Joshua 12:1 - KITABU KITAKATIFU

¹ Avandu va Isiraeli vaali nivaguuti kivala keveeye Ivugwi wu mugera gwa Jorodani, kutura mu livona lia Arinoni kuduuka mu livona lia Jorodani kandi kuduuka kolovega lwa ivaale ha kiguru cha Herimoni. Vaguuta avami vaviri.

Joshua 12:1 Cross References

1 Avami 4:19

Geberi muyaayi wa Uri yamiha kivala cha Gileadi, chamiifwa nu mwami Sihoni wa vandu va kandi mwami Ogu wa Bashani. Komeeda ku vanene likomi na vaviri yava yaali Mwamihi mulala ku kivala choosi chi Ivuyuda.

Zaburi 133:3

Gaveeye kuli iliime ku kiguru cha Herimoni, iligwizaa ku tugulu twa Ziyoni. Hene yaho niho ha Yahova amali kusuuviriza uvugasu vwivwe vwi livamwoyo ilitahera mba.

Zaburi 136:21

Yahaana vivala viavo ku vandu veve; kigira uvuyanzi vwivwe vuhindiraa mihiga ni mihiga;

Zaburi 89:12

Ivi walomba lirova kutura Ivaale kuduuka Isavaalu; Avandu vu kukiguru cha Tabori kandi kiguru cha Herimoni viimba ni vizominya ivi kigira uvusangari.

Isaya 16:2

Avakali va Moabu valindilira ku lujinga liumugera gwa Arinoni nokovoyavoya yiyi na yiyi, kuli manyonyi gakungiywi kutura ku viduku viago.

Livalidza 21:13

Kutura Zeredi vazia ho kososa kolovega lwi Ivaale wu mugera gwa Arinoni, mwigendanyama. Vazia kuduuka mu kivala cha vandu va Amoriti. Arinoni yaali ku lwako hagati hi kivala cha vandu va Moabu na vandu va Amoriti.

Livalidza 21:21

Maku avandu va Isiraeli vaatuma vatumwa ku mwami Sihoni wa vandu va Amoriti kovora ndi;

Livalidza 21:24

Navuzwa vandu va Isiraeli vita vasigu vaavo vanyingi mu vulwani ni vavugura kivala chavo kutura kumugera gwa Arinoni Ivaale wa Jaboku, kuduuka ku vandu va Amoni, kigira ulwako lwa vandu va Amoni lwali ni lwakingwa nizinguru.

Livalidza 32:19

Sikulavugula miandu giveeye hagati haavo kolovega lundi lwu mugera gwa Jorodani mba, kigira kunyi kumali konyoora kedonye chiitu hano kolovega lwi Ivugwi wu mugera gwa Jorodani.”

Livalidza 32:32

Mu vwimiliri vwa Yahova, kulambuka nukuzia mu kivala cha Kanaani kandi kuzie mu vulwani, kunangwa kutigale ni miandu jitu mu kolovega lwi Ivugwi wa Jorodani lunu.”

Livalidza 32:33

Maku Musa yahaana ku zihiiri zia Gadi na Rubeni ni inusu yi zihiiri zia Manase muyaayi wa Josefu kivala choosi chu vwamihi vwa Sihoni, umwami wa vandu va Amori kandi kivala chu vwamihi vwa Ogi, mwami wa Bashani harara na madaala gavakumberiza.

Kwidzulitsa 2:24

“Inyima wa kwaali nikwakavitira mu kivala cha Moabu, Yahova yakovolera, ‘Kalunu tangi logendo mwambuki mugera gwa Arinomu. Ndamuguutira Sihoni, Muamori, mwamihi munene wa Heshiboni, harara ni kivala chiche. Mumwingiliri, mulwaane naye kandi muvuguli kivala chiche mumenye mu.

Kwidzulitsa 2:32

Sihoni yatura ichova harara na vasaza vi liihi veve vosi kukulwaana ahimbi ni lidaala lia Jahazi,

Kwidzulitsa 3:1

“Maku kwagirung'ana kuzia ivaale kunzira inzizaa mu kivala cha Bashani, na Ogu, Mwami wa Bashani, harara na vasaza vi liihi lilie vosi vaatura kukulwaana ahimbi ni lidaala lia Edirei.

Kwidzulitsa 4:44

Musa yahaana malago ga Nyasaye ku avandu va Isiraeli.

Kwidzulitsa 4:46

kandi nivaveeye mu livona ahimbi ni lidaala lia Bezi-peoru, ivugwi wu mugera gwa Jorodani, mu kivala cha Sihoni, Mwami wa vandu va Amori, uwamihaa kutura mu lidaala lia Heshiboni.

Kwidzulitsa 4:48

Lwako lwi kivala yiki lwali kutura ku lidaala lia Aroeri, liveeye mu livona liu mugera gwa Arinoni kuduuka ivaale ku kiguru cha Sironi, ekeveeye kiguru cha Herimoni.

Joshua 1:15

kuduuka lwa vamala kwidikira mu kivala keveeye imadioli wu magera gwa Jorodani icha Yahova Nyasaye winyu amali kuhaana ku munyi. Lwa ava niyakahaana mirembe ku zihiiri ziosi zia Isiraeli, ahene yaho munyala kwirana hano nokomenya hano mu kivala chienyu ivugwi wu mugera gwa Jorodani, icha Musa, mutumikiri wa Yahova, yahaana ku munyi.”

Joshua 11:17

Kutura ku kiguru cha Halaki, ikisinukaa kuduuka Edomu, kuduuka Baali Gadi mu livona lia Lebanoni hi kiguru cha Herimoni kitangiraa. Yagumira avami vavio vosi kandi naviita nikivavi.

Joshua 11:3

Yatuma kandi ka makuva vandu va Kanaani avaveeye ku zimbega ziosi zia Jorodani kuduuka ku vandu va Amori; Hiti, Perezi kandi Jebusi mu kivala chi vigulu; kali kuduuka ku vandu va Hivi avamenyaa hasi hi kiguru cha Herimoni mu kivala cha Mizipa.

Joshua 13:8

Musa mutumikiri wa Yahova yaali ni yamala kugavura kivala ku zihiiri zia Rubeni, Gadi kandi inusu yi ihiiri ya Manase. Kivala chavo chaali kolovega lwi ivugwi wu mugera gwa Jorodani.

Joshua 22:4

Kalunu, kuli yasuuviriza, Yahova Nyasaye umali kuha vandu va Isiraeli vache vinyu mirembe. Kunangwa yirani yengo mu kivala cha mwavugula kuva chienyu, kivala keveeye Ivugwi wu mugera gwa Jorodani, icha Musa, mutumikiri wa Yahova, yaaha munyi.

Vakalagi 11:18

Maku vazizagilira nivavitira mwigendanyama kovodong'ana ikivala cha Edomu kandi ikivala cha Moabu, kuduuka lwa vaza kolovega lwivugwi lwa Moabu, kolovega Lundi lwu Mugera gwa Arinoni. Valomba hokososo navuzwa sivambuka mba.