Joshua 11:21 - KITABU KITAKATIFU

²¹ Ku ing'inga yiyi, Joshua yazia naadiviza ihiiri ya Avaanaki avamenya mu kivala chi vigulu mu Heburoni, Debiri, Anabu kandi mu kivala choosi chi vigulu cha Yuda, ma Isiraeli. Joshua yavadiviza ligali harara na madaala manene gaavo.

Joshua 11:21 Cross References

Jeremia 3:23

Sikwakonywaku kali hakuzu nilisigamira avanyasaye kuzindongozi zii vigulu mba. Ovokonyi vwa Isiraeli vutura ku Yahova Nyasaye wiitu.

Jeremia 9:23

Yahova avoora, “Avandu vageri vatigingira kigira ovogeri vwavo mba, anoho avandu vizingulu kigira zinguru ziavo mba, noho avandu vatugi kigira uvuhinda vwavo mba.

Amosi 2:9

“Navuzwa, gaali kigira munyi, avandu vange, avagira nindiviza Avaamori ligali, avasaza avaari avataambi kuli midaragwa, kandi avizingulu kuli misaala imidinyu kuli muduguyu.

Livalidza 13:33

Kali kwalola mu kivala yiki mindu minene ligali, vaali visukululwi via Anakimu. Kwaloleka kuva vakekeeke kuli amadagalala kuvo, kunangwa nindio kwaloleka imbiri wavo.”

Kwidzulitsa 1:28

Kigira ki kuzie yo? Kutiiyi. Avasaza va kwatuma vamali kokovoolera ndi avandu vaveeye yo vaveeye ni zinguru ligali kandi avataambi kuvita kunyi, ma kandi vamenyi mu madaala manene agaveeye na madigi matambi ligali. Valora visukululwi via Anaki.”

Kwidzulitsa 2:21

Vaali avandu avizingulu ligali, kandi vatambi kuli vandu va Anakimu. Vaali avanyingi ligali kandi ihiiri yizingulu ligali. Navuzwa Yahova yavadiviza kunangwa avandu va Amoni vavugura kivala chavo kandi nivamenya mu.

Kwidzulitsa 9:2

Avandu vene vaveeye avataambi kandi avizingulu. Vaveeye avanene ligali, avana va Anakimu, avamwamanya, kandi avamwahulira nivatalwa ndi, ‘Nivwaha unyala kusingira imbiri wa avana va Anaki?’

Joshua 10:42

Joshua yaguuta avami yava vosi harara ni vivala viavo mu ing'inga ndala ya yatura kuzia kulwaana mu liihi kigira Yahova, Nyasaye wa Isiraeli yaali naalwaaniraa vandu va Isiraeli.

Likunula 6:2

Ndahenza nindora ibarasi indavu! Muhiri wi barasi yaali nu vuta kandi yahevwa itaji. Kunangwa yatura kugihira kuli umuguuti uzizagilira kuguuta.

Vakalagi 1:20

Kunangwa vahaana Heburoni ku Kalebu, kuli Musa yaali naavalagi. Yakunga zihiiri zivaga zi visukululwi via Anaki kutura yo.