli muhiga lia Yahova ha Shilo liveeye himbi.” Shilo eveeye ivaale wa Bezeli, isavaalu wa Lebona, kandi ivugwi winzira eveeye hagati muhanda ogoveeye hagati ha Bezeli na Shekemu.

Vakalagi 21:21

ma muhenze. Lwa vakana va Shilo vaza kuvina, vuli mulala ku munyi muturi mu milimi ji mizabibu, na mwivuguliri vakali kuzingulu kutura mu vakana zana yavo, ma mwiluki navo kuduuka mu kivala cha Benjamini.

1 Samweli 1:3

Vuli muhiga Elikana yaturaa Rama kuzia kusigamira Yahova Wuvunyali nukuhaana visiuviliru kuye ha Shilo, ha Hofini na Finiasi, avayaayi vaviri va Eli, vaali avasaalisi va Yahova.