Dokʉ̈ Jâan 5:13 - Mbëtï Ndjapä: TÄFO MADƗ̈

¹³ Më mbö mbëtï âtə sə̈ nyê ndə̂kə̂ pa nyë wunsə̂ nə̈ pä nyë kä la tchîsûwu ndə̂ logbɛ̂ logbɛ̂, nyënyê ndə̂ nyë gâmba rə̈ Modô ndə̂ Ndjapä.

Dokʉ̈ Jâan 5:13 Cross References

Jâan 1:12

Praâbalë azü gbɛ̂ ndə̂ andjë mbô la sə̂ yê, ânyë kə̈ zâ su andjê sə̈ tchë, tche zä köbo sə̈ andjê ndə̂kə̂ watə̂ abechë ndə̂ Ndjapä.

Jâan 2:23

Ndə̂ Jezü sə̂ bhâ Jerûzalêmo lə̂ kpülü ndə̂ Pâke, angbängbä azü ndə̂ andjë wûn kpɨ̈ngbɨ̈ rə ndə̂ Jezü mbô rə̂, andjë zâ su andjê sə̈ tchë.

Jâan 20:31

Angâ arə nə̈ ndə̂ a mbô rə̂ lə̂ mbëtï âtə, a mbö rə̂ ndə̂kə̂ pa nyë gamba rə̂ pä Jezü wätə̂ Krîsiti, Modô ndə̂ Ndjapä. Âdə nyë âgamba rə̂, nyê wadje la tchîsûwu lə̂ köbosə̂ yê.

Jâan 21:24

Djisîpili nə̈ lâme kä ndə̂ âwûn rə nə̈, ânyë kə̈ mbô rə̂ lə̂ mbëtï; azə̈ wünsə̂ nə̈ pä pö ndə̂ tche tô rə̂ lâme wätə̂ lëge pö.

Jâan 3:18

Akrə ndə̂ tche zâ su yê sə̈ Modô nə̈, ngbanga wâbo lə̂ küma yê-a. Praâbalë akrə ndə̂ tche zâbô su yê zâ sə̈ tchë, a wâ ngbanga lə̂ küma yê nə̂, bëte tche zâbo su yê sə̈ gbokôngô Modô ndə̂ Ndjapä-a.

Jâan 5:24

«Ɛn-ɛn, tə̂ lëge nə̈ më tö rə̂ sə̈ nyê: Akrə ndə̂ tche djê pö ndə̂ mê, ânyë kə̈ zâ su yê sə̈ akrə ndə̂ tche wân mê, tche kä la tchîsûwu ndə̂ logbɛ̂ logbɛ̂, ngbanga wâbo lə̂ küma yê-a, praâbalë tche rô lə̂ kuzü nə̂, ânyë kə̈ wâ la tchîsûwu.

Abadjângele 3:16

Lə̂ köbosə̂ kə̂ za su sə̈ Ndjapä la rə̈ Jezü kä ndə̂ âtchâ köchë ndə̂ nyê sə lakə̂ wun tchë ânyë kə̈ wûnsə̂ yê âtə. Bëte kə̂ zâ su sə̈ Ndjapä ndə̂ âtô bhândə̂ Jezü kä ndə̂ tə̂ köchë lâme kâ dâka gbɛ̂ kpô tchâtchu nyê la azə̂ gbɛ̂ âtə.

Abadjângele 4:12

«Akrə wâbo ndə̂kə̂ tcha lə̂ kuzü lə̂ köbosə̂ ngâ rə̈ ngbî-a, bëte pâ cho gbɛ̂ ngâ rə̈ ngbî ndə̂ Ndjapä zâ rə̂ sə̈ azü ndə̂kə̂ pa andjë tcha lə̂ köbosə̂ nə̈ wâbo balë-a.»

Bïchuû Körɛ̂nte 5:1

Ârâ wünsə̂ nə̈ tə̂ lëge nə̈ pä pâ cho âtə, tə̂ azə̂ ndə̂ akrə kʉ̂tə̂ yê la ndokʉ̈ ndə̂ âwâ ndə̂kə̂ ndɨ̂ndɨ̈. Azə̈ kä la ngâ nda bhâ lafô ndə̂ Ndjapä mbô rə̂ ndə̂ âwâ logbɛ̂ ndə̂ âdə̂âbo könô azü kä ndə̂ âmbô rə̂-a.

Gälâte 4:6

Nyë wätə̂ abechë ndə̂ yê tə̂ lëge nə̈, Ndjapä wän Yingö ndə̂ Modô ndə̂ yê lə̂ su azə̂ ndə̂ âon päkëdə̂: «Aba!», ndə̂ ânyîndə̂ kə̂ to rə̂ päkëdə̂: «Bha!».

Dokʉ̈ Pîêre 5:12

Më mbö ndöndö mbëtï âtə sə̈ nyê lə̂ köbosə̂ Silvɛ̈n ndə̂ më wûn tchë batə̂ djîrə̂ ngâ azə̂ lə̂ Krîsiti. Më mbö rə̂ ndə̂kə̂ za gbôgbô tə̂ su nyê, ndjë ndə̂kə̂ nyisə̂ nə̈ sə̈ nyê pä pö nə̈ ndə̂ nyë ndə̂po lə̂ köbo nə̈ lâme wätə̂ lëge rə lə̂ köbosə̂ tchôtchô su ndə̂ Ndjapä.

Dokʉ̈ Jâan 1:4

Ârâ mbö mbëtï âtə sə̈ nyê ndə̂kə̂ pa mômô ndə̂ ârâ watə̂ gbölösə̂nə̈.

Dokʉ̈ Jâan 2:1

Abechë ndə̂ mê, më mbö mbëtï âtə sə̈ nyê ndə̂kə̂ pa nyë mboabô ngbongbo rə mbô-ê. Âdə ngâ akrə âmbo ngbongbo rə, azə̈ kä la ngâ earə̂ kə̂ za kokô azə̂ ndrotə̂ Bha azə̂, tche də̈ Jezü Krîsiti, ndə̂ tche wâ djîrə̂.

Dokʉ̈ Jâan 2:21

Mbëtï ndə̂ më mbô rə̂ sə̈ nyê âtə, nyîâbo sə̂nə̈ pä nyë wûn-âbo sə̂ lëge pö nə̂-a, praâbalë më mbö rə̂ bëte nyë wûnsə̂ lëge pö nə̂. Nyë wûn ndjë sə̂nə̈ nə̂ pä ngâ pö yepa balë wûtuabô lə̂ lëge pö-a.

Dokʉ̈ Jâan 2:25

Bâlâ ndə̂ Krîsiti za rə̂ tə̂ azə̂ də̈ tchîsûwu ndə̂ logbɛ̂ logbɛ̂.

Dokʉ̈ Jâan 2:26

Mbëtï ndə̂ më mbô rə̂ sə̈ nyê âtə, më mbö rə̂ tə̂ pö ndə̂ azü ndə̂ andjë mbo rə̂ pä köbo yu tə̂ nyê.

Dokʉ̈ Jâan 3:23

Ndïɛ̈ ndə̂ yê wä kâkë: Äwä ndə̂kə̂ pa azə̈ gamba rə̈ Modô ndə̂ yê Jezü Krîsiti, kə̂ nyində̂ angâ azə̂ lə̂ gbâtə̂ azə̂, gundə̂sə̂ ndïɛ̈ ndə̂ tche zâ rə̂ sə̈ azə̂.

Dokʉ̈ Jâan 4:9

Ndjapä nyïsə̂ köbo ndə̂kə̂ nyində̂ ngâ sə̈ azə̂ kâkë: Tche wän gbokôngô Modô ndə̂ yê atə̂ bêche ndə̂kə̂ pa lə̂ köbosə̂ yê azə̈ sə la tʉ̈rʉ̂ la.

Dokʉ̈ Jâan 5:10

Käko akrə ndə̂ tche zâ su yê sə̈ Modô ndə̂ Ndjapä, pö ndə̂ Ndjapä tô rə̂ lâme kä tə̂ su yê la tə̂ yê. Praâbalë akrə ndə̂ tche zâbô su yê zâ sə̈ Ndjapä, tche mbö Ndjapä tə̂ earə̂ yepa, bëte tche gâmbabô pö ndə̂ Ndjapä tô rə̂ pâ Modô ndə̂ yê-a.

Dokʉ̈ Jâan 5:11

Pö ndə̂ Ndjapä tô rə̂ lâme wä kâkë: Ndjapä zä tchîsûwu ndə̂ logbɛ̂ logbɛ̂ sə̈ azə̂, tchîsûwu nə̈ lâme, azə̈ gbö rə̂ lə̂ köbosə̂ Modô ndə̂ yê.

Dokʉ̈ Jâan 5:20

Azə̈ wûnsə̂ nə̈ nə̂ pä Modô ndə̂ Ndjapä nə̈, kə̈ zâ kə̂ wunsə̂ rə sə̈ azə̂ ndə̂kə̂ wunsə̂ lëge Ndjapä. Azə̈ wä balë la lëge Ndjapä lə̂ köbosə̂ Modô ndə̂ yê Jezü Krîsiti. Tchetchë kä ndə̂ âwâtə̂ lëge Ndjapä, kə̈ wâtə̂ tchîsûwu ndə̂ logbɛ̂ logbɛ̂.