Dokʉ̈ Körɛ̂nte 7:6 - Mbëtï Ndjapä: TÄFO MADƗ̈

⁶ Pö ndə̂ më tô rə̂ sə̈ nyê lâme, më zâbo nyê la gbôgbô ndə̂nə̈-a, praâbalë ngâ köbo kä ndə̂ më nyîsə̂ nə̈ sə̈ nyê.

Dokʉ̈ Körɛ̂nte 7:6 Cross References

Dokʉ̈ Körɛ̂nte 7:10

Âdə andə̂ andjanə̈ ndə̂ andjë totə̂ andjê lâme, më zäma âtə sə̈ andjê, âdə̂âbo mëmê-a, praâbalë Gbölö Gbïɛ̈ kä ndə̂ âzâma nə̈: Âwâbo pä ɛ̈chë gbotə̂ köchë ndə̂ yê-a.

Dokʉ̈ Körɛ̂nte 7:12

Âdə andə̂ adɨ̂ azü nə̈, më tö pö âtə sə̈ andjê, pö nə̈ tôâbo bhândə̂ Gbölö Gbïɛ̈-a, mëmê kä ndə̂ âtô rə̂ päkëdə̂: Âdə ngâ ɛ̈chë ndə̂ tche zâbô su yê zâ sə̈ Ndjapä dämba-ê, ânyë kə̈ nyîndə̂ kə̂ sə la köchë ndə̂ yê ndə̂ tche də̂ akrə ndə̂ Krîsiti, âwâbo pä köchë nə̈ gro tchë-a.

Dokʉ̈ Körɛ̂nte 7:25

Âdə andə̂ andjanə̈ ndə̂ andjë tôâbô aɛ̈chë âdəndjë aköchë tô-ê, Gbölö Gbïɛ̈ zâbo ma sə̈ mê pâ andjê-a. Praâbalë më ânyisə̂ kə̂ wun tchô ndə̂ mê batə̂ akrə, ndə̂ nyë wâ ndə̂kə̂ za su nyê pâ pö ndə̂ yê, bëte Gbölö Gbïɛ̈ wün nyonyo mê.

Dokʉ̈ Körɛ̂nte 7:40

Bhâtə̂ su mê, âdə ɛ̈chë nə̈ âtoabô ngâ köchë tô-ê, tchê səadje la mômô. Mëmê ndjë gbɛ̂ më wün rə̂ pä më kä la Yingö ndə̂ Ndjapä.

Bïchuû Körɛ̂nte 11:17

Pö ndə̂ më wâ ndə̂kə̂ to rə̂ lâme, âdə̂âbo tə̂ su Gbölö Gbïɛ̈ kä-a, praâbalë më sə̈ lakə̂ to pö nə̈ batə̂ earə̂ nyî. Më wünsə̂ nə̈ tə̂ lëge nə̈ pä më kä la ngâ rə ndə̂ më wâ ndə̂kə̂ bhi gogo mê tâ.

Bïchuû Körɛ̂nte 8:8

Më tôâbo pö lâme ndə̂kə̂ za kümändëmä sə̈ nyê-a, praâbalë ndə̂kə̂ to pö ndə̂ angâ a-Egilîze ndə̂ andjë wâ la gʉ kua. Më tö rə̂ käko ndə̂kə̂ za köbo sə̈ nyê ndə̂kə̂ nyisə̂ köbo ndə̂ nyë nyîndə̂ angâ nyê.