Joshua 11:6 - KITABU KITAKATIFU

⁶ Yahova yavolera Joshua, “Utavatia mba. Ku ing'inga yiyi mugamba, ndava ninziiti yavo vosi kigira Isiraeli. Gakuduukiraa oleminye zibarasi ziavo ku litema machi gazio nokusamba magare gu vulwani gaavo nomuliru.”

Joshua 11:6 Cross References

2 Samweli 8:4

Daudi yagumira zibarasi elefu ndala ni zimia saba harara navahili vazio, kandi avasikari zielefu sirini vagenda kuvirenge. Daudi yaleka zibarasi zinyala kung'usa magare gu vulwani imia ndala, navuzwa yatema amaki gi zibarasi zindi ziosi.

2 Avami 6:16

Elisha yativura navoora, “Utatia mba! Koveeye na vanyingi ku lovega lwiitu kuvita yavo avaveeye ku lovega lwavo.”

2 Kyetsinyinga 20:16

Lidiku lia mugamba mutule muzie kuvingilira lwa vava ni vanigira ku kiguru cha Zizu. Mulavanyoola ha keheri chi livona, ahimbi nu mwigendanyama lia Jerueli.

Zaburi 46:10

Avoora, “Muchiring'ane kandi mumanye ndi inzi mbeeye Nyasaye! Inzi nzizominywa hagati hi zihiiri ziosi; inzi nzizominywa ku lirova liosi!”

Zaburi 46:11

Yahova Wuvunyali aveeye harara ni kunyi. Nyasaye wa Yakobo aveeye uvuhaliru vwitu.

Zaburi 46:9

Aherizaa uvulwani ku lirova liosi; Avunanyia uvuta, kandi yononyia amatimu kandi asambaa zinguva.

Tsing'ano 20:7

Avana vaveeye ni ingavi niiva vaveeye na baba oveeye musuuvirifu kandi okolaa gaveeye amalungi.

Isaya 30:16

Muvogono yivwo, mulohiza kwiruka kutura ku vasigu vinyu ni munini ku zibarasi ziruka zimbiru ligali. Kandi muveeye vulahi kwiruka nigo aga mwenyeka mukore! Muganaganaa zibarasi zienyu ziveeye ni zimbiru ligali navuzwa avamulondelaa valakave nizimbilu kuvita zienyu.

Isaya 31:1

Avandu vazizaa Egebeti konyoora ovokonyi vaveeye mu kivi! Vasuuvira mu liihi lia Egebeti lie zinguru, lie zibarasi ziu kunina ku lia magare gu vulwani kandi lia vasikari. Navuzwa si vasuuvira mu Yahova, Nyasaye Mutakatifu wa Isiraeli mba, anoho si vateevaa ovokonyi kutura kuye mba.

Ezekieli 39:9

Avandu vamenyi mu madaala ga Isiraeli valazia ichova nukuvunginza iviungi vialekwa nukuhambizira muliru. Zinguva kandi zikuuti, uvuta kandi mivano ju vuta, amatimu kandi vigurume; valalomba muliru guliaduka ku mihiga saba.

Hosea 14:3

Avandu va Asiria si valakohonyia mba; zibarasi ziu vulwani si valakukinga mba. Si kulavoolera vifananyi vietu kandi ndi ‘Munyi muveeye Nyasaye wiitu mba.’ O, Yahova, okoveere zimbavasi kigira si koveeye nuwundi mundu wakuzia ku mba.”

Nahum 2:13

Yahova Wuvunyali avoora, “Inzi mbeeye musigu winyu! Ndakasambe magare ginyu gu vulwani. Avasikari vinyu valakitirwi mu vulwani, kandi ndakavuguli vuli kindu choosi cha mwavugula kutura ku vasigu vinyu. Lienya lia vatumwa vinyu sililakahuliriki kandi mba.”

Kwidzulitsa 7:16

Mudivize vuli ihiiri ya Yahova Nyasaye winyu amuguutira kandi mutava nizimbavasi kuvo mba; kandi mutasigamiri avanyasaye vaavo mba; kigira yigwo gulava mutego gwu vuhimwa kumunyi.

Joshua 10:8

Yahova yavolera Joshua, “Utavatia mba: inzi mali kuhaana kuivi liguuta. Sihaveeye ho numulala muvo unyala kusingira ku lihingira ivi mba.”

Joshua 11:5

Avami yava vosi vahambanyia amahi gaavo harara kandi valomba ahokososa haavo ha Mazi ga Meromu kulwaana avandu va Isiraeli.

Joshua 11:7

Kunangwa Joshua harara na vasaza vi liihi veve vosi vingilira Jabini na vami va Ivaale ha Mazi ga Meromu.

Joshua 11:9

Joshua yakola kuvo icha Yahova yalaga: Yaaleminya zibarasi ziavo kandi nasamba magare gaavo gu vulwani.

Joshua 3:5

Joshua yavolera avandu, “Mwitakase aveene, kigira mugamba Yahova alakola vilolekizu hagati hinyu.”

Vakalagi 20:28

Finiasi mwana wa Eliaza waali naveeye umulindi walio. Vateva Yahova, “Gaduukanaa kunyi kutuli kuzia kulwaana avaamitu vandu vi hiiri ya Benjamini kandi, anoho koleke?” Yahova yativura navoora, “Muvalwaane. Mugamba ndamuha uvuguuti.”

Vakalagi 7:9

Vudiku vulala vwere yivwo, Yahova yalaga Gidioni, “Singira na usulunguti kutangiza iliihi, kigira Inzi mali kuviika vandu va Midiani mu makono googo.

1 Samweli 11:9

Vavoolera vatumwa kutura Yabeshi, “Vooleri avandu vinyu ndi mugamba nivukiri kuduuka mbasu hagati, valava nivasooleywi.” Lwa vandu va Yabeshi vanyoola amakuva yaga, vasangala ligali.