Joshua 17:11 - KITABU KITAKATIFU

¹¹ Mugati mwi vivala via zihiiri zia Isakari na Asheri, Manase yaali na madaala manene ga Bezishani, Ibuleamu, Dori liali kunyanza, Endori, Tanaki, na Megido harara na madaala gagakumbiriza.

Joshua 17:11 Cross References

2 Samweli 21:12

yazia navugura vigumba via Saolo na Jonazani kutura ku avandu va Jabeshi mu Gileadi. Vaali ni vajivugula kutura mu kiguti cha avandu vosi mu Bezishani, uwa avandu va Filisitia vaasunga miviri zana ku lidiku lia vita Saolo ku Kiguru cha Giliboa.

1 Avami 9:15

Mwami Solomoni yatumikira miyinzi ju kuniga kwumbaka Litembeli ninyumba yeeye yu vwami, kwizuliza mu marova ku lovega lwi ivugwi lwi imbinga ya Milo, lidigi lia Jerusalemi, kandi na madaala ga Hazori, Megido na Gezeri.

2 Avami 9:27

Lwa Ahazia, mwami wi Ivuyuda yalora ichaali ni chekoleki, yirukira kunzira izizaa mu lidaala lia Bezi Hagani. Jehu yamulondelera, nahanzuka, “Mwiti kandi.” Vamulasira losere mu ligare lilie kunzira yanigiraa kuzia Guri ahimbi ni lidaala lia Ibuleamu, navuzwa yirukira Megido ma nakuzira yo.

1 Kyetsinyinga 6:70

Mu kivala chi Imadioli wa Manase vahevwa madaala manene ga Aneri, na Bileamu harara na madaala gu vwayiru vwa go.

1 Kyetsinyinga 7:29

Visukululwi via Manase viamiha madaala manene ga Bezi Shani, Tanaki, Megido, kandi Dori, harara na madaala gago gagakumbiriza. Yaga goosi nigo madaala gi visukululwi via Josefu, muyaayi wa Yakobo viamenya mu.

2 Kyetsinyinga 35:22

Navuzwa mwami Josia yaali nasaviiyi kulwaana mwami Neko. Mwami Josia siyenya kuhulira ga Nyasaye yavoola kuye kuvitira ku mwami Neko. Maku mwami Josia yigilung'anyia navula kuva mu liiva liu mwami, natura kuzia mu vulwani mu kereremo cha Megido.

Zaburi 83:10

Ivi wavadiviza ligali mu lidaala lia Endori ahimbi ni kiguru cha Tabori, kandi miviri jaavo jagundira ku marova.

Jeremia 49:2

Navuzwa ing'inga yiza lwa nangore avandu vi lidaala linene lia Raba kuhulira liyoga liu vulwani, kandi lilava hazwa na amadara gayo galasambwa. Maku avandu va Isiraeli valavugula kivala chavo kutura ku avandu vaali nivakivugura.

Zekaria 12:11

Ing'inga yene yeyo lisioma mu Jerusalemi lilakave linene ligali kuli lisioma lia ‘Hadadi Rimoni’ mu kereremo cha Megido.

Joshua 11:2

kandi ku vami vanene vaveeye mu kivala chi vigulu kolovega lwa ivaale, mu kivanda cha Jorodani, isavaalu winyanza ya Galilaya nu muvivala vidiguluku kandi kulujinga ahimbi na Dori.

Joshua 12:21

Tanaki, Megido

Joshua 12:23

Dori ku lujinga lwinyanza, Goimu mu Galilaya,

Joshua 16:9

harara na madaala manene malala nutudaala tulala utwaali mugati mwi zinzako zia Manase, navuzwa agahaanwa ku avandu vi ihiiri ya Efuraimu.

Joshua 17:10

Efuraimu yaali kolovega lwisavalu, na Manase naava Ivaale; ni inyanza ya Meditareniani nayo niiva kuli lwako lwa imadioli. Asheri naye yaali ku lovega lwa imadioli wa Ivaale, ihiiri ya Isakari nayo niiva lwako lwa Ivugwi wa Ivaale.

Joshua 17:16

Vaativura, “Kivala chivigulu sikeveeye kenene ikinyala kuduuka kunyi mba, navuzwa vandu va Kanaani vamenyi mu kivala chi vilelemo na mavoona, vaveeye na amagare gu vulwani agalombwa kutura ku kivia, vombi avamenyi mu lidaala linene lia Bezi Shani harara na madaala galio agalikumberiza, kandi yavo vosi avamenyi mu livona lia Jezireeli.”

Vakalagi 1:27

Kunangwa ihiiri ya Manase sivali vanyara kukunga avandu vamenya Bezishani, Tanaki, Dori, Ibuleamu Megido, harara nu tudaala twali ahimbi kugo; kigira vandu va Kanaani vazizagilira komenya mukivala yicho.

Vakalagi 5:19

Ha Tanaki ahimbi na mazi ga Megido, avami vaza nivalwana; avami va Kanaani valwaana, navuzwa sivavugula ifeza mba.

1 Samweli 28:7

Ahene yaho Saolo yalaga vanene veve, “Nzenyeri mukali musigitiri na inzi nzie kumuteeva zing'anagani.” Vamutivulira, “Aveeye ho nu mulala mu lidaala lia Endori.”

1 Samweli 31:10

Ahene yaho vaviika viuma vivie mu litembeli liu munyasaye wikikali ulangwa Asitarite, kandi nivavamba muviri gwigwe ku lidiji lie lidaala lia Bezishani nimisumari.

1 Samweli 31:12

Avasaza valuvilira ligali kuvita vosi vaatura kuzia kandi vagenda vudiku vwosi kuduuka mu lidaala linene lia Bezishani. Viikiza miviri ja Saolo na avayaayi veve, nivajiranya mu lidaala lia Jabeshi kandi vajisambira yo.