Joshua 10:25 - KITABU KITAKATIFU

²⁵ Ahene yaho Joshua yavolera vimiliri vi liihi veve, “Mutatia anoho kukuza mioyo mba. Muve avagulu kandi avaluviriri, kigira nindio Yahova naakole ku vasigu vinyu ava muzizaa kulwaana navo.”

Joshua 10:25 Cross References

Zaburi 63:9

Navuzwa yavo avagerizaa kunzita, valazia musi mu kivala cha avakuzu.

Zaburi 77:11

O, Yahova, inzi ndizuliza vikolwa vivio vinene; kandi ndizuliza vindu viu kogenyia viawakola mu madiku ga kale.

Varumi 8:37

Awa, mu vindu yivi viosi, koveeye vaguuti ligali, kuvitira mu uyu wakuyanza!

2 Vakorintho 1:10

Nyasaye yakohonyia kutura mu vuhimwa vonene ligali vwi likuza, kandi alakohonyia; kunyi kumali kuviika lisuuvirizwa lietu muye ndi alahonyia kunyi kandi,

Vafeso 6:10

Agekeheri, avaamitu vange muve nizinguru mu Mwami kandi mu vonene vwi zinguru zizie.

Kwidzulitsa 7:19

Mwizurizi amaduywa manene gukutihiza ga mwalora nizimoni zienyu aveene, vilolekizu, ni viokogenyia, kandi zinguru zinene nu uvunyali vwa Yahova Nyasaye winyu yamukola avavoholore. Munzira ndala nzere ya Yahova Nyasaye winyu yadivizira mu avandu va Egebeti, aladiviza zihiiri yizio ziosi zi mutiizaa kalunu.

Joshua 1:6

Ove mugulu kandi muluviliri, kigira ivi ulava mwimiliri wa vandu yava lwa vava nivavugura kivala yiki icha ndasuuviriza avaguuga vaavo ndi ndavaha.

Joshua 1:9

Wizulizi ndi inzi mali kukulaga ove mugulu kandi muluviliri! Utatia kandi utakuza mwoyo mba, kigira Inzi, Yahova Nyasaye woovo, mbeeye harara nivi hoosi aha uzia.”

Joshua 10:8

Yahova yavolera Joshua, “Utavatia mba: inzi mali kuhaana kuivi liguuta. Sihaveeye ho numulala muvo unyala kusingira ku lihingira ivi mba.”

1 Samweli 17:37

Yahova, uwahonyia inzi ku ving'ang'a ni zidubu alambonyia kutura ku Mufilisitia musiindi uyu.” Saolo yativura “Vulahi! Kazie, kandi Yahova ave harara niivi.”