1 Samweli 2:1 - KITABU KITAKATIFU

¹ Hana yasaala navoora: “Mwoyo gwange gusangalanga mu Yahova. Zinguru ziange zinenehiziywi mu Yahova. Munwa gwange gosekelizaa avasigu vange, kigira inzi sangaliraa mu vohonyi vuvwo. Mbeeye nuvusangali vonene kigira Nyasaye umali kongonya!

1 Samweli 2:1 Cross References

2 Kyetsinyinga 20:27

Mwami Jehoshafati yimilira liihi lilie kwirana Jerusalemi nu vuyanzi vonene, kigira Yahova yaali naguuti avasigu vaavo.

Nehemia 11:17

Matania mwana wa Mika, mwisukulu wa Zabadi, wi kisukururwi cha Asafu, yaali mwimiliri wi ikwaya yukwimba zinyimbu zielisaala liu kusandiza. Bakibukia uwaali mulondi wakaviri ku Matania, na Abida mwana wa Shamua mwisukulu wa Galali, kisukururwi cha Jeduzuni.

Ayubu 16:15

Inzi siomaa ninziviki zinguvu zia magunia, nzikaye hano mu luguchi ninguutinywi.

Zaburi 118:14

Yahova aveeye zinguru ziange kandi lwimbu lwi liguuta; umali kugwa vohoonyi vwange.

Zaburi 13:5

Navuzwa inzi mali kusuuvira vuyanzi vuvwo vutahera mba, mwoyo gwange gu lasangala kigira ulambonyia.

Zaburi 148:14

Amali kuha ihiiri yeeye zinguru, kunangwa avandu veve vosi vatakatifu vaduuki kumwizominya Avandu va Isiraeli vaveeye avayaanze ligali kuye. Mwizominye Yahova!

Zaburi 18:2

Yahova aveeye mukingi wange, aveeye imbinga yange yizingulu. Nyasaye wange aveeye chu kwivisamu change; aveeye inguva yange, kandi aveeye zinguru zio vohonyi vwange nu munara gwange.

Zaburi 20:5

Maku kulahanzuka kigira uvusangari ku liguuta liilio na kulaloomba lilia ku lizominya Nyasaye wiitu kigira liguuta liilio. Yahova akutivuliri lienya liilio liosi.

Zaburi 21:2

Ivi umali kumuha lienya liu mwoyo gwigwe umali kumutivulira lienya lilie.

Zaburi 35:9

Hene yaho, ndasangara ku aga ivi Yahova umali kongolera! Ndayaanza kigira umali kombonyia.

Zaburi 51:15

O, Yahova, ongonye komoloma; na inzi ndakwizominya.

Zaburi 71:8

Inzi nzizominyaa ivi lidiku liosi kandi, nandizaa uvukumi vuvwo.

Zaburi 75:10

Nyasaye alavunanyia zinguru ku vandu vachamu, navuzwa zinguru zia vandu valungi zilanenehizwa ligali.

Zaburi 89:17

Ivi okohezaa liguuta linene; kandi mu vuyanzi vuvwo, okoheeza uvuguuti.

Zaburi 89:18

O, Yahova, ivi oveeye mukingi wiitu, ivi Nyasaye Mutakatifu wa Isiraeli, wakuha mwami wiitu.

Zaburi 89:24

Ndamuyaanza kandi ndava musuuvirifu kuye, mihiga ni mihiga ndamukora kuva muguuti kazozo.

Zaburi 9:14

nduuki kusingira nuvuluviliri imbiri wa vandu va Jerusalemi, kandi nduuki kuvavoolera vindu viosi ivigiraa ningwizominya. Inzi ndasangara kigira ivi umali kombonyia.

Zaburi 92:10

Ivi umali kokora inzi kuva nizinguru ligali kuli embogo; umali kuungasiza nuvusangali.

Kutwula 15:1

Maku Musa na avandu va Isiraeli vimbira Yahova ulwimbu yilu: “Ndimbira Yahova, kigira umali kuguuta liguuta liu vukumi: Umali kusiuva zibarasi harara navahili vazio munyanza.

Kutwula 15:21

Miriamu yaavimbira: “Mwimbiri Yahova, kigira uguuti liguuta liu uvukumi; umali kusiuva zibarasi harara na vahiri vazio munyanza.”

Habakuk 3:1

Yili ni lisaala liu muporofeti Habakuki:

Habakuk 3:18

ndakazizagiliri kuva nu vuyanzi kandi nu vusangali, kigira Yahova Nyasaye aveeye muhonyi wange.

Luka 1:69

Okoheeye muhonyi wi zinguru kutura mukisukululwi cha Daudi mutumikiri weve.

Varumi 5:11

Si gaveeye yaga geng'ine, navuzwa kandi kusangara mu Nyasaye kuvitira mu Mwami wiitu Yeso Kristo, umali kukuhambanyia na Nyasaye.

Kwidzulitsa 33:17

Josefu aveeye nizinguru kuli zie igiriki. Zinziga zie igiriki yumuvulimu. Zinziga zizie ziveeye zielefu zia Manase, kandi zielefu likomi va Efuraimu. Alatandula zihiiri nazio. Kandi avalumbaa kuduuka ku keheri chi lirova.”

Vafilipi 3:3

Avandu vakevwa mugiligali ni kunyi kigira ni kunyi avasigamiraa Nyasaye mu Roho kandi avakusangalaa mu ilihambanywa lietu ku Kristo Yeso. Kandi kunyi sikuviikaa ilisuuvira mu likevwa mba.

Vafilipi 4:4

Mu sangale mu Mwami kazozo. Mboraa kandi musangare!

Vafilipi 4:6

Mutava ni lihenda mwoyo ku kindu kali kilala, navuzwa lienya lienyu limanyikane ku Nyasaye mu lisaala, mumuteeve nu mwoyo gwi lisandiza.

1 Petro 1:8

Munyi mumuyanzaa kali niiva simwamulola, kandi musuuviraa muye, kali niiva simumulolaa kalunu mba. Kunangwa musangare nu vusangali ovonene uvutanyala kovoolwa mu makuva vuzwa,

Likunula 18:20

Ligulu musangare kulio, na vandu va Nyasaye avatumwa, na avaporofeti; kigira munyi vandu va Nyasaye kandi avatumwa, na avaporofeti. Nyasaye umali kulikalagira kigira ivindu via yamukolera.

1 Samweli 1:6

Penina muhalikwa weve yaali anyala kumudambiza nukumuleganyia ligali muno kigira Yahova yaali niyavoha inda yeeye avuli kwivura.

1 Samweli 1:7

Makuva yaga gazizagilira vuli muhiga. Vuli ing'inga ya vaziza munyumba ya Yahova, Penina yaleganyiaa Hana ligali, kuduuka atiguka maliga kandi asuraa kulia kindu choosi.