Daniyeli 6:20 - IBAYIBOLO 2024

²⁰ Bo apalamila kuchiliba chila, akamwitizya u Daniyeli nubogha nkani akati, “Wee Daniyeli, we mubombi uwa Chala umumi, yuyo ukumubombelagha akabalilo kosi, nkimba akakupoka ku nkalamu?”

Daniyeli 6:20 Cross References

Ubwandilo 18:14

Nkimba chilipo chimo chicho chingamupota u Mwene? Ukuyana namumo u Mwene anenela, mumwaka uwa indabi, pakabalilo kanaka, u Sala akwiza pakuba nu mwana umulumendo.”

1 Imbili 16:11

Mumusubilaye u Mwene na maka ghache, mulondaye icheni chache bwila na bwila.

Masalimo 119:112

Nabikapo nkani umoyo wane pakughakonka amalamulo ghako, mupaka bo bufwe bwane.

Masalimo 146:2

Nkwiza pakumupala u Mwene mubumi bwane bosi. Nkwiza pakumwimbila u Chala wane bo inchili ne mumi.

Masalimo 73:23

Loli akabalilo kosi indi poka nawe, ukundema inyobe indilo.

Yelemiya 32:17

“Wee Mwene Uwamaka Ghosi, umupeli uwakumwanya ni chisu ichapasi na maka ghako amakulu sona ninyobe yako iyamaka. Chitalipo nachimo ichipalapala ku kwako.

Daniyeli 3:15

Losi ulu nanti mwivwa bulo ukulila ukwa lipati na malongi na mapango ni vinanda ni ng'oma ni visekeseke sona ni vyakwimbila vyosi ivyakulekanalekana, chingaba chiza nkani ukuti mufughamaye pasi pakuchiputa ichifwani chicho nkapanga. Loli nanti mutakuchiputa, mukwiza pakusumbiwa lubilolubilo mumoto uwa muvuno. Po nkimba chala wenu yuyo akwiza pakubapoka munyobe zyane?”

Daniyeli 3:17

Nanti twasumbiwa mumoto, u Chala yuyo tukumubombela angatupoka ku moto uwa muvuno, sona na munyobe zyako.

Daniyeli 6:16

Po u mwene akalamula ukuti bamusende u Daniyeli nukumusumbila muchiliba icha nkalamu chila. U mwene yula akamubuzya u Daniyeli akati, “U Chala wako yuyo ukumwiputa akupokaye!”

Daniyeli 6:19

Kubuche nkani u mwene akanyamuka nukuchimbilila kuchiliba icha nkalamu chila.

Daniyeli 6:26

Nkabika ululaghilo ulwakuti abantu bamuchindikaye u Chala uwa Daniyeli mubumwene bwane bosi. Pakuti we Chala umumi, sona wa bwila na bwila, ubumwene bwache butakwiza pakunanganika nalumolumo, ubulaghili bwache butakumalapo nalumolumo.

Daniyeli 6:27

Akumwimila umuntu sona akumupoka, akupela iviswigho ni vyika, kumwanya na pachisu ichapasi. Amupoka u Daniyeli kumaka agha nkalamu.”

Hoseya 12:6

Loli unyokelaye kwa Chala wako, lemezya ulughano nu bwanaloli sona mulindililaye bulo u Chala winyu akabalilo kosi.

Ukubelengiwa 11:23

U Mwene akamwamula u Mozesi akati, “Nkimba amaka ghane ghali ni mpaka? Losi ulu ukwiza pakwennya nanti amazyu ghane ghakwiza pakukwanilisiwa pamo awe.”

Luka 1:37

Pakuti chitalipo nachimochimo chicho chingamupota u Chala.”

Luka 18:1

Po u Yesu akababuzya abamanyili bache ichili pakubamanyisya ukuti biputaye akabalilo kosi nukusita ukulita.

Imbombo 6:4

Po akabalilo kosi aswe tukwiza pakwiyula munyiputo na mumbombo iyakulumbilila amazyu agha Chala.”

Aba Loma 2:7

Abantu babo bakwendelela pakubomba ubwiza nu buchindamu, umuchizi nubumi, u Chala akwiza pakubapa ubumi ubwa bwila na bwila.

2 Aba Kolinti 1:10

Umwene akatupoka kubufwe ubwakoghofya ubu, po akwiza pakutupoka. Twabika ulusubilo lwitu mumwache ukuti akwiza pakutupoka sona,

Aba Kolosi 4:2

Mubanje balweke munyiputo, sona mubanje maso, bo mukwiputa ukumupalizya u Chala.

2 Timoti 1:12

sona cho chifukwa nkuyimba. Loli pope bulo inchili indi nu lusubilo pakuti imumenye yuyo namusubila. Intakwilamwa ukuti akwiza pakuvisungilila akiza vivyo akansungisya mupaka Pisiku ilyabumalilo.

Aba Hebeli 7:25

Ichi cho chifukwa amenye pakubapoka abantu bosi babo bakwiza kwa Chala ukwendela mumwache. Pakuti umwene mumi bwila na bwila pakubalambilizikizya kwa Chala.

Yakobo 1:25

Loli nanti umuntu akuzyenelezya indaghilo izyakufikapo izya Chala, zizyo zikumusatula umuntu nukubomba zizyo amazyu ghakunena, sona atakuluvya zizyo akwivwa, naloli u Chala akwiza pakumusaya muvyosi vivyo akubomba.

Yuda 1:24

U Chala amenye pakubasunga ukuti mutakawe, sona akubafisya pamaso pabuchindamu bwache, bo muhobokite sona na basita chilema nachimochimo.