Daniyeli 5:2 - IBAYIBOLO 2024

² Bo u Belishazala akung'wela uvinyo, akalamula abantu ukuti bize ni mbako izya golide, nizya siliva zizyo uwise u Nebukadineza akasenda mu Nyumba iya Chala mu Yelusalemu, umwakuti yuyo na makambala ghache na bachi bache, poka na bachi bache abazya bang'welelayemo.

Daniyeli 5:2 Cross References

2 Samuweli 9:7

U Devedi akamubuzya akati, “Utakanyilaye. Nkulonda pakukupelela ichisa pachifukwa icha ghuso u Yonatani. Nkwiza pakukunyosezya ichisu chosi chicho chikaba cha ghusokulu u Sabuli, sona ukwiza pakulya poka nane akabalilo kosi.”

2 Abamwene 24:13

U Nebukadineza akasenda ivintu vyosi ivyamutengo vivyo vikaba muchipinda ichakusungilamo ubukabi ubwa mu Nyumba iya Mwene, sona na munyumba iya bumwene, ukuyana namumo u Mwene akanenela. Akasenda sona ivibombelo vyosi ivya golide vivyo u mwene u Solomoni uwamu Izilayeli akavipanga ukuti vibanje mu Nyumba iya Mwene.

2 Abamwene 25:15

Usongo uwa balindilili yula akasenda inyale ni mbale zizyo zikaba zya golide pamo u siliva umwenecho.

2 Imbili 11:20

Po akamusenda u Maaka umwana uwa Abisalomu, yuyo akamupapila u Abiya nu Atayi nu Ziza sona nu Shelomiti.

2 Imbili 15:16

U mwene u Asa akamwefyapo u nyinakulu u Maaka pabumwene, pachifukwa ichakuti akapanga ichifwani ichamwiko icha Ashela. U Asa akachidumulannya ichifwani chila nukuchochela mwikombe ilya Kidiloni.

2 Imbili 36:10

Bo amakwi ghakulemba, u mwene u Nebukadineza akabatuma abantu pakumulema nukwiza nawe ku Babiloni poka ni vibombelo ivyamutengo ivya mu Nyumba iya Mwene, po bakamwimika uwise umunandi uwa Yehoyakini, u Zedekiya pakuba we mwene uwamu Yuda na mu Yelusalemu.

2 Imbili 36:18

Akasenda ivibombelo vyosi nu bukabi ubwa mu Nyumba iya Chala, manyi vikulu manyi vinandi sona nu bukabi ubwa munyumba iya bumwene ni nyumba izya makambala ghache nukubuka navyo ku Babiloni.

Ezila 5:14

Akasenda ivibombelo ivya golide nu siliva ivya mu Nyumba iya Chala vivyo u Nebukadineza akefya mu Nyumba iya Chala mu Yelusalemu nukwiza navyo munyumba iya bachala bache mu Babiloni. Po u mwene u Sayilasi akamupa u Sheshibazali, yuyo akamusala ukuti abanje mulaghili uwa chisu.

Yelemiya 27:7

Inko zyosi zikwiza pakumubombela yuyo nu mwana wache sona nu mwizukulu wache mupaka akabalilo kafikile kako ichisu chache chikwiza pakulaghiliwa ninko inyinji. Po abantu aba inko inyinji na bamwene abamaka bakwiza pakumupela pakuba muzya wabo.

Yelemiya 50:35

“Nizite nu bwite pachisu icha Babiloni, napa bantu babo bakwikala mulamula, sona napa makambala napa bantu abamahala! Ane ne Mwene nanena.

Yelemiya 52:19

Usongo uwa balindilili yula akasenda amabeseni, ivyakochela utwakununkila, imbale izyakunyafilila amizi ni sonta ni vyakubikapo inyale sona ni mbale izyakung'welela ivyakwiyipa, zizyo zikaba zya golide pamo u siliva umwenecho.

Daniyeli 1:2

Po u Mwene akamubika u Yehoyakimu munyobe zyache, sona akasenda ivibombelo vimo ivya mu Nyumba iya Chala nukubuka navyo kunyumba iya bachala bache muchisu icha Babiloni, sona akavibika ivibombelo vila muvipinda ivyakusungilamo ubukabi.

Daniyeli 5:11

Mubumwene bwako muno alipo umuntu yumo, yuyo ali nu muzimu uwa bachala abazelu mumwache. Pakabalilo aka ghuso akaba muntu yula uwakuvyaghannya ivintu nu mumanyi, sona nu wamahala ngati gha bachala. Ughuso u Nebukadineza akamusala pakuba we songo uwa bamayele, nuwa balaghuzi nuwa bantu abakunena ni mizimu nuwa basanuzyi aba vilota, sona.

Daniyeli 5:13

Bakiza nu Daniyeli pamaso pa mwene, po u mwene akamulalusya akati, “Nkimba awe we Daniyeli weka uwa bazya, yuyo utata u mwene akabasenda muchisu icha Yuda?

Daniyeli 5:18

“Wee mwene, ivwa kuno, u Chala Uwakumwanya Nkani akamupela ughuso u Nebukadineza pakuba we mwene umukulu nkani, sona akamupa ubuchindamu nu bumwene.

Daniyeli 5:23

Loli ukamusambukila u Mwene uwakumwanya pakubalamula abantu ukuti bize ni mbako ni mbale pamaso papako zizyo zikaba mu Nyumba iya Chala. Po awe na makambala ghako, na bachi bako sona na bachi bako abazya mukang'welelaghamo uvinyo. Mukabapala abachala aba siliva naba golide naba mukuba na bachela naba makwi sona naba mabwe abachala babo batakwennya pamo ukwivwa pamo ukumanya ivintu. Loli utakamuchindika u Chala, yuyo akubusungilila ubumi bwako, sona yuyo ivintu vyosi vili munyobe zyache.

Daniyeli 5:3

Abantu bakiza ni mbako izya golide, zizyo bakasenda mu Nyumba iya Chala mu Yelusalemu, po yuyo na makambala ghache, na bachi bache, poka na bachi bache abazya bakang'welelamo.

Daniyeli 5:30

Ubusiku bulabula u mwene u Belishazala uwamu Babiloni akaghoghiwa,

Daniyeli 5:4

Bo bakung'wela uvinyo bakabapalagha abachala aba golide naba siliva naba mukuba naba chela naba makwi sona naba mabwe.

Ukubelengiwa 7:79

Akabika ibeseni lyoka ilya siliva ilyakung'wama ikilogalamu lyoka nu hafu. Akabika sona ni beseni lyoka ilya siliva ilyakung'wama amagalamu 800, ukuyana ni chipimilo icha buzilo ubuzelu. Vyosi vinivi vikizula nu busu ubwakongannya na mafuta ukuti chibanje chakwiyipa icha busu.