1 Samweli 2:2 - KITABU KITAKATIFU

² “Sihali noveeye umutakatifu kuli Yahova sihali nuwundi kuli ye sihali numusooli kuli Nyasaye wiitu.

1 Samweli 2:2 Cross References

2 Samweli 22:3

Nyasaye wange aveeye chukwivisa mu change, aveeye inguva yange kandi zinguru zio vohonyi vwange. Aveeye imbinga yange, chu kwivisa mu change kandi muhonyi wange; ivi ombonyia kutura ku vasigu vange.

2 Samweli 22:32

Yahova wengine aveeye Nyasaye; kandi niye yeng'ine oveeye mukingi wiitu.

2 Samweli 7:22

Ivi oveeye munene kuli ndi, O, Yahova Nyasaye Wuvunyali! Siaveeye ho nu wundi kuli ivi; kunyi kwamanya kazozo ndi ivi oveeye munene, O, Yahova Nyasaye Wuvunyali.

1 Avami 8:23

nasaara, “O, Yahova Nyasaye wa Isiraeli, sihali na nyasaye kuli ivi mwigulu igilu anoho mu musi mu lirova!

Zaburi 111:9

Yaavoholora avandu veve kandi nalomba lilagana navo liukuhindira mihiga ni mihiga. Aveeye mutakatifu kandi wizingulu.

Zaburi 18:2

Yahova aveeye mukingi wange, aveeye imbinga yange yizingulu. Nyasaye wange aveeye chu kwivisamu change; aveeye inguva yange, kandi aveeye zinguru zio vohonyi vwange nu munara gwange.

Zaburi 18:31

Yahova weng'ine aveeye Nyasaye; kandi niye yeng'ine oveeye likingwa lietu.

Zaburi 71:19

O, Nyasaye, zinguru zizio, zidukaa igulu mwigulu; Ivi umali kokora vindu vinene ligali; siahaveeye ho voveeye kuli ivi O, Nyasaye.

Zaburi 71:3

Ove kuli lwanda lwu vuhaliru vwange. Ove imbinga yange yizingulu yokombonyia ivi oveeye lwanda lwange kandi imbinga yange.

Zaburi 73:25

Nivwaha wa inzi mbeeye naye mu ligulu nataveeye ivi? Lwa inzi mbeeye ni ivi, ni kinduki cha inzi nyenya ku lirova?

Zaburi 86:8

O, Yahova, siaveeye ho numunyasaye wundi munene kuli ivi mba, siaveeye ho kali mulala uwakola aga ivi wakola mba.

Zaburi 89:6

O, Yahova, siaveeye ho nu mundu kali mulala mwigulu oveeye kuli ivi mba, anoho vilombe viosi viveeye mu ligulu sivinyala kweleng'anyia ku ivi mba.

Zaburi 89:8

O, Yahova, Nyasaye Wuvunyali, siaveeye ho numulala oveeye wizingulu kuli ivi mba, O, Yahova, ivi oveeye musuuvirifu mu vindu viosi.

Zaburi 99:3

Sa mulala alizominya lieta lilie linene kandi liezingulu. Aveeye mutakatifu!

Zaburi 99:5

Mwizominye Yahova, Nyasaye wiitu. Musigamiri imbiri wendeve yeeye yu vwami! Aveeye mutakatifu!

Zaburi 99:9

Mwizominyi Yahova, Nyasaye wiitu; mumusigamiri ha kiguru chiche kitakatifu! Yahova Nyasaye wiitu aveeye mutakatifu.

Kutwula 15:11

“O, Yahova, nivwaha munyasaye oveeye kuli yivi? Nivwaha oveeye kuli ivi, wokogenyia mutakatifu? Nivwaha unyala kokora vilolekizu iviokogenyia ni vinene kuli vivio?

Isaya 40:18

Nyasaye anyala koleng'anywa na vwaha? Anoho anyala kufananywa na kindiki?

Isaya 44:6

Yahova, uwamihaa kandi ukingaa Isiraeli, Yahova Wuvunyali avoora ndi: “Inzi mbeeye Nyasaye Weng'ine, Wukutanga nu Wekeheri; sihaveeye ho na nyasaye wundi, navuzwa inzi.

Isaya 44:8

Avandu vange, mutatia mba! Munyi mwamanya yaga kutura zing'inga zia kale kuduuka lero inzi ndaamara kuvuula goosi agazizaa kwekoleka, na munyi muveeye avaloli vange. Haveeye ho na nyasaye wundi lugano ku inzi? Haveeye ho na nyasaye wundi wizingulu wa inzi ngikiri kumuhulira kali hakuzu?”

Isaya 57:15

“Inzi mbeeye Nyasaye oveeye igulu kandi mutakatifu, omenya mihiga ni mihiga. Inzi menyaa havundu haveeye igulu kandi hatakatifu. Kandi menyaa harara na vandu avahocha kandi aviganiri, kunangwa nduuki kuvilanyira kelemamwoyo chavo kandi mbiki zinguru mu lisuuvira liavo.

Isaya 6:3

Zihanzuka harara nizivoora: “Mutakatifu, Mutakatifu, Mutakatifu! Yahova Wuvunyali aveeye Mutakatifu, uvukumi vwivwe vwizuyi mu lirova liosi.”

Jeremia 10:6

O, Yahova, siaveeyeho nu mulala kuli ivi, ivi oveeye wizingulu kandi lieta liilio liveeye linene kandi liezingulu ligali.

Kyavalevi 11:44

Inzi mbeeye Yahova Nyasaye winyu. Mwitakase munyi vene, muve avatakatifu kigira inze mbeeye mutakatifu. Muteyononyia vene na kilala ku ivindu vimolaa kumalova mba.

Kyavalevi 11:45

Inzi mbeeye Yahova, uwamuleta kutura mu kivala cha Egebeti kunangwa inzi nduki kuva Nyasaye winyu. Kunangwa kuduuka muve avatakatifu kigira inzi mbeeye mutakatifu.”

Kyavalevi 19:2

avolere avandu vosi va Isiraeli, “Muve avatakatifu kigira Inzi, Yahova Nyasaye winyu, mbeeye Mutakatifu.

Varumi 15:4

Vindu viosi iviang'odwa mu Mang'oda Matakatifu viang'odwa kwigiza kunyi, kuduuki kuva nilisuuvirizwa kuvitira mu liekuzira ni lizuvwa lia Mang'oda Matakatifu gakoheezaa.

Varumi 4:8

Aveeye nu vugasu mundu uyu wu Mwami avulaa kuvaliza vwoni vwivwe!”

Kwidzulitsa 3:24

‘O, Yahova Wanyala Viosi, inzi manya ndi ivi umali kumanyia vuzwa litanga lie vindu vinene kandi viokogenyia via uzizaa kokora. Sihaveeyeho na nyasaye mwigulu anoho ku lirova unyala kokora vindu viezingulu via ivi umali kokora mba!

Kwidzulitsa 32:20

Yavoola, ‘Sindavakonya kandi mba’ kandi ndalora ichaaza chekoleke kuvo kigira vaveeye likula lie kirage, kandi sivaveeye vasuuvirifu mba.

Kwidzulitsa 32:39

“ ‘Inzi, kandi Inzi wengine mbeeye Nyasaye; sihaveeyeho numunyasaye wundi oveeye wiligali mba. Nzitaa, kandi mbana livamwoyo, Nzataa ologoma kandi mbonyia, na sihaveeyeho numundu unyala kuhing'ana ku icha ngolaa mba.

Kwidzulitsa 32:4

“Yahova aveeye mukingi munene winyu, muduukiru kandi mulungi mu zinzira zizie ziosi. Nyasaye winyu aveeye musuuvirifu kandi wagiligali; akolaa agaveeye malungi kandi amalahi ku vandu vosi.

Kwidzulitsa 4:35

Yahova umali kololekiza vindu yivi ku munyi kumumanyia ndi oyo yeng'ine aveeye Nyasaye kandi sihaveeye no wundi nataveeye oyo yeng'ine mba.

Kwidzulitsa 4:39

Kunangwa wizulizi kalunu kandi utivilira mba: Yahova aveeye Nyasaye mwigulu kandi ku lirova, Sihaveeye ho nyasaye wundi mba.

1 Petro 1:16

Mang'oda matakatifu gavoora, “Muve avatakatifu kigira inzi mbeeye mutakatifu.”