Joshua 1:17 - KITABU KITAKATIFU

¹⁷ Kulahulira ivi, kuli vuzwa kwahulira Musa kazozo, kandi Yahova Nyasaye woovo ave harara nivi kuli yaali na Musa!

Joshua 1:17 Cross References

2 Samweli 14:17

Ndeevolera inzi mwene, ndi lisuuvirizwa liilio, mwami wuluyali, lilandetela likingwa, kigira mwami aveeye kuli engelosi wa Nyasaye kandi anyala kwavukanyia uvulahi kutura ku vudamanu. Yahova Nyasaye woovo ave harara nivi!”

1 Avami 1:37

Kuli Yahova yaveyange nu Mwami wuluyali wange, ave kandi na Solomoni na akole uvwami vwivwe vove vwi lizizagilira imbiri kandi vwi limeedeka.”

1 Kyetsinyinga 28:20

Mwami Daudi yavolera muyaayi weve Solomoni, “Uve mugulu kandi muluviliri. Tanga likora miyinzi na utaleka kindu kali kilala kukusingiriza mba. Yahova Nyasaye wange, alava harara nivi. Yahova si alakoleka mba. Alava nivi kuduuka lwi miyinzi yigi josi jiu vwumbaki vwi Litembeli lilie gitweeka.

Zaburi 20:1

Yahova akutivuliri lwa oveeye mu kivi! Nyasaye wa Isiraeli akukingi!

Zaburi 20:4

Yahova akohe viu mwoyo gugwo gwenyaa kandi aduuki kudukiza lilohiza liilio liosi.

Zaburi 20:9

O, Yahova, haana liguuta ku mwami; ukutivuliri lwa kukwaniraa.

Livalidza 27:18

Yahova yavolera Musa, “Vugula Joshua mwana wa Nuni, umundu winyaliza ma uviiki ku mutwi gwigwe makono googo.

Livalidza 27:20

Uhaane kuye kidieli chu vunyali vuvwo, kunangwa vandu vosi va Isiraeli vamuhuliri.

Matayo 21:9

Kiduma cha avandu valala vaamwimilira na avandi nivamulonda inyima. Vataanga kuhanzuka nivavoora, “Hosana ku Umwana wa Daudi! Agasizwi uyu uzaa mu Iieta liu Mwami! Yizominywi Nyasaye oveeye yigulu mwigulu!”

Kwidzulitsa 34:9

Joshua, muyaayi wa Nuni yaali niyizuuyi ovogeri kigira Musa yaali namutovoye avuguli vogono vwivwe. Avandu va Isiraeli vahulira Joshua kandi nivalinda malago ga Yahova yaali navaheeye kuvitira ku Musa.

Joshua 1:16

Vaativulira Joshua, “Kulakola kindu choosi cha umali kokovoolera kandi kulazia havundu hoosi aha ukutuma.

Joshua 1:18

Mundu woosi mundu uhing'ana nuvunyari vuvwo kandi uvula kuhulira lilala ku malago aga uhaana, aliitwa. Ove mugulu kandi muluviliri!”

Joshua 1:5

Joshua, mundu kali mulala sialakakuguuti mu livamwoyo liilio liosi mba. Ndava harara niivi kuli ndaali na Musa. Ndava niivi kazozo; sindakoleka kali hakuzu mba.

Joshua 1:9

Wizulizi ndi inzi mali kukulaga ove mugulu kandi muluviliri! Utatia kandi utakuza mwoyo mba, kigira Inzi, Yahova Nyasaye woovo, mbeeye harara nivi hoosi aha uzia.”

Joshua 4:14

Ku lidiku yilio Yahova yanenehiza Joshua imbiri wi zimoni zia vandu va Isiraeli. Vamuha uluyali madiku gi livamwoyo lilie liosi, kuli yahaana ku Musa uluyali.

1 Samweli 17:37

Yahova, uwahonyia inzi ku ving'ang'a ni zidubu alambonyia kutura ku Mufilisitia musiindi uyu.” Saolo yativura “Vulahi! Kazie, kandi Yahova ave harara niivi.”

1 Samweli 20:13

Niiva baba asaaviraa kukusaaliriza, Yahova yanguyi nguzi, niiva si ndakuvuulira makuva yaga, na ngutumi uzie mu mirembe, Yahova ave niivi kuli yaali na baba wange!